منضر متون البيت والثلج يكسيه = والشاص بالحره علومه علومي

[ريف النشاما]

بسم الله الرحمن الرحيم


أهلا وسهلا بكم أحبابي في مكشات من ضيوف ومنتسبين وأهديكم هذه المشاعر

علها ترقى إلا ماتصبون إليه بعد هذا الفراق

"""""""""""""""""
""""""""
http://www.mekshat.com/pix/upload/images8/mk8178_1111rrrf.jpg
http://www.mekshat.com/pix/upload/images8/mk8178_www1.jpg
http://www.mekshat.com/pix/upload/images8/mk8178_www2.jpg
http://www.mekshat.com/pix/upload/images8/mk8178_www3.jpg
http://www.mekshat.com/pix/upload/images8/mk8178_www4.jpg
http://www.mekshat.com/pix/upload/images8/mk8178_hghhhj.jpg
""
""
"
تحيتي لكم ولمن أتحفنا بهذه الدرر من حرة الحرة
:no:

[راع الحبارى]

صح لسانك وبدنك ياريف النشاما

[المسفهل]

ايه هذا الشعر اللي عليه العلم ..
ما شاء الله قصيدة جيدة وفارس الشمال يستاهل .

[slamah]

صح لسانك ياريف النشاما

وشوقتنا بالابيات ومنظر بيت الشعر والسيول للحره

[أبو سعـــد]

صح لسانك ولسان فارس الشمال


الله لا يهينك اخوي ريف النشاما اذا ما فيه كلافه أبي القصيده اذا انها عندك .


تحياتي

[ريف النشاما]

راع الحباري

يالله حيه ومشكور على المرور

وياهلابك

[ريف النشاما]

المسفهل

ياهلا به الطله ويالله حيه وتشرفت بمرورك يالغالي

تحيتي

[ريف النشاما]

slamah

ياهلا به الطله ويالله حيه وتشرفت بمرورك يالغالي


ولا ننسى فارس الشمال

تحيتي

[ريف النشاما]

أبو سعد :no:

ياهلا به الطله ويالله حيه وتشرفت بمرورك يالغالي


ويسعدني طلبك وأبشر بسعدك يالغالي

تحيتي


منضر متون البيت والثلج يكسيه=والشاص بالحره علومه علومي
يسلب لباب اللي يحبه ويغليه= ولمرتعه دايم بفكره يشومي
روحه وجيه في خيالات تاتيه=في ربعة اللي حافضين السلومي
النجر والمعلوق والبن يشديه= والنار تشعم في حطبها تعومي
ودر البكار الرغو فوقه مغطيه= والعلم والفنجال يجلى العسومي
من الشمال الفارس الشهم عانيه= لمكشات ن المحبوب كل ن يرومي
هذا من الغربي وذيّاك ياتيه = من شرق ديرتنا بعلم القرومي
وذيّا وذيّا كل من جاء يعانيه= نوخ ركابه بين خضر الحزومي
والرجل يرقى بالعوالي يقديه= دين وعلوم ن مادنتها الرخومي
أصل ن وفصل وقدّ ماقدّ يحنيه= من ساير العليا حرام محرومي
تلقاه دايم بالعوالي مرابيه = يصبر على طيبه ولو به كلومي
والشهم شهم ن والشهامه تحاديه = عن الرديه طير حرن عزومي
ولا يرتكي للذود ياكود راعيه=ينسف على متنه دلّين تهومي
والطير مايقناه خبل ن يخطيه= صيد الحباري للدجاجه ورومي
مايقني القرناس ياكود مرضيه= بين البراري بالشحم واللحومي
والجيب لالا ثم لالا تمشيه= بدرب الدداسن والهلي والغشومي
خلك مع العسرات بثنين تعطيه= لين إن راع الهل يرجع يحومي
أما الدديسن هقوتي مر تتليه= ومرن لاوالله طقها عكس زومي
اللي على الممشى قليل ن مماليه= يازين زوله بين ذيك الرجومي
ولا ضنتي يدناه سيزوا وكوبيه= من دون هقواته تعجز وتنومي
والحي حي ن شوفت البر تحييه=وتحيي فعوله بين ذيك الخشومي
بالصيف ولا في ربيع ن مراعيه= نويرها مثل القطايف يزومي
يسرح ويمرح في جنابه تسليه=عن البلايا والدنايا شغومي

[المطلق]

صح السانك ياريف

[ريف النشاما]

