عصام قلي عن فتاة قديمه,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,اللعز حله طرجم

[فهد الهلالي]

السلام عليكم ورحمة الله وبركاته
اليكم هذا اللغز الخفيف الثقيل


عصـــام قلي عن فتـــاة قـــديمه ,,,,, جــدي وجــدك في زمـنهم قنوها


بنـت عليــها مـن اثــار العـزيمه ,,,,, فيها صفاة الـذيب ساعة خذوها


اما غــناة الذيــب والا العــديمه ,,,,, والا على درب الهقاوي رمــوها


بنت تخفت وســط بــنت عقيمه ,,,,, والبنت تظهر حــزةً الهمـــوهــا


بنت فزوع ومن نكرها ظليــمه ,,,,, وجــيلي وجـــيلك عقبهم هملوها


مع تحيات اخيكم
الشيخ مسكين
خيمة الالغاز مكشات

[ياعين ابوي]

وعليكم السلآم ورحمة الله وبركاته

صح السانك ملايين مشرفنا وشيخنا

رمعه >> البندقيه $

[فهد الهلالي]

وعليكم السلآم ورحمة الله وبركاته



صح السانك ملايين مشرفنا وشيخنا



رمعه >> البندقيه $


هلابك ياعين ابوها
والله يعطيك العافيه البندقيه مالك لوا لاعدمتك
تحياتي

[torrjom]

صح السانك ياشيخ

ومساك لله بالخير


رمعه في البال
خله تروح

الدانه

كل الود

[فهد الهلالي]

صح السانك ياشيخ



ومساك لله بالخير



رمعه في البال
خله تروح


الدانه



كل الود


هلابك يابوعبد العزيز والله يمسيك بالرضاء والعافيه
والرمعه
مالك لوا لاعدمتك
تحياتي

[torrjom]

ابو محمد

رمعه

الغداره

السكين اللى وسط
العصى /العكاز

[شمري وامير]

صح لسانك شيخنا
محاوله : الشبريه

[ابو ماجد 2]

ابو محمد
صح لسانك ملايين وسندت اللغز على اللي يستاهل بوركتم جميعا
من قريت اللغز طرى على هالحديث
‏حَدَّثَنَا ‏ ‏عَلِيُّ بْنُ عَبْدِ اللَّهِ ‏ ‏حَدَّثَنَا ‏ ‏سُفْيَانُ ‏ ‏عَنْ ‏ ‏يَحْيَى بْنِ سَعِيدٍ ‏ ‏عَنْ ‏ ‏يَزِيدَ ‏ ‏مَوْلَى ‏ ‏الْمُنْبَعِثِ ‏
‏أَنَّ النَّبِيَّ ‏ ‏صَلَّى اللَّهُ عَلَيْهِ وَسَلَّمَ ‏ ‏سُئِلَ عَنْ ‏ ‏ضَالَّةِ الْغَنَمِ فَقَالَ ‏ ‏خُذْهَا فَإِنَّمَا هِيَ لَكَ أَوْ لِأَخِيكَ أَوْ لِلذِّئْبِ
رمعه اخرى
اما غناة الذيب ولا فقره
وهالمثل يخص الموقف الجريء والذي يمكن يصير على حساب من اتخذه

[سكب]

الغالي ابو محمد
صح لسانك لغز كايف
الرمعة
المشعاب
القنوه القناه

تحياتي

[ابن الراوي]

حياك ربي ياشيخ وش رايك بالحربة نوع من السلاح مثل الموجودة بخوخة باب المصمك عند فتح الملك عبدالعزيز الرياض
تحياتي

[اول]

صح لسانك والرمعات قويه بس انا عندي رمعه ونسيت اسمها اللي يحطون فيها حصاة

[صافي الماس]

السلام عليكم ورحمة الله وبركاته

اصح السانك اخوي فهـد والله يمسيك بالخير .

الجواب ان ما خاب الضن : ( النخوة )

[عصام 861]

السلام عليكم اخوى فهد الهلالى بيض اللة وجهك على القصيدة ياشيخنا العزيز اشرايك فى العادات القديمة التى بدأت بعض المجتمعات بنسيانها ولك الف تحية واحترام

[أبو رافع الظاعن]

صح لسانك شيخنا ...
ويستاهل عصام ...

نقول : النباطة ؟؟

[فهد الهلالي]

ابو محمد



رمعه


الغداره


السكين اللى وسط

العصى /العكاز


هلابك يابو عبدالعزيز
وصح السانك نعم هي الغداره وهي من صفاةالذيب الغدر
ماشاءالله مع المذبح يابو عبد العزيز

بنـت عليــها مـن اثــار العـزيمه ,,,,, فيها صفاة الـذيب ساعة خذوها


اما غــناة الذيــب والا العــديمه ,,,,, والا على درب الهقاوي رمــوها


بنت تخفت وســط بــنت عقيمه ,,,,, والبنت تظهر حــزةً الهمـــوهــا

وصح السان
الجميع على رمعاتهم الطيبه والله بودي ان ارد على جميع المشاركات
من الاعضاء فالعذر والسموحه من الجميع
فقد كانت الردود كثيره والوقت متاخر
اكرر اسفي والله يحفظكم