تكفون ياهل الخبره في الباترول

[stewrd]

اسعد الله الجميع بكل خير
يالربع انا عندي باترول موديل 94 قير تماتيك ربع الحاصل اني الموتر كان فيه تفتفه قويه فقمت بتغيير صفاية البنزين وفلتر الهواء والبواجي والبوبينه وبعده الموتر مازال فيه التفتفه وتزيد بشكل واضح جدا اذا طلعت على الجنوب بحيث يطفي كل شوي اذا كانت السرعه منخفضه واذا كانت السرعه عاليه في الطلوع في الجنوب ما فيه عزم مرررره رحت للمهندس اخر مره قالي لازم تغير اصلاح كربريتر لانه يضخ بنزين زياده وتصير التفتفه علما اني وجدت البواجي بعد تغييرها سودا باسبوع وعلما ان الكربريتر منضفه اللي عنده علم ينفعنا به وله من الدعاء تكفون يالربع

[شط العرب]

انا قد صارت معي بالبافندر 2004 وبعد الفحص بالكمبيوتر قالي الفني عندك السيرفس متعطل وهو فيش صغير تشتبك فيه اسلاك تجده فوق فلتر الهواء وقيمته بالوكالة ما يقار 3000ريال .
ولكن الفني لم يكن صائباً بهذا التشخيص حيث وجد فني آخر أن واحد من مسامير الثلاجة مرتخي وقام بالشد عليه عندها زال الخراب ولله الحمد .

انصحك تكشف على الثلاجة فيها تنسيم ولا لا أو اللي القادم من فلتر الهواء أو فلتر الهواء نفسه فإن كان كلهن سليمات شف السيرفس ربما يكون الخلل فيه .

[sarab88]

اخوووووي عندك الكلبليتر يبيله اصلاح لان ضخه قوووي مره ويلعب بالبواجي وتقبلوووووووا مروري

[عاشق الغضا]

ياخوي احتمال كبير 95% انه من الديلكو رح لمكانيكي وخله يوزنه بأذن الله يضبط

[stewrd]

السلام عليكم ورحمة الله وبركاته
اخوي شط العرب مادري وش قصدك في الثلاجه الشي الثاني هل لها دخل بالكربريتر والتفتفه اعذرني ما افهم في السيارات
--- سراب 88 احد المهندسين ذكر لي نفس كلامك ولكن كثير من الاخوان قالوا انه ما يفيد حتى لو غيرته مادري انت صار معك الشيء ذا وتعدلت السياره
اخوي عاشق الغضاء بالنسبه للديلكو ان وزنته مرتين ولاكن للاسف ما فيه امل تكفون يالربع اللي ادلى برايه ما قصر الله يبيض وجهه وانتظر المزيد ولكم جزيل الشكر

[فيصل 2010]

السلام عليكم

اخوي في كذا سبب
الاول اشتر طقم اصلاح للكبريتر
الثاني عيار الديلكو
الثالث مركب شغله على موترك وبعدها طلعت التفتفه مثل هدرز ولاا شغله كانت
رابع شغله شيك على وايرات البلاكات (البواجي )

واسمحلنا هذي الي قدرنا عليه

سلام

[صافي الماس]

بعد التحية للجميع

حبيبنا .. اشوف ان الوضع يمكن لي هواء خاص بالكلبليتر منطلق .
روح للمهندس وقله شيك على جميع الليات الخاصة بالهواء.

او افخص كمبيوتر بيبين الوضع .

