المساعد الشخصي الرقمي

مشاهدة النسخة كاملة : شمبرة السوبر سفاري 99؟ ؟


ذgggق
27/05/2010, 03:18 AM
السلام عليكم

ياخوان ابي منكم مشوره .. عندي سيارتي سوبر سفاري 99 فل كامل .. والحمد لله مريحتني من شريتها والله يجزى اللي باعني خير ... لكن سبق وطلعت بها لنفود الدهنا وكان الوقت حار جدا ورفعت في المكيف والدبل كان شغال وقطعت النفود في مده مايقارب الساعتين .. السياره لحقته حراره مع العجاج والجو اللطيف :d


رجعت للرياض وشفت الموتر بدا يدخن ودخانه ازرق .. شار علي احد الشباب اني اسوي له شمبره .. الوكاد ان السياره ضعف عزمها وانا مابي ابيعه لانه مريحني والحمد لله خرباته محدوده


ياليت تشورون علي وهل الشمبره تضبط مع السياره .. ووين الورشات المختصه في الرياض

مااستغني عن خدماتكم يالمكشاته :d
aljthab
27/05/2010, 07:09 AM
اركد اخوي ولا تستعجل
مشوارك هذا ماياثر على المكينة بهالشكل مباشرة
انت غير الزيت انصحك بسوبر جيتي فوكس
وشف وش يصير معاك بعد فترة لا تستعجل

ماقلت لي كم الموتر ماشي؟
ذgggق
27/05/2010, 01:38 PM
ارحب

الموتر ماشي واجد حول 360 الف


الزيت هذا نفسه اللي اغيره للسياره

لاهنت
abo naser 1
27/05/2010, 01:57 PM
الا وانا اخوك اهم شي في السيارة الحرارة وخاصة الباترول ما يتحمل راس المكينة ما يتحمل حرارة .
اعتقد ان سيارتك مع الحرارة الزيدة اثناء مشوارك خصوصا اذا طولت تمشي وحرارتة مرتفعة يقرص شنبر الموتر ويصير يصرف زيت والاهم من هذا ان يكون الراس سليم مالحقة حرارة لآن قيمتة لحالة مع الوجة فوق 2500 ريال .
على العموم اذا كنت بالرياض مالك الى ورشة التركي رقم جوال 0504209258 سليمان الصناعية القديمة

شنبر+مسحة بسيطة لراس اذا كان سليم يفحص في المخرطة مع وجة اصلي+طقم طبات + صوفة مكينة خلفي +دزق وكلتش+كراسي مكينة +خراطيش وتسييخ اديتر حسب الحالة .
وبعدها امش كثر مامشي الموتر 200000كيلو هذا نصيحت اخو ومجرب اذا كنت تبي تستعمل
ذgggق
27/05/2010, 02:16 PM
^

مثل ماتفضلت لاهنت

وين مكانها هالورشه بالضبط لاصرت جاي من طريق الخرج متجه شمال... لاهنت بس كم التكلفه المتوقعه



لاهنت يابو ناصر
راعي النياسين
29/05/2010, 03:50 AM
التكلفه المتوقعه والله اعلم لا يقل عن 1500 ريال ولا يزيد عن 2000 بس بتااخذ ولد بعد الشنبر خذ الكلام من مجرب

مثل ماتفضل اخونا ابو ناصر الله يطول بعمره
راع السفاري
29/05/2010, 04:19 AM
اخوي لا تستعجل.
هل السيارة تنقص زيت؟
ان كان ماتنقص زيت ترى الدخان هذا يمكن من البخاخ ان كانت سيارتك بخاخ او كربريتر سوله تنظيف.
اما الحراره تاكد من جميع الليات اللي موجوده فالسياره يمكن فيها تهريب مويه.
لان الليات واجد مثل لي السخان ولي الثلاجه ولي ..... هذاي والله اكبر مصيبه وانشد مجرب ومعاني منها تهرب بس بسيط . وترفع بالحراره.
او تأكد من مروحة المكيف . ان كانت سيارتك مروحتين تاكد منها شغاله واللا خربانه.
اوتكون مروحه واحده مثل اللي عندي هذا لازم تاكد منها لانها اربع خطوط خطين مع المكيف وخطين مع الحراره تشتغل لو ان المكيف طافي اذا كانت السياره ساخنه.
الله يعينك اخوي
ولعلــــي افدتك
aljthab
29/05/2010, 04:26 AM
مشاء الله ممشى موترك مو كثير يالغالي
لا تفكر تفك مكينتة
وغير صحيح يكلف 2000 ريال
اذا فكيتة ما عن ال4000 ريال
شف وش السبب ماضنيتة شنبر
الا اذا انت تجور بالحيل على الموتر
ذgggق
29/05/2010, 02:54 PM
لاهنتوا يااخوان

