ابي نصيحه في توانكي الماء ؟؟

[عاشق 2المقناص]

صباااااح الخير """"""
ابي نصيحه من الاخوه في تركيب تانكي ماء
مناسب للباترول ربع 2009 مراتب عرض

المقاس * النوعيه من حيث الاستخدام * التكلفه *منسدح او واقف :s


ولكم جيل الشكر

[البانلي]

انا مركب الامنيوم على شكل مستطيل السراحه فلله وما اخذ مكان
بس انصحك خل القواطع على كامل التانكي وفتحت التعبيه 2بوصه

[عاشق 2المقناص]

الف شكر """""""

تحياتي

[خزان الوادي]

العضو ( عاشق 2المقناص )

السلام عليكم ويسعدنا زيارتكم على الرابط لموضوع خزان الوادي ونرجو ان يناسبكم منتج خزان الوادي بـ 3 مقاسات .

لمزيد من الاستفسار نرجو اتصالكم

مع تحيات ادارة
خزان الوادي
0556549666

[عاشق 2المقناص]

سيتم الاتصال """""

تحياتي

[حزوبر]

السلام عليكم أنصحك أخوي بالستنستيل وبسصحي 100% لو يجلس الماء فيه سنه، لا يصدي أو يجيله رائحه
بالنسبة للغطاء أنتبه وأنا اخوك لا تاكل المقلب إلي اكلته عند تركيب غطاء التانكي حقي، حطيت من القراده بوصه وربع، وعجزت أجد غطاء بالبلف ، اتوهقت بالفعل، واضطريت ارهم غطاء بوصه وربه، وجدته بشق الأنفس، وسويت له خرم بالدريل، وبلف كفر، وغراء، وتكلفة سباك، ووقت
هذي نصيحتي لك
ولا تنساني من صالح الدعاء

[خزان الوادي]

رابط موضوع خزان الوادي

http://mekshat.com/vb/showthread.php?t=73644&page=64

[عاشق السيل]

عندي لك نصيحتين :

الأولى : إنك تشتري القربة الجديدة اللي عندي السنيدي سعرها 140 ريال وتشيل 60 لتر من الماء وتتميز إنك تحطها بأي مكان بالسيارة لأنها تجي ( سدح ) وقماشها قوي وممكن إذا انتهيت منها تطويها وتحطها بالبيت ،، ولو بغيت كمية أكثر من الماء ممكن تشتري ثنتين بقيمة 280 ريال !!!

الثانية : إذا قلت والله أنا ملزم على التانكي أنصحك تفصل ألومنيوم ويكون مسدوح بالعرض خلف المرتبة داخل الشنطة لأنه أخف وزن وأرخص سعر من الاستيل و لا يمكن يتغير الماء فيه عن تجربة من ست سنوات ولازال ولله الحمد كأنه جديد !!
بس أنصحك يكون ارتفاعه مايزيد عن 10سم علشان مايضيق عليك الشنطة ،، ولا تنس ممكن يزيد سعره عن 600 ريال ويشيل تقريبا 70 لتر <<< شفت الفرق عن القربة ؟؟!!!!

وبالتوفيق يالغالي .....

[عاشق 2المقناص]

الف شكر ياعاشق السيل و حز وبر
"""""""" تحياتي """""""""

[ترهيم]

السلام عليكم

اخوي انا جربت الاثنين الواقف والسدح بنسبه لي افضل الواقف عشان ضخ الماء يكون اقوى شوي من المسدوح بنسبه لتصميم شف الموضوع
http://www.mekshat.com/vb/showthread.php?t=218261

اما بالنسبه للواقف انا جربت خزان شبية بخزان الوادي عند برق الحيا وله عندي فتره ولايغير الطعم ولا الرائحه تقريباً سعره 350 او اقل وخزان الوادي كذالك جيد بس لو يواكبون الاسعار شوي ويراعون الناس اتوقع الاقبال رايح يكون طيب عليهم .

[عاشق الكشتة]

المنسدح أخوي ما ياخذ عليك مكان في الشنطة ، أما الواقف فياخذ عليك مكان بالشنطة ، لان جيبك صغير ، ولو كان عندك مكان كبير فالواقف أفضل وأقوى في دفع الماء .
هذا رأيي ورأي أكثر الشباب ، وبالتوفيق

[ترهيم]

ماعليش اخوي مانتبهت لنوع الموتر ..
الربع النيسان المساحه فيه صغيره .. ان حطيت فيه سدح ماراح يشيل شي يمكن يطلع معك 30 لتر وان حطيت واقف شال عليك المساحه ..
فيه طريقه حلوه شفتها في ربع تشيل فوق 90 لتر ..
بدلك على المكان وانت فصل هناك ممتازه جداُ ولاحد يدري ان فيه تانكي بالموتر .
خلف المراتب الاماميه وامام المرتبه الخلفيه مكان ارجل الراكبين بالخلف .. حط الارتفاع المناسب يعني يصير الي يجلس ورى ترتفع رجوله شوي عن المكان وترى القعده مريحه جداُ ماتضايق ابد .. ورايح تستغل الفراغ الي تحت المراتب الاماميه يعني يفصه لك واحد شاطر بحيث يكون فيه زوائد تحت المراتب لان المنطقه ميته تقريباُ فيه رسم توضح الفكره وانت عاد صغها بطريقتك ..
http://www.m5zn.com/uploads/2010/5/28/photo/052810230518jsjzlbg8c22c.jpg (http://www.m5zn.com)

طبعاُ الحلوق لازم تتأكد ان الي تعبي فيها المويه لتانكي اظن بوصه إلا ربع عشان تقدر تركب عليها الغيطاء المولفه ببلف لكي تحل مشكلة ضغط الماء ... طبعاُ حل بسيط لمشكلة ضغط الماء اذا قل حط الماطور حق الهوا بالفتحه حقت البلف وضخ شوي هوى لاتفقع التانكي :) بيجيك ضخ للموايه ماهو بطبيعي .

[سرهيد]

السلام عليكم

هلا بك طال عمرك

بلا شك ان الاستيل اجود واضمن وأمتن ، لكن احذر من المقلد ، اللي يصدني مثله مثل الحديد العادي ...

انا ركبت المنيوم مرتين في الددسن سيارتي الاولى الجمس سيارتي الحالية ، ولا شفت منه خلاف ...

اهل الباترول اللي اعرفهم اشوفهم يخلونه واقف ، لكني اشوفه يحكر المراتب الامامية ما عاد تنسدح .. فاذا تشوف ان تثبيت المراتب ما عاد ترجع ولا تنسدح مناسب فهذا اشوفه الانسب

تقبل احترامي

[عاشق 2المقناص]

اشكر الجميع على التفاعل """
وعلى المعلومات ايضا

[ramisif]

عندك عروق الشمال لديهم افكار تصلح للربع

انا مفصل عندهم تانكي الومينيوم مع قواطع علي شكل حرفn لباترول ٤ بيبان نصف سدح وياخذ ١١٠ لتر بسعر٦٥٠ريال ويرسلونة لك الي الرياض او اي مدينة عن طريق زاجل

[عاشق 2المقناص]

ياليت من الشباب
رقم عروق الشمال """""""

[سمراني]

مريت المرباع وعندهم عرض ممتاز على خزان الوادي ب450 ريال 90 لتر
وخزان الوطني بعدة أشكال وأحجام مختلفة ولكنه أخف من الوادي قليلا عليه عرض قوي جدا بـ230 ريال فقط..
الخزانات مضمونه ومصنوعة من نفس خامة خزان البيت من مادة البولي إيثلين.

[DEVICE]

مشكور اخوي