تحياتي

[sarab88]

طيب ياخوي شف فيه لي يطلع من الطرنبه ويدخل بالكلبليتر مظبوط افصل اللي اللي داخل بالكلبليتر وشغل كانه يطلع معه بنزين قوي قان الطرنبه مظبوطه وان كانه يقطع اومايصب فعندك الطرنبه خربانه وشيك عليه واحيانا يكون من الطرنبه وانا قد صارت معي بس غيرت اصلاح الكلبليتر وزان الحمدالله لكن انت شف الطرنبه اول وعسى خير ان شاء الله وتقبلووووووووا مروري

[سامي2002]

انا اسف جداً بس يخوي انا فرحت يوم قلت باترول ربع قير تماتيك ونا من زمان ادور الباترول ..... للبيع الله يعطيك خيره ويكفيك شرة او تبادل بشروكي 96 زيتي نظيف مره اذا عندك استعداد ارجو الاتصال على كتابة رساله على الجوال زين وانا اردعليك 0595102177 ولك مني جزيل الشكر والتقدير ... اخوك سامي 2002

[قايد تميم 1]

شيك ع الخرطووش الهواء الى يوصل لا فلتر الهواء يمكن فيه شق او تنسم وقد صارت معي ع الباترول وغيرت الطرمبه واصلاح كلبريتر ومنها انشاء الله يصلح

[majeds]

اسعد الله الجميع بكل خير
يالربع انا عندي باترول موديل 94 قير تماتيك ربع الحاصل اني الموتر كان فيه تفتفه قويه فقمت بتغيير صفاية البنزين وفلتر الهواء والبواجي والبوبينه وبعده الموتر مازال فيه التفتفه وتزيد بشكل واضح جدا اذا طلعت على الجنوب بحيث يطفي كل شوي اذا كانت السرعه منخفضه واذا كانت السرعه عاليه في الطلوع في الجنوب ما فيه عزم مرررره رحت للمهندس اخر مره قالي لازم تغير اصلاح كربريتر لانه يضخ بنزين زياده وتصير التفتفه علما اني وجدت البواجي بعد تغييرها سودا باسبوع وعلما ان الكربريتر منضفه اللي عنده علم ينفعنا به وله من الدعاء تكفون يالربع

صح كلامك تلاقي البواجي سودا وفيها ريحه بنزين ولا فصلت سلك البوجي والسيارة شغاله ماترجف مثل ماهي لانه اصلا موب شغال. انتبه ترى الكهرباء الي طالعه منه كانها من عداد كهرب امسكها بقماشه

المشكلة والحل من واقع تجربه

مشكلة كهربائية
1- اسلاك بواجي ( اصلي)
2- بواجي ( اصلي)
3- تغير البلاتين ( اصلي)
4- تغير شاكوش الديلكو وما ادراك ما الشاكوش ( اصلي)
5- وزن الديلكو ( اصلي ) ههههههههه اقصد المهندس لازم يكون ممتاز

مشكلة ميكانيكية
1- تغير ليات الكربريتر المغذي والرجيع وتركيب قفايز (اصلي) مع احكام الشد
2- تغير فلتر البنزين.
3- تغير طقم اصلاح كاربريتر ونضافته مع الوزن وتفقد العوامه والكباس .
4- تنضيف التانكي اذا لم يسبق لك ذلك.لانه احتمال هو الي عدملك الكاربريتر

نصيحة : تاكد من ان القطع ا صليه من الشركة وليس من محل يقولك هذا اصلي وهذا تجاري وتلاقي الكل تجاري الكل يسرق الا من رحم الله.انا دخلت في هذا الفلم وفي الاخير طلعت البواجي تقليد ( تكربن)

[صقآر الكويت]

آخوي الموتر يقطع وياك ومب صافي وعزمه طايح شوف
ياآنه طربه البانزين ضعيفه آو بلاكات المكينه فيهم خراب
شوف والله يوفقك
آنا عندي سفاري 97 بخاخ وصار نفس حكايتك
وشوف آنت

[matiz]

سوي وزن ديلكو ترى البواجي لما تسود معناتو يابنزن زيادو ولا هوا زيادة وغير إصلاح للكربريتر والله يحفظك <أبو زياد>

[ممدوح 2010]

صارت معي نظفت الكلبليتر مرة ولا زبط ونظفتة مرة ثانية ولازبط ونظفتة مرة ثالثة عند واحد يفهم ومع طقم اصلاح وزبط
كلام المهندس 100%