انتبهووووووووووو من فووووورد2010

[القانون]

تحياتي للجميع
الموضوع باختصار000شديد
طلعت سياره فورد كروان فكتوريا2010 وبعد مضي شهرين
صارت مشكله بالقيررر000مصيبه000المهم قالوا هذي شي عادي واحنا ليش حطينا الضمان الا انه ممكن يكون فيه عطل00قلت تمام 00والحل00قالوا نبدل لك او نشوف ايش المشكله ونحلها00قلت طيب وبعد شهر وبعد سنه وبعد مايخلص الضمان00اذا من اولها كذا 0كيف بعدين 00المهم ابي رررايكم ووووووش الحل معهم
ومن عنده خبره مع فورد قبل او سمع خبر زي كذا ويعرف وش صار معه لايبخل علينا00
وكلات ماهمهم الا البيع فقط 00وبعدها في عشرين داهيه العملاء000
والسوال الي اطررررحه هل يحق لي تبديل السياره00

تحياتي

[علاوي المكاوي]

ياليت تبين وش المشكلة في القير...

[القانون]

حياك اخوي علاوي
المشكله طال عمرك وانا امشي وهديت اخذ لفه فلت القير وصرت ادوس ومايلقم القير يعني حنه بس00وهديت شوي وبعدين لقم ومشى وايضا هناك صوت قوووي عند تعشيق الريوس

[شمالات نجد]

يا أخوي طبيعي هذا خلل مصنعي وبيركبون لك قير جديد وكان الله غفوراً رحيما

لا تجلس توسوس بعدين تراك ما ضمنت نفسك تعيش سنه.. عش يومك

وأحمد ربك ان السيارة عليها ضمان والا كان انحديد على القيور المجدده :)

واذا في شروط الضمان استبدال السيارة يكون أحسن

المهم الحمد لله على السلامة وفي الحديد ولا فيك

سلام

[عميد سامودة]

هذا خلل ماهو وسوسه ياشمالات نجد يعني خربوا 2010
سياره توها جديده وما يلقم النمره اجل اذا غلق الضمان وش تسوي

[كاشت وحداني]

اتوقع ان حساس القير يبي له اعادة برمجه فقط
لان الفورد معروف ان في حالة ميول السياره القير يفصل
واللي القير عنده سليم ميه ميه يجرب ياخذ ملف بسرعه زايده ويلاحظ ان القير يفصل حتى تتوازن السياره ثم يلقم من جديد .

[القانون]

هذا خلل ماهو وسوسه ياشمالات نجد يعني خربوا 2010
سياره توها جديده وما يلقم النمره اجل اذا غلق الضمان وش تسوي


تسلم على الرد اخوي

والي اقصده ياشمالات ان السياره اكيد فيها بلوي يعني اذا توها كذا عاد كيف بعد سنه او اكثر
عارف ان الاعمار بيد الله000لكن احيانا يكون فيه شي اسمه عيب مصنعي واذا عندهم عيوب تجي خسارتها عليهم مو علي000يعني اكيد مو واقف على ذا المره وبس

[القانون]

اتوقع ان حساس القير يبي له اعادة برمجه فقط
لان الفورد معروف ان في حالة ميول السياره القير يفصل
واللي القير عنده سليم ميه ميه يجرب ياخذ ملف بسرعه زايده ويلاحظ ان القير يفصل حتى تتوازن السياره ثم يلقم من جديد .

شاكر لمرورك اخوي
واذا فرضنا ان كلامك صحيح
طيب والصوت 00ولعمك صوووت قوووي لدرجه ان المهندس على طول يوم سمع الصوت قال خلاص ماله داعي اطلع اجرب السياره ولا حتى مشي فيها00

[لاتكب البيالة]

السلام عليكم
حالة سيارك نادره وتعتبر خلل مصنعي او انه مثل ما قال الاخوان ولا عجب من الخلل في صنع البشر لكن لا تعمم على ان كل الموديل به مشكلة

[بدوي جنوبي]

الموضوع بسيط يا غالى
اذا غيرو لك القير بالكامل خير وبركه
وانت حاول تلّزم عليهم يغيروه
ولو انى افَضل انهم يصلحوه

لان الوكاله ما لهم امان ممكن يركبو لك قير سياره
كان فيها خلل سابق ،،، واظن ان القيرات اللى عندهم
مو نفس قيرات المصنع الاساسي

والدعوه ما تحتاج تطلب منهم تغيير السياره
وان شاء الله فى الامر خيره

ولابد يحصل خلل في السيارات الجديده


بالتوفيق

[القانون]

الموضوع بسيط يا غالى
اذا غيرو لك القير بالكامل خير وبركه
وانت حاول تلّزم عليهم يغيروه
ولو انى افَضل انهم يصلحوه

لان الوكاله ما لهم امان ممكن يركبو لك قير سياره
كان فيها خلل سابق ،،، واظن ان القيرات اللى عندهم
مو نفس قيرات المصنع الاساسي

والدعوه ما تحتاج تطلب منهم تغيير السياره
وان شاء الله فى الامر خيره

ولابد يحصل خلل في السيارات الجديده



بالتوفيق

شاكر لك اخوي مرورك000لكن ياليت الامر بسيط مثل ماتقول00وربك يسهل

[بدوي جنوبي]

شاكر لك اخوي مرورك000لكن ياليت الامر بسيط مثل ماتقول00وربك يسهل
ترا انا ما اقلل من حجم المشكله اللى حصلت لسيارتك
لانك دفعت مبلغ وقدره ،،، ومن حقك تتضايق من العطل اللى حصل
فجأة خاصة وان موديل السياره 2010 وعلى الزيرو

حاول بعد الاصلاح تحصل على ضمان للقير خاصة
على اساس اذا تطورت المشكله بعد انتهاء ضمان السياره الشامل .

