المساعد الشخصي الرقمي

مشاهدة النسخة كاملة : فزعتكم ياهل الخبره


بندر69
27/05/2010, 01:26 AM
السلام عليكم

يأخــــوان

معروض علي طير فرخ مهجن 75% حر و 25% جير اســود وبصراحه ماسبق لي

التعامل في هذا النوع لذلك ودي بفزعتكم ياهل الخبره الرجال طالب مني اسومه . وش رايكم

ومشكورين سلفاُ
راعي غضبان
27/05/2010, 02:48 AM
هلابك اخوي والله يفيدونك اهل المعرفه في التفاريخ والله يوفققك
FMJLAD
27/05/2010, 03:36 AM
يا بندر وش تبي بوجع الراس 75و25 انحش عن الي عابلوه الصقاقير نقلت فلس مامن وراه استفاده
منصور بن محمد
27/05/2010, 03:51 AM
بسم الله الرحمن الرحيم
السلام عليكم ورحمة الله وبركاته


صبحك الله بالخير أخـوي / بـنـدر


انا اخوك يعتمد على علوم الطير
أمـا بالنسبه لصقارته إذا إنك قبل كذا صقرت طير وحش ماتفرق ابداً عن صقارة الهجين او الجير .
هات العلوم وابشر بالنصيحه من اهل الخبره .


أنـشـد عـن هـذولا :


ماعمرالطير ؟؟ :
ما(قياسه او وزنه)؟؟ :
مالمزرعه التي انتجته (للمفرخات والمهجنات) ؟؟ :
ماهي الحاله الصحيه للطير؟؟ :


علوم الطير ؟؟ (للقرانيس البيتيه)
هل صاد الطير الحباري والكروان أو الارنب ؟؟
هل الطير طلاع على الحباري؟؟
هل الطير راكد على التكايه ؟؟
هل الطير يمسح على التلواح او يلاعب الشلو(خالي ) ؟؟
هل توجد في الطيرعيوب (الارتفاع,الكوشه,نقل العلف,الصياح)؟؟



اما عن باقي الردود أنا انتقد بعض الكلمات اللتي حكمت على الطير بدون علم وافي كافي للطير .


والشي الاهم تعتمد على صقارتك له ، لأن الصقاره نصها للطير ونصها لصقار الطير .


و كل طيرن يعشيه مخلابه ;)


وباقي العلم عند الربع ...


أخـوك
أبـو عـقـاب
أبو أمين
27/05/2010, 04:06 AM
يا سلام يا بو عقاب

رد يدل على انسان واعي انا معاك جمله وتفصيلا

الله يوفقكم جميع
جو الشيخ
27/05/2010, 07:09 AM
كفو ابو عقاب

ماقصرت
دمتم بود
قنيص غير
27/05/2010, 10:12 AM
هلابك اخوي والله يفيدونك اهل المعرفه
صاحب نوماس
27/05/2010, 10:37 AM
اخوي انا سوب وان شفت هالخلطة مع ناس من العيال

جاء فيها طيور سبق عجيب بس مرة واحد من الربع راح وشراء نفس الخلطة بس الطير لونة اسود والله ماهوب زين

والله بوفقك
بندر69
27/05/2010, 05:53 PM
مـشــكورين يأاخوان على الردود وماقصرتو والله يعطيكم العافية .
عمرالعامر
27/05/2010, 10:39 PM
المهجنات التفاريخ أذا الله فكها من صقارة المبتدئى وجهلة في الطبوع

مالها فرق وأنت أستخر ربك ولانت متحسف أنشاالله هدادة يوم ونوماس ربعك الي معك يسوى الكثير

وجعل ربي يوفقك للأصلح
ذيب الحرار
27/05/2010, 11:33 PM
احسن لك فرخ مجهم
الطبشي
28/05/2010, 03:07 AM
الله يكتبلك الي فيه خير وانشاءالله اهل الخبره يفيدونك
falcon 1
28/05/2010, 01:25 PM
والله اخوي شوف ..انا مرة جاني موقف نفس موقفك ..انا دايم انقل الحرار والشياهين ..ومرة عرض علي واحد جير شاهين ..واخذته ...وفعلا شكل جمييل ماشاءالله ..وبالمقناص يعجبك ..لكن انك تطمر من حر او شاهين الى تفريخ ..هذي بالنسبة لي كانت نطة كبيرة ...والطير التفريخ يبيله رعاية خاصة يبيلك تحطله وزن ..مو نفس الحر والشاهين...طبعا شهر شهرين معي تخربط مع الطير ..لكن بعدين الحمدلله تعلمت ..وصرت اانقل التفاريخ وتعلمت من خطاي...فلازم اذا بتتطمر هالطمرة من الوحوش الين التفاريخ ..بتخطا شوي معهم ..لكن الكل يتعلم من خطاه عدل ولا لا؟

اذا الطير يستاهل ..اخذه ..والله يوفقك ويطعمك من صيده انشاءالله ..واهل مكشات ما يقصرون ..يساعدون الواحد كثر ما يقدريون ...الله يجزاهم الف خير ويبيض وجيهم جميعا

تحياتي الطيبة اخوك فالكن 1 الله يوفقك اخوي
بندر69
28/05/2010, 04:46 PM
ماقصرتو وبيض الله وجيهكم والله يكتب الي فيه الخير
333
28/05/2010, 07:56 PM
يفيدونك اهل التفاريخ إن شا الله