من اللي يسمكر الكبوت الالمونيوم

[صلفان.نجد]

عندي الطوارق2009وجتها صدمه خفيفه زاوية الكبوت وقالوا لازم كبوت جديد لانه (المونيوم)مايتسمكر , اللي عنده الحل يرشدني.

[شوق السنين]

ممم مو مشكلة فدى راسك

[~EmPeRor~]

الله يعينك

ممكن يتعدل بس سمكرة مستحيل

اذكر كان عندنا معده بالعمل (اله تحميل - زي السيارة )

وصدم عليها احد العمال

قصينا القطعه المنعفطة وركبنا بداله قطعه ثانية ولحمناها ( الامونيم مايبان تلحيمة ) ورشيناها بوية ومابانت ( لانها مستوية زي الجدر ) لكان اذا طقيت القطعه يبين الصوت

على كل حال

حاول تلقى احد يعدله لك افضل :(

[الشهابة]

و الله يا الغالي نعاني من نفس مشكلتك .. عندنا لكزس IS300 اصغر حجم في اللكزس و فيها ضربه بسيطه مع عفطه صغيره في طرف الكبوت الأيسر و ما لقينا و لا ورشه تزينها او تعدلها او تسمكرها كلهم يقولون لازم تغيير لانه ما يتحمل السمكره !!

[ابوضيف الله]

واحد من الشباب معاه رنج سبورت وصدم عليه وكبوتة المنيوم ودار بالصناعية ونفس الكلام قالوا له تغير
اخر شي راح لورشة وفا وسمكروة له

[AxR979]

صحيح ورشة وفاء على كلامهم يسمكرون الالومنيوم بس الله اعلم عن شغلهم ..

[ولد وايل]

شغل الوفااااااااااااااا زباله جربت عندهم الله لايوفقهم

[ابوضيف الله]

ولد وايل اخوي العزيز انا سمكرت عندهم رفرف لكزس بلعكس كان شغلهم فوق الممتاز وخويي كبوت الرنج وشغلهم ممتاز
بالنسبة للكزس مسمكرة قبل ٨سنوات ولون السيارة اسود لاشهب ولابهت ولاتغير لونة بس يبي لك كل شوي طامر عندهم واشرط عليهم ان السمكري الفلبيني يشتغل بالسيارة ودفه ب١٠٠ريال وشف وشلون الشغل
انا اتفق معك انهم اللحين شغلهم مهومثل اول واسعارهم غالية بس الاخ سال عن سمكرة الكبوت الالمنيوم وقلت له عن الورشة ممكن يكون فيه غيرهم بس انا قلت اللي اعرفه
تحياتي

[حبو 1]

اخوي عليك بورشة عالم السيارات بشارع الجمعية صناعية الرياض القديمة مخرج 17عندهم مكينة لحام المونيوم وعندهم سمكري فنان واسعارهم معقولة