( استفسار لأهل الخبرة سيارتي تحذف يسار ) [الأرشيف]

مشاهدة النسخة كاملة : ( استفسار لأهل الخبرة سيارتي تحذف يسار )

ابوسليم

24/05/2010, 02:14 PM

استفسار لدي سيارة لما امشي لازم اكون ماسك الدركسون ولما اخلي الدركسون على طول تحذف يسار على الخفيف ... زميل يقول ممكن يكون المساعد الأيسر للسيارة خربان ؟ هل ممكن يكون هذا السبب .... ومن يعرف لي محل ترصيص كفرات ممتاز في شمال الرياض ... اكون له من الشاكرين .

عـبـود 911

24/05/2010, 06:49 PM

هذي من الأذرعة بارك الله فيك !!

شيخ العزوبية

24/05/2010, 07:46 PM

ميزان العضيب متخصص في الاشيائ هذي .. وموقعهم الصناعيه القديمه ..

انصحك تروح لهم احسن من تروح لورشه ويلعبون فيها زود ..

سعود بن عايض

24/05/2010, 08:32 PM

وزن اذرعه وموب اي واحد يضبطها

ابوفهد.19

24/05/2010, 09:03 PM

صحيح كلامك يا اخوي سعود بن عايض وزن اذرعه موب اي واحد يسويه ويضبطها

انا مره وديت سيارة اخوي لصناعيه ابسوي وزنيه لدركسون يوم خلصو واخذ السياره ولا الدركسون كاسر يمن والكفرات سيده لحسة مخ شوي ازبده وارجعها له وضبطها مره ثاني وطلع فيه حذفه خفيفه و اوديه من ورشه إلى ورشه إلين طحت في واحد هندي واقوله كيت كيت كيت وزبده قالي تعالي بعد 3 ساعة قلتله اوكيه ويظبها لي وازوده من عندي 20 ريال وارخص من المحلات الي رحتلها يا سوري يا تركي يا يمني وفي بلخضريه واحد يامني يسوي ضفيره كامله ومحله متر في متر وماشاء الله علييييييه ... كني طولة عليكم ولا انا اتخيل هههههههه

ولكم كل تحياتي ..

Avalanche

25/05/2010, 08:15 AM

http://www.mekshat.com/vb/showthread.php?t=296706

لبرتي

25/05/2010, 10:00 AM

عندك مشكلة في الاذرعه وشغلها بسيط ان شاء الله

ساموراي

25/05/2010, 10:05 AM

هذى الأذرعه وأنا أخوك صرت خبير فيها من كثر ما أسويها خابر جده كلها حفر

ابوسليم

25/05/2010, 10:17 AM

هذي من الأذرعة بارك الله فيك !!

الله يجزاك خير ... ابشيك عليه عند احد المراكز .

ميزان العضيب متخصص في الاشيائ هذي .. وموقعهم الصناعيه القديمه ..

انصحك تروح لهم احسن من تروح لورشه ويلعبون فيها زود ..

مريت العضيب بارك الله فيك الي على طريق الملك عبد العزيز .. قالي غير المساعد .. بس كني ما اقتنعت ..

وزن اذرعه وموب اي واحد يضبطها

المشكلة عندنا مراكز الصيانه بكثرة ...لاكن وين تحصل الفاهمين . وفقك الله .

صحيح كلامك يا اخوي سعود بن عايض وزن اذرعه موب اي واحد يسويه ويضبطها

انا مره وديت سيارة اخوي لصناعيه ابسوي وزنيه لدركسون يوم خلصو واخذ السياره ولا الدركسون كاسر يمن والكفرات سيده لحسة مخ شوي ازبده وارجعها له وضبطها مره ثاني وطلع فيه حذفه خفيفه و اوديه من ورشه إلى ورشه إلين طحت في واحد هندي واقوله كيت كيت كيت وزبده قالي تعالي بعد 3 ساعة قلتله اوكيه ويظبها لي وازوده من عندي 20 ريال وارخص من المحلات الي رحتلها يا سوري يا تركي يا يمني وفي بلخضريه واحد يامني يسوي ضفيره كامله ومحله متر في متر وماشاء الله علييييييه ... كني طولة عليكم ولا انا اتخيل هههههههه

هذه المشكلة وانا اخوك ... امخلين هل عمالة تدرب على سياراتنا ... بيض الله وجهك .

ولكم كل تحياتي ..

http://www.mekshat.com/vb/showthread.php?t=296706 (http://www.mekshat.com/vb/showthread.php?t=296706)

الله يجزاك خير ... ان شاء الله ابروح للورشة المذكورة الي فيها الباكستاني ...

عندك مشكلة في الاذرعه وشغلها بسيط ان شاء الله

الله يعين انشاء الله ... ورحم الله والديك..

ابوسليم

25/05/2010, 10:21 AM

هذى الأذرعه وأنا أخوك صرت خبير فيها من كثر ما أسويها خابر جده كلها حفر

اشكرك اخوي على مرورك ... ابي امر احد الورش والله يعين .

الباثفندر 3.5

25/05/2010, 06:23 PM

matiz

25/05/2010, 07:50 PM

شيك على جلود المقصات إذا مقطوعة تسوي حذفة
الشئ الثاني المساعد ليكون مضرب
اذا سيارتك جيب شوف المقصات ترى لها ميزان
عندك الدركسون إذا في فضاوة جهة الحذف إكثر شيك على الجريدة المسننة < العامود الداخل >يكون محلول ويحفظ الله < ابو زياد >

سفاري959

26/05/2010, 02:00 AM

اخوي زياده على اللي قالوا الأخوان شف الكفرات اذا كانت قديمه تسوي حذفه وصارت علي ونقص هواء الكفرات تسبب حذفه

بواردي الدلم

26/05/2010, 02:13 AM

أكيد إنك راقي لك رصيف من الجهه اليسار

عموما رح لميزان العضيب ترى فيه واحد في الشمال بس والله ناسي إسم الشارع بس إللي أذكره حول شركة بن سعيدان

أعتقد في طريق الملك عبد العزيز

ابوسليم

26/05/2010, 10:42 AM

تخيلو انه حتى الوكاله ما تضبط وزن الاذرعه و الترصصيص ايضا نفس الشي
اقسم بالله انه عندنا سياره جديده ماشيه اقل من 600 كيلو و فيها حذفه و رجه ووديتها للوكاله و لا ضبطوها عدل و الله اني 4 ايام اراجع فيها الوكاله و لاهم عارفين يضبطونها عدل لكن الله بياخذ حقي منهم

شيك على جلود المقصات إذا مقطوعة تسوي حذفة
الشئ الثاني المساعد ليكون مضرب
اذا سيارتك جيب شوف المقصات ترى لها ميزان
عندك الدركسون إذا في فضاوة جهة الحذف إكثر شيك على الجريدة المسننة < العامود الداخل >يكون محلول ويحفظ الله < ابو زياد >

اخوي زياده على اللي قالوا الأخوان شف الكفرات اذا كانت قديمه تسوي حذفه وصارت علي ونقص هواء الكفرات تسبب حذفه

أكيد إنك راقي لك رصيف من الجهه اليسار

عموما رح لميزان العضيب ترى فيه واحد في الشمال بس والله ناسي إسم الشارع بس إللي أذكره حول شركة بن سعيدان

أعتقد في طريق الملك عبد العزيز

بيض الله اوجيهكم جميع على هذه الملاحظات وان شاء الله امر لي ورشه وربكم يسهل ....