ثلاث مشاكل باللاند كروزر 2007

[سيد القصر]

السلام عليكم ويسعد الله اوقاتكم بالطيب والخير
المشكلة الاولى :
خرب علي الونش والمشكله انه لما خرب كان الكيبل ممدود برا السياره وتورطت فيه ابي اردة للداخل فلاحظت ان هناك زيت احمر يقطر من مكينة الونش , المهم اني ماقدرت ارجع الونش داخل الصدام فصار الموتر مثل الرجل اللي مفتوح بطنه وامعاءه امامه :)
جبت السمكري وفكينا الصدام وطلعنا الونش من السياره على اساس اني اقدر اتحرك بالسياره والونش بعدين اشوف له حل .. الاسئلة كالتالي :
1 . وين احصل محل يصلح ونش الجيب ؟
2 . هل يضر السياره اني طلعت الونش منها ؟
3 . اثناء اخراج الونش من الصدام لقيت سلكين موصوله بالونش ففصلتها واعتقد والله العالم ان واحد جاي من البطارية والثانية مدري حق ايش , سؤالي وش هي كالسلكين ؟ طبعا ربطنا الكيبلين في الصدام من الداخل عشان ماتنجرح و فهل هذا اجراء صحيح ؟

المشكلة الثانية :
لي اكثر من سنتين اغير زيت المكينة عند ون ستوب , شغلهم مره طيب ولكن قبل سنة بعد ماغيرت الزيت ومشيت ولعت على لمبنة المكينة , فلما رجعت للورشة حصلنا سلك مفصول قريب جدا من السيفون والله العالم انه حساس واعتقد العامل مع محاولة فك وتركيب السيفون قطع السلوك او اسحبة المهم رجعناه محله بس مازالت اللمبه مولعه من ذاك الوقت لها سنة
والموتر ماضره شي ..
هل عندكم فكرة او تعليق على هذا الشيء ؟

المشكله الثالثة :
غيرت قبل ايام فلتر القير وصبينا زيت اصلي من الوكاله 6 لتر بالضبط
ولكن العيار مدري وش فيه مره يضبط ويعطيني قراءه صحيحة ومره لا
يعني قبل امس عايرت السياره وهي بارده لها يوم ماشتغلت والمفروض يكون الزيت على عيار البارد ولكني شفته بين الخطين المخصصه للحار !!
ولما شغلت السياره ومشيت عليها وعايرته لقيته متعدي الخط العلوي حق الحار بشيء بسيط !!
فهل في هذا ضرر على السيارة
شاكر لكم تعاونكم واسف على الاطالة

[ابوزياد 11]

مرحبا فيك اخوي
1- مشكلة انك طلعت الونش من السيارة فهذي ما فيها مشكله اذا الاسلاك مروبطه تمام وما فيه جروح خشيه الالتماس وضرر الكمبيوتر
2- مشكلة المبة الي شبكت السلك الي انت متاكد انه سبب توليع المبه افصل البطارية خمس دقايق واشبكه يعيد الكميوتر برمجته جزاءا ً
3- الزيت اخي الفاضل ارجو انه لا يتعدى الحد الاعلى لانه يسبب معك تهريب الصوف ومشاكل مالها اخر الزيت خله تحط الحد الاعلى بملي الى ثنين ملي ما يضر مالم يصل الى الحد الادنى فما عليه خطر والمشكلة هذي دايم يقعون فيها الاخوان ان الزيت لازم يجي على العيار بالظبط وهذا غلط حتى لو كانت السيارة باردة خل تحت بملي الى 2 ملي افضل لانه هذا حدا اعلى يظغط على المكينه اذا تجاوزه ولو بشي بسيط
اذا كانت سيارتك 8 سلندر جيب تويتا غير 6 علب بدون سيفون و7 الا ربع بالتمام مع السيفون ولا تسمع كلام اي احد في الموضوع
ارجو اني افدتك والله الموفق

[سيد القصر]

بارك الله فيك

[ساري 111]

اذا انت في القصيم او حوله هذا رقم رجال يضبط لك الونش ان شاء الله
0555144715 (الشقاوي)

[سيد القصر]

مشكور اخوي ساري وسيتم الاتصال ان شاء الله