تسلم تسلم يالرياعي

ولك مني أجمل تحيه أخي الغالي

[هاوي الشمال]

تسلم ياريف النشاما على هذه القصيده وعلى المناظر لحرة الحره

[ريف النشاما]

الله يسلمك من كل شر يالغالي

وحياك الله في مضارب فارس الشمال

ومشكور أخي الغالي على الزياره

تحيتي

[ابو عايد]

ايه هذا الشعر اللي عليه العلم ..
ما شاء الله قصيدة جيدة وفارس الشمال يستاهل

تسلم أناملك يا ابو عبدالعزيز وجزاك الله خيرا

صح لسانك و تسلم يمينك يالغالي ،لا شلت يمينك

وتقبل تحياتي // العاشق الولهان

[ريف النشاما]

السلام عليكم ورحمة الله


حياك الله يابو عايد وحي من جابك= وحي الذي صوبك يودي وياتيك
أشير لك يامسندي في جوابك=حرفي يحاكي رسمتك في ملافيك

شاكر لمرورك يالغالي والمحبه فوق حرفي لك خصوص


تحيتي

[بــرق الشمال]

منضر متون البيت والثلـج يكسيـه
والشاص بالحـره علومـه علومـي
يسلـب لـبـاب الـلـي يحـبـه ويغلـيـه
ولمرتـعـه دايـــم بـفـكـره يـشـومـي
روحـه وجـيـه فــي خـيـالات تاتـيـه
في ربعة اللي حافضيـن السلومـي

وهالبيت بعد(والـجـيــب لالا ثـــــم لالا تـمـشـيــه بدرب الدداسن والهلي والغشومي)

تسلم والله يابعدي والله ماادري على اي بيت اعلق القصيده رائعه بالكامل وصح لسانك اخوي ريف النشاما
وتسلم اناملك على هذا الموضوع الكامل من صور الحره والى جو القصيده الرائع....
اكرر شكري لك وبنتظار القصيده القادمه....بس خلك على هالموال يالشيخ.... :p


تحياتي لك
برق الشمال

[اسيزو 4x4]

صح لسانك يا ريف النشاما

ويعطيك العافية...

.

[ريف النشاما]

السلام عليكم ورحمة الله وبركاته

أخي الغالي

برق الشمال حياك الله يالغالي

أسعدني مرورك وشاكر لتعليقك وكلماتك العذبه

وسرني أن أكون قد أمتعتك

تسلم لنا يالغالي والله يقدر على اللي فيه خير


أخي الغالي

سيزو أربعه في اربعه ;)

حياك الله يالغالي اللي مايغاب عن أصحابه

سرني مرورك وتشرفت بقرائتك للقصيده

تحيتي لكما من كل سبدي :no:

[شَعَّـاااال]

تأكدت انه فاتني الكثير


واضن انني سأ ستدركه


مع التحيه صح لسانه

والشكر موصول لك يا ريف

[نقا هشال]

قصيده رائعه

تسلم ابو عبدالعزيز

وصح لسانك

[ريف النشاما]

السلام عليكم ورحمة الله

هلابك أخوي الغالي شعااال

ومافاتك إلا الشر ياغالي

ونحن في انتضار مشاركاتك أخي الغالي

عجل ولا تبطي ترى القلب مشتاق

ولك مني جزيل الشكر

======

أخي الغالي

نقا هشال

يابعدهم ارحب مليون ونورة القصيده بقدومك وطلتك على القلب لاتخفاك

تحيتي

[رسلان]

صح لسانك ...
أبو عبد العزيز ...
قصيدة جميلة ... وفارس يستاهلها ...
الله يعافيك أخوي ...

[فارس الشمال]

إلى الأخ العزيز

:heart: ريف النشاما :heart:

سلمت أناملك على هذه القصيدة الرائعة

وأرجو أن تتقبل مني هذه الهدية

http://www.mekshat.com/vb/showthread.php?p=230154#post230154

[ريف النشاما]

سلمت يافارس الشمال على هذه القصيده

ولك مني جزيل الشكر

تحيتي

[الحضري]

ولا ظنتي يكساه سيزوا وكوبيه هههههههه


اسعدك الله يا شيخ :) بس بيزعلون عليك اهل المواتر اللي قلتها


تحيتي وصح لسانك

[ريف النشاما]

مشكور أخي الحضري على مرورك

وتشرفت القصيده برؤيتك

وتسلم ياغالي

والزعل مرفوع بالضمه :)

تحيتي