فصلت اصبع البطاريه للهايلوكس وشوفوا وش صار

[هلي--2007--]

السلام عليكم ورحمة الله وبركاته
ان شاء الله انكم بخير انا ياجماعه فصلت اصبع البطاريه حقت الهايلوكس 2007 وياليتني ما فصلتها
قام يتفتف الموتر واذا تركت الدعسه وانا مفضي طفى الموتر والي مرت عليه تكفون يقولي وش
صار معه وكيف حل المشكله

[HUMAN]

الله يعينك أخوي

إن شاء الله تلاقي حل لمشكلتك ..

جرب افصل البطارية السالب 15 دقيقة وبعدها ركبه شوف يمكن ترجع تمام !!

اعتقد الشباب ينصحون بالطريقة لإعادة البرمجة ..

وأهل الخبرة يفيدون إن شاء الله

[هلي--2007--]

جربت الطريقه هذي وما نفع لكن يقولون امسك خط طويل ويظبط وابجرب اليوم ان شاء الله
وشاكر مرورك

[الصقر الحربي]

السلام عليكم ورحمة الله وبركاته
اخوي يمكن ان الدينمو بتاع الهايلوكس ضعيف او فيه شي وده لم كهربائي وشيك عليه
تقبل مروري

[_دربيل_999]

اخوي..
ارفع على ضغط المكينة..ولا تمسك ترى مسك الخط دعاية مايصفي السيارة..

[هلي--2007--]

الحمد لله انحلت المشكله خليت الموتر يشتغل ربع ساعه وضبطت الامور

[هلي--2007--]

وطلع كل الهايلوكسات الجديده اذا فصل اصبع البطاريه يتفتف وكذا واحد صارت له المشكله

[AbdulAZiz M]

زين على زين الحمدلله انحلت وكنت بقولك طريقة حلها لانها تصير معي في الإف جي اذا فصلت البطاريه تشوف السيارة يالله تشيل عمرها بس بعد أقرب مشوار ترجع طبيعي

اعتقد في كل سيارات تويوتا الجديده

موفق

[إعصار]

انا معي نفس موترك وصارت لي ..

الحل شغل الموتر وادعس به في الدائري بس انتبه من كاميرات ساهر ..

امش ربع ساعة خط .. ونروح تلقائي ..

[هويدي]

الحمدلله على سلامة الهلي

[بدوي جنوبي]

هذا الكمبيوتر سوى اعادة برمجه
لانه فقد القراءة السابقه لنسبة دخول الهواء والبنزين
لمحه عامه للحساسات لاغلب السيارات الحديثه :
صوره للتوضيح فقط
http://i814.photobucket.com/albums/zz68/skidpalace/4Runner/parloc.jpg

طبعا بعد فتره من التشغيل يبرمج نفسه على قراءه معينه
ولا يفقدها الا اذا فصلت البطاريه


تراه هذي الحركات في السيارات الامريكيه من عام التسعينات

بالتوفيق

[هلي--2007--]

الله يعطيكم العافيه على تفاعلكم معي بس والله انها مشكله كل مافصل
الواحد الاصبع صار معه كذا

[ريف الخوي]

عشان ماتكرر المشكلة:

اذا بغيت تفصل البطارية اخرج المفتاح من الدقمة فوراً

[مدرب الطير]

اخي الغالي هذا الشي طبيعي وقد صارت خلك مثبت الظغط السياره على واحد ونص
ربع ساعه وراح يضبط

[رفيع المقام]

قد صارتلي هالمشكله ، فصلت أسلاك البطاريه مره ثانيه وزبطت ..

[نافارا.......]

السلام عليكم اللي يبي يفك اصبع البطاريه يخلي السياره شغاله ويفك ولا يبي يركب بطاريه جديده على شان ما تلخبط البرمجه

[صاروخ الغطغط]

جزاكم الله خير الى طرح الموضوع ولي رد استفدت منكم

[أب رحي]

عليكم السلام ورحمة الله وبركاته


أخوي انا أول مره أسمع عن هذي الحاله وعشان كذا ماعندي جواب لك....
بس أشكرك لأنك طرحت الموضوع هنا وأستفدت انت وأنا أستفدت وأستفادو الأخوان من أعضاء وزوار....

تقبل مروري.

[وجعين]

عندك اللهات معلقه وصارت معي بخ اللهات بخاخ ابو جمل او اي سي ديلكو ونشاء الل تزبط

[هلي--2007--]

هههههههه الموتر ضبط وكديناه بعدها 3 سنين وبعناه والله يبارك لراعيه ومشكورين على ردودكم

[ابوراكان تبوك]

هههههههههههههههههههههههههههههههههههههههههههههههههه ههه

يا اخوي المكشاتيين راعين فزعه لو قسم الله ورجعت للسيارة علمنا وش يصير معك هههههههه دعابة

[الشششششمالي]

صارت معي وخليتها شغاله وفصلت الفيش الي يركب بقربه الهواء وبنفس اللحظة رجع طبيعي