السياره الان اعتبر حرارتها طبيعيه بس الدخان هذا يطلع احيانا .. والسياره مثل ماتفضلت يالجذاب جاها جور لين دخنت خخخ لكن هالايام الوضع طبيعي بس تخبرون السياره بضبطها دامنا في الصيف

بالنسبه للتكلف سئلت مهندس قال حول 1500 الا 2000
مدور الخيرة
29/05/2010, 09:26 PM
أخوي ذوق أنا بانصحك نصيحة وعسى فيها الخير لك

الزيت : رح لبنشري وسو غسيل مكينة بزيت خاص وبعدها ركب سيفون جديد وزيت ( شل سوبر بلس ) هو الزيت الوحيد اللي يستحق ان يكون اسمه زيت من واقع تجربة 18 سنه

الدخان الازرق يمكن يكون من ( جلد البلوف ) يمكن جاها ضرر من مشوارك والحراره لكن اعتقد مايبي شنبر لأنه مامشى كثير بالنسبة لموديله


أنا معي باترول 99 وماشي 480 ألف والحمدلله ماينقص الا بعد 3000 كيلو بسبب تبخير من غطأ زيت المكينة

واستعمل ( شل سوبر بلس ) من نصيحة الوالد الله يجزاه خير

ولا تنسى أن مكائن الباترول أطول المكائن عمر بالنسبة للشنبر وصرفية الزيت
ذgggق
29/05/2010, 10:07 PM
ارحب يامدور الخيره

يعني هالحين هالدخان الازرق ممكن يجي من جلد البلوف؟


الوكاد ان الدخان ماهوب كثير يجي احيانا واحيان لادخان ولاشي


تنصحوني اسوي فحص كمبيوتر؟
مدور الخيرة
29/05/2010, 11:12 PM
ارحب يامدور الخيره

يعني هالحين هالدخان الازرق ممكن يجي من جلد البلوف؟


الوكاد ان الدخان ماهوب كثير يجي احيانا واحيان لادخان ولاشي


تنصحوني اسوي فحص كمبيوتر؟

مادام ان الدخان يجي ويروح فأنا واثق بإذن الله أنها جلد بلوف ويمكن ماتحتاج تغيير

يعني ترسبات تجتمع وتطلع , لكن مع الوقت اذا استمر الدخان ويجي ويروح فأنصحك تغير جلد البلوف

يعني استمر شهر أو شهرين وشف وضع الدخان

لكن صدقني مايبي شنبر أبد , بس غير نوعية الزيت إلى ( شل سوبر بلس ):good2: بعد غسيل المكينة بالزيت الخاص بالغسيل
المكحل/ابو
29/05/2010, 11:39 PM
اخي
لاتستعجل على تغيير الشمبر
اولا: غير الزيت والفلتر مثل ماقالو بعض الزملاء.
ثانيا : راقب الزيت كل كل 300 كم هل ينقص وما مقدار النقص
ثالثا: اذا كان النقص بسيط بعد مراقبتك لة انس الفك وغلق الزيت قبل رحلتك فقط.
رابعا: اذا كان الزيت ينقص كثير شاور كذا ورشة ستجد اختلاف في التشخيص للمكينة.
خامسا: اتمنى ان يقل لون الزيت الى الطبيعي
تخبرلي وظيفة
30/05/2010, 05:44 PM
أولاً:مثل ماتفضل الأخوان لاتستعجل
ثانياً:من ناحية جلد البلوف فحسب ما شفت وسمعت ان السيارة الي بها جلد بلوف تدخن اذا شغلتها شوي ويقطع
وخاصة اذا مثلاً وقفتها من الليل ولا رحت فيها غير اليوم الثاني ..
تقبل ودي وردي
ذgggق
30/05/2010, 11:31 PM
لاهنتوايااخوان والف شكر على النصائح القيمه



راح اخبركم بللي يصير



لاهنتوا
ابوسند شقراوي
30/05/2010, 11:43 PM
اخي الكريم انا معي سوبر سفاري 99 وحصلت لي نفس المشكله
غيرت جلد البلوف وضبط معي ولله الحمد رحت لكذا ورشه قالولي شمبر وسألت واحد وقال جلد بلوف
راعي النياسين
31/05/2010, 01:33 AM
مشاء الله ممشى موترك مو كثير يالغالي
لا تفكر تفك مكينتة
وغير صحيح يكلف 2000 ريال
اذا فكيتة ما عن ال4000 ريال
شف وش السبب ماضنيتة شنبر
الا اذا انت تجور بالحيل على الموتر

