لو خيروكــــــ بين يوكون وإلا تاهو ........... وش راح تختار ؟

[محمد 98]

.



السلام عليكم ورحمة الله وبركاته








يا أخوان أنا يطري علي هاليومين آخذ موتر بس اني محتار بين يوكون أو تاهو (إيجار منتهي بالتمليك)

لكني محتار بينهم


من ناحية القوة والفخامة ....


وش الأفضل ؟


ووش أحسن لون ؟


والأفضل دبل وإلا بدون ؟



ياليت تعلموني لا خلا ولا عدم ......



بانتظاركم .. :redcar:

[.أبوعبدالرحمن]

عني أنا أباخذ تاهو لون رمادي والا فضي و بدبل


والله يوفقك ولا تنسى الاستخارة

[عبدالرحمن1980]

ياخوي السيارة نفسها نفسها مجرد غيرو العلامة زادو في السيارة10000

[الفيلسوف19]

تاهو لون فضي او ابيض

[بو خليفه]

اختار اللى اقل سعر

[أطلال نجد]

المحركات
قير . مكينة . دفرنسات
لا يوجد أي أختلاف فيها بين اليوكن والتاهو , كذلك نفس القوة وصرفية البنزين
الأختلاف فقط في شكل مقدمة السيارة والعلامة
بالنسبة لي أفضل اليوكن على التاهو كشكل
من ناحية الألوان أحرص دائماً على اللون الفاتح .. ذهبي , صخري , فضي , أبيض .. الخ خصوصاً إذا كنت من أهل الرياض أو الشرقية أو أي منطقة أخرى حاره
باقي المواصفات الثانية أنت تحددها حسب حاجتك وامكانياتك
طبعاً أنصحك بالدبل لأنه يزيد من ثبات السيارة ورساوتها ويمسك سعر السيارة عند البيع فيما بعد
بكذا راح تطلع معك سيارة عائلية مريحة اقتصادية وجيب في نفس الوقت
ومثل مثل ما قالوا الأخوان ..الاستخارة قبل كل شيء ..
موفق خير ,,,

[عاشق ونيت]

التاهو اقل بشي بسيط مايذكر بقطع الغيار مثلا عندك الشمعه الاماميه للتاهو ب 2200 بينما لليوكن بحكم ان الشمعه اكبر كما يزعم اصحاب المحلات سعرها 2700 بس هذا انا صراحه ما اعتبره عائق لو كنت بمكانك وهي تعود اولا واخيرا لميولك واختيارك لو علي اخذت تاهو ltz ابيض والله يوفقك ويعطيك من خيرها ويكفيك شرها مقدما
دمت بود

[mkr ابو خالد]

اذا انت محدود على السيارتين هذي الافضل لك تاهو الاختلاف في الشكل
فقط وخذ دبل ازرار ماهو دينالي واللون لايتعداك اللؤلؤي روعه بمعنى الكلمة

[تميمي]

تاهو لؤلؤي أو رمادي طبعا مع دبل

واحرص على جنط 20 يعطيه فخامة قوية

[مشاغب السقالة]

عليك بالاستخارة
انا مع اليوكون
بيجيب فلوس مع البيع

[مقلع الرمث]

ياخي تاهو لؤلؤي غيره لا تاخذ شكله جميل جدا

[ابواحمد22]

بالنسبة لي تاهو - دبل
والله يكتب لك الخير
ما ادري ماني هاضم اليوكون اشوف التاهو احسن
ولكل وجهة نظر

[محمد 98]

يعيطكم العافية شباب



ماقصرتو



وأنا احترت بصراحة لكن مع الاستخارة الله يكتب اللي فيه خير وصالح




سؤال يالأخوان



بعض الردود يقولون اشتر تاهو لؤلؤي





مدري هو فيه لون لؤلؤي ؟



لأني اللي أخبره أبيض مهب لؤلؤي





ياليت تنورونا



بحثت في الانترنت ودخلت موقع الجميع ومواقع أخرى عن السيارات ماحصلت أي معلومة ....


مشكلة موقع الجميح مايعيطك الولوان ولا أي معلومة بس صورة وخلاص

وش ذالموقع؟

غريبه من الجميح

[السنع كله]

وش لك بالوكالة رح معرض النسيم اقل سعر وتتادك من السيارة لانها بين يديك واهل المعرض قبلك فاحصينها فكم الوكالة دفت سيارت مدعومة ومحكوكة على اناس لم يعلموا الا وقت فات الاوان
باقي الاجار ليت تعرضه حتى يعطيك الاخوة الاراء ففي الطريقة تفاوت بين الوكلات والمعارض والتفوت كبير وكبير

[أطلال نجد]

أعتقد اللؤلؤي يجي على الدينالي والفل فقط

[yaaahiaaa]

السلام عليكم

بالنسبة لي افضل التاهو لون لؤلؤي دبل جنط 20

ولكن المرغوب أكثر واللي له شعبية في السعودية هو اليوكن
بمعنى انه راح يمسك سعره عند البيع اكثر من التاهر لانه شفروليه

والله يوفقك للخير

[ابو أنس2010]

اليوكن احلى واجمل من التاهو من ناحية المواصفات الداخليه والمنظر الخارجي بس يكفيك عيونه وااااااااااااسعه :)

[وليام]

تاهو او يكون
سلفرادو او سيرا
كلها نفس الشي مكينه وقير ودفرنس ونفس القطع تركب على بعض الاختلاف في العلامات والشكل الخارجي مثل الوجه والاسطبات الخلفية

[ابويارا1001]

لو خيروني

تاهو دبل

صخري


وبالتوفيق

[awod]

جمس صالون دبل يشيلك ويشيل عفشك وكل اللي تحتاجه
اليوكون والتاهو مافيه شنطه كبيره تشيل العفوش وحنا يالسعوديين قشنا واجد ومايكفيك دنه .
الله يسهل لك امرك

[ابرق الكبريت.]

انا افضل التاهو
وشكل التاهو اجمل
وايضا الانوار الامامية بالنسبة ‏
للنور العالي اقوة وافضل من اليوكون
وبالتوفيق

[ولد وايل..]

انا عندي تاهو...

وأحيانا احس اليوكن افخم...

لكن كقوة وشكل شباب << عزززوبي...

التاهو بلا كلام...

وفيه لون مطنوووووووووووووووووووخ

جديد انا موتري مافيه ولا رش ولا شي وودي اصبغه بها اللون <<مهبووول...


الوون اسود كذابب او رمادي غاااااامق شفه واله تدعي لي طنننننننننخه وترى مانزل الا 2010 او 2011 <<ان كانه نزل...

[ذيب زلفاوي]

تاهو ال تي زد لؤلؤي او اسود دبل
وترك عنك اليوكن زايدين قيمته على الفاضي
تبي طويل خذ يوكن
تبي قصير خذ تاهو