بعد الحادث هذا الذي حصل (( ارجو المساعدة ))

[Abu Muthana]

بعد الســـلام عليكم ورحمة الله وبركاته

اولاً احمد الله عز وجل ان سلمني من حادث ولله الحمد انني بخير والسيارة بخير البدي ولله الحمد
ما جاه حتى الحكه لكن الصدام البلاستيك انطعج للخلف وعاد مكانه والشمعات الي تحت راحت في خبر كان وغيرتها وكالة

لكن المشكله تكمن عند الطارة فمن بعد الحاث اصبح الدركسون فيه ميلان لليسار مع ان الكفر معتدل للامام ؟؟؟


ارجو منكم المساعدة في هل المشكلة في الدفرنس ولا كيف .؟؟

[العابر2222]

الحمد لله على سلامتك قبل كل شي

ثانيا ان شاء الله الموتر ما فيه شي ... ودة لأي ميزان وراح يقولك وش فيه .. ان لو تشرح لنا الظربه كيف جت هل هي رصيف او بالوجه عشان نقدرنحكم

[ماء السحاب]

ما قصر اخوي العابر

[Abu Muthana]

هلا والله يا العابر والله يسلمكم

الله يسلمك انا كنت حاذف الموتر يمين وزلق لان الشارع كان فيه شوي تراب وانت بكرامه والجميع

وعلى لفة السيارة لمخت السيارة الثانية والموتر على زاوية من اليسار

[عشقي الباترول]

الحمدلله على السلامة اولآ
ثانيا رح لاافرب ميزان وان شالله يعدلون الطاره
وترها بسيطة

[هويدي]

الحمدلله على سلامتك

مثل ما ذكروا الاخوان وزن طاره والشغله إن شاء الله سهله وماتكلف

ومن باب الاحتياط خله يشيك على الأذرعه

[العابر2222]

اخوي الأمر بسيط ودة بس للميزان ويوزن لك الدركسون

حتى بدون حوادث السيارة الي تاكل مطب قوي يفر دركسونها شي طبيعي