المساعد الشخصي الرقمي

مشاهدة النسخة كاملة : نصيحتكم يا اهل المرابط


falcon 1
27/05/2010, 01:22 AM
مساكم الله بالخير جميعا ..السلام عليكم ورحمة الله وبركاته ...كيف حال الجميع ..انشاءالله طيبين ومرتاحين

طبعا كا صقار ..لا جا وقت الربط يزعل ويحزن ..لانه لا عاد يقنص ويفرح بنقلة الطير ..وشوفة خوة نشاما مع طيورهم والمواتر ...وفعلا الربطة تزيد على قلب المولع شجونه..فانا شنو ناوي اسوي السنه الجايه اذا الله اعطانا طويلة العمر انشاءالله ..ناوي اربط الطيور عندي فالبيت طلق..فياريت تخبروني ..ما هي القياسات المناسبة لبناية مربط حق خن نقول اربع طيور بحيث يطيرون مرتاحين. وشنو احسن تصميم يعني غرفة ولا غرفتين مفتوحين على بعض الخ.

جزاكم الله الف خير يالربع والله يطول اعماركم ويبيض وجيهكم جميعا...تقبلو تحياتي الطيبة اخوكم فالكن 1
سلطان 1
27/05/2010, 01:49 AM
يالصقر والله وانا خوك الواحد اللي بيكون فاضي لها او يحط له صبي ينتبه لها اليا طلع مشواااار فنصيه يصلح له مربط عزالله ان المقيض بروح بسرعه لانه بيكون يشوف طيوره كل وقت وان طفشت اخذت براااد الشاهي وجلست عندها وقامت الافكااار ترجع ابك للمقاانيص 0
المهم انا مسوي لي مربط طوله 12 م في عرض 6 م في ارتفااع 7م طبعا الجدار اوله من تحت 3 م بلك طين والباقي من فوق شبك ومغطيه بعاازل حراااري وشينكو ومغطي الشبك بالشاااش الاخضر علشاان النامس وحاط لي 3 مكيفاات صحرااويه 2 على الارض وواحد معلق بالجنب 0 ومخلي الجهه الشرقيه تدخلها الشمس 0
وابشرك الطيور تقرنس وتخلص من اول الطيور 0 وسلاامتك

وهذي صوره للمربط



http://www.gulfup.com/file3/12749137111.jpg
FMJLAD
27/05/2010, 02:17 AM
الصقر انطعتني اتفق مع المقاول الي بنا مقيض سلطان ولا تردد
راعي غضبان
27/05/2010, 03:16 AM
ماقصر اخونا سلطان افادك والله يونسك بالعافيه وطيور بصحه وتاكل من صيدها وشكرا
صيادالجبيل
27/05/2010, 03:25 AM
فالكن
عليكم السلام ورحمة الله وبركاتة
انا اودي صقري واحدعندة مقيظ وافكر اسوي لي مقيظ في البيت
مثل ابو سلطان1 وتنقصناالخبرة في بناالمقيظ وانشاء الله يفيدوناالاخوان بخبرتهم
قنيص غير
27/05/2010, 10:36 AM
ماقصر اخونا سلطان افادك
ولد السبع
27/05/2010, 02:36 PM
السلام عليكم
اخوي فلكون انا عندي مربط في البيت بس ماهو هدد لن الهدد لازم تكون منتبه شبه دايم
بس اذا تحس انك فاضي او عندك عامل انا انصحك تطبع صورة مربط اخوي سلطان وتسوي مثله بيض الله وجهه على المربط الزين الي يليق مقام الطير
falcon 1
27/05/2010, 07:51 PM
اشكرك اخوي سلطان شكر خاص ,,ومربط طيب ماشاءالله ...والله يجزاكم الف خير يالنشاما ..وبيض الله وجيكم ..واشكركم جميعا على ردودكم الطيبة ...يعطيكم العافيه

تحياتي فالكن 1 والسلام عليكم ورحمة الله بركاته
ذيب الحرار
27/05/2010, 11:34 PM
مشكور على الموضوع
الطبشي
28/05/2010, 03:00 AM
بيفيدونك اهل العرف الله يعطيهم العافيه
الشاطر ماطر
28/05/2010, 04:50 AM
افادوك الاخوان
طويل الرمح
30/05/2010, 02:48 PM
..الله ماعندي خبره في المرابط ولاكن مربط اخونا سلطان ممتاز
فآ آرس آلحبس
30/05/2010, 05:16 PM
ماقصر اخوي سلطان ..
طير الهقاوي
30/05/2010, 05:19 PM
ماقصرو الاخوان
تقبل مروري