اي 4000 الله يخليك

اخوي انا موضب توضيب كامل بــ5000 ريال مع شغل اليد وكل القطع كانت من الوكاله

فما بالك بالشمبره
ذgggق
31/05/2010, 08:24 AM
اخي الكريم انا معي سوبر سفاري 99 وحصلت لي نفس المشكله
غيرت جلد البلوف وضبط معي ولله الحمد رحت لكذا ورشه قالولي شمبر وسألت واحد وقال جلد بلوف

ارحب يابو سند

اجل طلعت جلد بلوف .. طيب بكم هالجلد
ذgggق
07/08/2010, 02:35 PM
المنتدى ثري بأمثالكم والله يكثركم


عندي استفسار بسيط .. اذا شلت عمود الدبل في السفاري هل يخف ويقوى عزمه
adil33
08/08/2010, 08:03 PM
المنتدى ثري بأمثالكم والله يكثركم


عندي استفسار بسيط .. اذا شلت عمود الدبل في السفاري هل يخف ويقوى عزمه
شيء اكيد يفرق معاك بالسرعه تقريبا من 20 الى 30 عن سرعته اول
ذgggق
08/08/2010, 09:58 PM
عاددل لاهنت

يعني يفرق هالسرعه 30؟
أبو أسامة
09/08/2010, 02:51 PM
أخي الكريم :

تبي تتأكد أنه شمبر أو جلد بلوف عندي لك الحل البسيط وهو أنك تفك واحد من البواجي وتطالع فيه إذا عليه أي آثار زيت فمعناه شمبر والعكس صحيح ..... لكن قبل يبيلك تغير الزيت والسيفون وأحرص أنك تأخذ السيفون من الوكالة ..... وزيت فوكس سوبر جي تي أفضل أنواع الزيوت واللي يقول شل أقول له ما جربت الفوكس يا أخي الكريم الشل سوبر بلس تقول مخلوط بماء خفيف مره ........ وبالنسبه لفك عمود الدبل راح يخف الموتر معك في القيادة وتتحسن الصرفيه ويزين العزم لكن ما أنصحك تفكه شحمه وركب لك فرارات علشان إذا بغيت تستخدم الدبل بس تفك قفل الفرار ماهو تروح تركب عمود الدبل وتفكه كل مره .......

وبالتوفيق للجميع ......
ذgggق
10/08/2010, 10:22 AM
أخي الكريم :

تبي تتأكد أنه شمبر أو جلد بلوف عندي لك الحل البسيط وهو أنك تفك واحد من البواجي وتطالع فيه إذا عليه أي آثار زيت فمعناه شمبر والعكس صحيح ..... لكن قبل يبيلك تغير الزيت والسيفون وأحرص أنك تأخذ السيفون من الوكالة ..... وزيت فوكس سوبر جي تي أفضل أنواع الزيوت واللي يقول شل أقول له ما جربت الفوكس يا أخي الكريم الشل سوبر بلس تقول مخلوط بماء خفيف مره ........ وبالنسبه لفك عمود الدبل راح يخف الموتر معك في القيادة وتتحسن الصرفيه ويزين العزم لكن ما أنصحك تفكه شحمه وركب لك فرارات علشان إذا بغيت تستخدم الدبل بس تفك قفل الفرار ماهو تروح تركب عمود الدبل وتفكه كل مره .......

وبالتوفيق للجميع ......

بيض الله وجهك وعلمك غانم

وين القى الفرارات ياخوي لاهنت
تركي98
16/08/2010, 08:53 AM
الفرارات ياخوي تلقاها في شارع الغرابي عند محل السليماني هو وكيلها وصناعتها برازيليه وسعرها على خبري قبل سنتين 550 مع التركيب او 500 بدون تركيب ... وفيه مواضيع عنها في المنتدى تقدر تسوي بحث وتلقاها لكن مانصحك تقرأ لانها بتحوس راسك من كثرة اللي يمدح واللي يذم ... لكن انا من تجربه اقولك ركبها ونم ... انا مركب فرارات برازيليه لموتري سفاري 99 من اكثر من سنتين ولا شفت منها اي عيب مع ان طلعاتي واجد للبر ومريحتني والله خف الموتر وقلت صرفيه البنزين شوي .
ذgggق
17/08/2010, 12:11 AM
لاهنت ياتركي اجابه وافيه
ذgggق
17/08/2010, 12:14 AM
لاهنت ياتركي

اجابه وافيه وكافيه


انا فكيت عمود الدبل لاني مستعجل بسافر لاجيت بروح للسليماني واعطيكم الاخبار
ابوناصر السهلي
17/08/2010, 12:58 AM
افادوك اهل الخبره