التانكي الاضافي في الفتك

[صباح القايله]

السلام عليكم اخوني كيف حالكم عندي مشكله وهي ان لنبة التانكي ولعت عندي باطبلون
ولا يحول
طبعن فصلت الاصبع وبدلت الكتاوتات الي بطبلون ولا نفع وش الاحل

[4*4]

انصح اخي الكريم تروح لشخص كهربائي يفحصه بالكمبيوتر لان فيه اسباب كثيره لتشكيل طرمبة التانكي الثاني للفتك
احد الشباب صادفته مشكله وغير كل شي يتعلق بالتانكي الاضافي من طرمبه وحساس وفيش وفي الاخير اكتشف ان شريحة الطبلون فيها حرق عند امبير البنزين وراحت كل الاشياء اللي غيرها بدون فايده
انصحك بفحص الكمبيوتر عند شخص فاهم

[قرم العيال]

الله اعلم انه ايسيه عداد البنزين يجونك الربع بس وين موقعك !! عشان الورش القريبه

[صباح القايله]

موقعي الرياض
لكن مافيه مانع في القصيم بس مضمون

[Abu Muthana]

هلا وغلا اخوي الموضوع ذا صار معي قبل فترة

ورحت لكهربائي وفحص لي الفيوزات حصل واحد منقص ومن بعدها ولله الحمد ما رجعت لكن المشكله صارت
في التانكي الكبير الانبير حقة صار خربان ويقول لازم تغير العوامه

[4*4]

انصحك تروح للجابري في الصناعيه القديمه خلف تراي ستار
بياخذ عليك فحص كمبيوتر تقريبا 200 الى 300 انت وشطارتك
بس شغل صح ولا فيه بربسة ولا يتعلم فيك

[سوبر VTC]

http://www.mekshat.com/vb/../pix/upload02/images54/mk58646_subtank.jpg


يتضح ان كود ( لمبة ) التانكي الاضافي مولعه SUB TANK و بهذه الحالة لا يمكن تحويل البنزين من التانكي الاضافي الى التانكي الاساسي ...


سابقاً كانت تولع و اذا احتجت البنزين الاضافي او اذا كان عندي مشوار طويل افصل اصبع البطارية و اعيده مره ثانية و تطفي و تجلس فترة طويلة - شهر , شهرين , ثلاثة شهور - ثم تولع اما هالحين ما تجلس ولا ربع ساعة الا وتولع مره ثانية و يستحيل تحويل البنزين من تانكي لاخر ؟؟!!..


شباب اللي عنده الحل ينقذنا الله لا يهينه ,,, او اللي يعرف ورشة سبق ان حلو هالمشكلة - ما احب المغامرة و تجارب العمالة - يدلني عليها ..


والله يجزي الجميع الخير والبركة ...


وما ودي اودي الموتر للوكالة مواعيد وصرف دراهم و كذب واختلاس للمسلمين ...

رد في موضوع سابق

هل خرب زر التانكي الاحتياطي مايحول ؟
هل انبير البنزين سابقا يلعب مره فل و مرة على النص
و مره على الربع
عموما
عندك ورشة التركي تخصص نيسان بالصناعية القديمة
او ورشة العثيم + ورشة يوسف الخضير في بريدة
غالبا يخرب التانكي الاحتياطي بالفتك
و شغله يكلف مع الضمان من 300 الى 500ريال
الخراب بنفس الطبلون خراب ايسي مثل ايسي ارسال الكنود او الايكوم
و قد يكون العطل
قاعدة العوامة منطلقة من محله و تسبب المشكلة
او من الفيش او كتاوت او فيوز
و لازم يتاكدون من الظفيرة
لكن غالب المشكلة من الطبلون
دام ان الانبير يلعب فالمشكلة من الطبلون باذن الله خراب ايسي بنفس بورد او خريطة الطبلون
الفتك احيانا مايشتغل و السبب الكتاوت يلذع و يسوي طبقة كربون سوداء تمنع توصيل الكهرب مثل املاح اصبع البطارية
لتفادي المشكلة
ماتشغل الموتر حتى تطفى الطرمبة + تطفى لمبة التشيك بالطبلون
عندنا الكهربائي العثيم ببريدة يصلح الكتاوت على الضمان ب50ريال
الان نزل بالمحلات كتاوت جديد لونه اخضر
على كلام الاعضاء انه حل لمشكلة الكتاوت السابق لونه ارزق

فائدة لو ماشتغل الموتر اضرب الديكور يسار الدركسون و افتح السويتش
راح تسمع صوت اشتغال الطرمبة
كد صارت المشكلة لفتك م2005 + م2006 + م2008
بسبب الكتاوت مرة بالصمان و مرة بالنفود الكبير
ايضا يوجد درج صغير يسار الدركسون افتحه تحصل كتاوت زرقاء
اضرب الكتاوت اللي يمين فوق بمفك
اقنعه بالمفك عدة مرات و افتح السويتش
و راح يشتغل باذن الله

رابط

مشكلة عداد البنزين في الباترول (http://www.mekshat.com/vb/showthread.php?t=286566)

[صلفان.نجد]

انصحك تروح للجابري في الصناعيه القديمه خلف تراي ستار
بياخذ عليك فحص كمبيوتر تقريبا 200 الى 300 انت وشطارتك
بس شغل صح ولا فيه بربسة ولا يتعلم فيك

نصيحه انحش وفر من الجابري فرارك من الاسد (والله انه اكبر نصاب )تلقى سيارتك شغلتها بسيطه ويوقف السياره عنده يوم ومن بكره يرصك بمبلغ وقدره. وان طعتوا شوري لاتتعدون الكوادر الوطنيه وياكثرهم .

[صباح القايله]

جزكم الله خير يخوان على التفاعل

[سفاري959]

اخوي انصحك بورشه ابو صالح التركي في الصناعيه القديمه وانا شايفه يصلح نفس المشكله في فتك وهي مثل ما قالوا الأخوان ايسيات في الطبلون

[الوسيطاء]

اخوي جهز لك 500لورشه التركي والا600للعثيم في القصيم

كل هاذا شغل ايدهم شغل الكهرباء يبيله فنان

[القناص 3626]

العثيم في القصيم اشتغلت عنده قبل سنه
وابشرك التانكي الاضافي مضبوط وشغله نظيف
والرجل نصوح بس دق عليه قبل تروح عنده زحمه
والله يوفقك
اخوك ابوفيصل

[صباح القايله]

جزاكم الله خير يخوان
ون شاء الله اوفيكم بي اخر الاخبار الله يسر الامور

[محسن اليامي]

ون شاء الله اوفيكم بي اخر الاخبار الله يسر الامور

ضروري جدا جدا

[falconer-kw]

السلام عليكم

اخي الكريم

بعطيك الحل وان شاء الله يفيد معاك انا جربتها اكثر من مره على جيبي وجيوب الربع ودايم تضبط معاي والحمد الله

اولا سكر السويش وافصل راس البطاريه الاحمر وبعدها افتح الويش على الناريه فقط وبعدها حاول تلامس الراس الاحمر فقط يعني لا تركبه بس جدحه مره او مرتين بعدها سكر السويش ثم راكب راس البطاريه وشغل وان شاء الله تكون راحت الحاله :good:وعسى الله يعينك
وسامحني على الاطاله واذا تبي اي استفسار كلمني على الخاص وانا بالخدمه

اخوك بالله / ســـــــــــــفاري الكويت :l