بالتوفيق

[metub1404]

اول شي مبروك السيارة وبعدين الحمدلله ان السيارة عليها ضمان بيصلحونها والدعوة سهالات انا اعرف واحد طلع كامري 2009 وبعد3شهور خبطت المكينة ورجعها للوكالة وغيرو المكينة والحين الموتر زي الحلاوة وتقبل مروري والله يعطيك خير الموتر ويكفيك شرة

[القانون]

الف شكر للجميع
واكيد من طرح الجميع حصلت على اكثر من ما اتوقع من الفايده

[القانون]

اخر الاخبار يقولون توظيب00بس قطع بسيطه تحتاج تغيير 0000توظيب قير ويقولون بسيطه قهررررررررررر

[عصام 861]

اخوى القانون راسل الوكيل الرسمى فى الخليج

واشرح المشكلة بس لازم تعرف من الوكيل الرسمى فى الشرق الاوسط وا لخليج

وراح تشوفهم يترجونك ويحلون مشكلتك ولك تحياتى

[أبو هاجوس2000]

أنا من رأي الشخصي أنك تروح لمدير الفرع اللي أشتريت منه السيارة وتطلب سيارة جديدة وأن شاء الله يغيرونها لك .

[moooj]

نضام الضمان اصلاح او استبدال الجزء الذي اصابه العطل فقط وليس استبدال السيارة ولا تستبدل السيارة الا في حالة ثبوت استخدامها من قبل او العبث بالأجزاء الرئيسية والتكميلية قبل عملية البيع او في حالة ثبوت تعرض هيكل السيارة للأصلاح واعمال السمكرة والدهان او تغير المواصفات او الموديل عن المتفق عليه .
اما بقية الأعطال فمضمونة الأصلاح او الأستبدال للجزء الذي تعرض للعطل فقط ويشمل قطع الغيار واجور اليد العاملة
في حالة سيارتك الأمر بسيط جدا وهو الأصلاح او استبدال القير حسب تقييم القسم الفني
وكثير سيارات تتعرض لأعطال بعد شرائها مباشرة فتستمر بعد اصلاحها عن طريق الضمان بأفضل حال.
بالتوفيق

[القانون]

نضام الضمان اصلاح او استبدال الجزء الذي اصابه العطل فقط وليس استبدال السيارة ولا تستبدل السيارة الا في حالة ثبوت استخدامها من قبل او العبث بالأجزاء الرئيسية والتكميلية قبل عملية البيع او في حالة ثبوت تعرض هيكل السيارة للأصلاح واعمال السمكرة والدهان او تغير المواصفات او الموديل عن المتفق عليه .
اما بقية الأعطال فمضمونة الأصلاح او الأستبدال للجزء الذي تعرض للعطل فقط ويشمل قطع الغيار واجور اليد العاملة
في حالة سيارتك الأمر بسيط جدا وهو الأصلاح او استبدال القير حسب تقييم القسم الفني
وكثير سيارات تتعرض لأعطال بعد شرائها مباشرة فتستمر بعد اصلاحها عن طريق الضمان بأفضل حال.
بالتوفيق

شاكر للجميع مرورهم
واخي العزيز فعلا هذا الي قالوا الوكاله00لا وطلع فيه كذا سياره بنفس الوكاله في منطقتي فيها مشكله مكينه بعد وهي 2010 وهذا الخبر يخليني اقول يمكن القادم احلا بعد00لكن ربك يستر 00الله يخلف علينا بس
وزارة تجاره وحماية مستهلك عندنا شغالين صح ميه الميه
حسبني الله ونعم الوكيل

[القانون]

اخوى القانون راسل الوكيل الرسمى فى الخليج

واشرح المشكلة بس لازم تعرف من الوكيل الرسمى فى الشرق الاوسط وا لخليج

وراح تشوفهم يترجونك ويحلون مشكلتك ولك تحياتى

تحياتي اخوي
راسالت وكاله فورد بامريكا وفعلا ردوا علي ولكن قالوا عندكم بالسعوديه عندنا وكيل اسمه الجزيره00على بالهم انا من ددددمشقر- المهم قالوا بعد راجع الضمان 00العطل يصلح على الضمان وتستبدال القطعه فقط

[القانون]

أنا من رأي الشخصي أنك تروح لمدير الفرع اللي أشتريت منه السيارة وتطلب سيارة جديدة وأن شاء الله يغيرونها لك .
ياهلا ابوهاجوس
فعلا هوجست بكلام زي كلامك هذا يابوهاجوس ورحت وقابلت الرجل وماقصر لكن قال للاسف الضمان على القطع فقط مو على الاستبدال

حسبي الله ونعم الوكيل