منفاخ هواء رائع .. ومعيار هواء دقيق .. شارك .. [الأرشيف]

سفير الجزيرة

06/05/2005, 07:26 PM

السلام عليكم ورحمة الله وبركاته .
ودنا نتعرف على أفضل أنواع ( منافيخ الهواء ) وبكم السعر ، لأنني شفت أشكال كثيرة ومتشابهة جداً لكن الفرق ( الاسم فقط ) .
وكذلك ما أفضل وأدق معيار هواء .

أرجو المشاركة لتعم الفائدة ...

مرقاب الشرق

07/05/2005, 10:10 PM

ابو جمل افضل ماطور هوا أنا مجربه ممتازة بالمره وسريع وبوه عيار الهوا سعره 230 ريال بس :hot: :hخذه ولاتشاور يابعدحي هالوجه .

سفير الجزيرة

07/05/2005, 10:51 PM

الأخ نجم الحق
بيض الله وجهك وكثر من أمثالك .

ولد وايل

09/05/2005, 07:15 PM

السلام عليكم.........

منفاخ جمل ممتاز

بس تبيه يدوم لا تنفخ الكفارات اكثر من 25 حتى تاصل المحطه

تحياتي لك وربي يوفق ابناء المسلمين

سعدسعود

09/05/2005, 10:02 PM

الأفضل وارد الشراع
صح أنه صيني لكن الأفضل

slamah

10/05/2005, 03:03 PM

مثل ماقال نجم الحق
عليك بأبو جمل إنفخ جميع الكفرات حتى لوكانت السياره محمله وانفخ على كيفك لي اكثر من سنه استعمله وكل واحد شاف شغله راح وإشترى مثله

سفير الجزيرة

10/05/2005, 04:10 PM

الاخوان /
ولد وايل
سعد سعود
سلامه
شكراً لمروركم ومشاركتكم
طيب وش أفضل معيار لأن المعيار اللي في المنفاخ غير دقيق .

ابو ســــاره

11/05/2005, 03:06 PM

احسن عيار هواء عيار ميشلان صغير الحجم جداً بدون لي سعره 55 ريال دقيق جداُ سبق وان تكلم عنه المنتدى ابحث وتجده انشالله
وافضل منفاخ من انواع ابو جمل يكون كرتونه عليه صورة شيروكي رانجلر مرهم وسعره بحددو 240 ريال يجي ليه صغير شنطته صغيره على قد طول المنفاخ بنية الون عليها صورة جمل . هذه تجربتي والله اعلم

سفير الجزيرة

11/05/2005, 04:09 PM

الأخ أبو سارة
شكراً لمعلوماتك القيمة
وجزاك الله خير

رحال الغربية

11/05/2005, 07:20 PM

ألأخ هاوى

تبى العلم الزين وشئ لك وللعمر وعليه ضمان سنتين

أنا أفضل منفاخ ARB صناعته استرالى أصلى ومجرب عندى أكثر من سنتين واستخدمه لملأ الكفرات بالطاقة القصوى ومايسخن مثل بقية المنافيخ ويتحمل تشغيل مستمر لأكثر من ساعة ودفعه قوى وسعره من عند الرماية حول 800 ريال

المنفاخ يأتيك داخل صندوق عدة مع وأنبوب ومعيار

http://www.mekshat.com/pix/upload/images7/mk14707_RDCP_smallpic.jpg

سفير الجزيرة

15/05/2005, 02:23 PM

شكراً
أخي رحال الغربية
والله شكله زين ومشكور على هالصورة التوضيحية
لكن هل له ضمان ووكيل في السعودية .

سداااااح

15/05/2005, 02:53 PM

انا استخدم ما طور هواء امريكي كويك اير "1" وهو ممتاز وعملي وحا طه جوى الكبوت وهاذا المواصفات على الرابط اتفضل>>>http://www.central4wd.com/store/itemdetail.asp?ID=8382 وعلى فكره الرابط يوجد به انواع واشكل وسلامتكم اخوكم سداااااح

رحال الغربية

15/05/2005, 10:20 PM

مؤسسة الرماية للصيد وعدة الدفع الرباعى

منتعش

16/05/2005, 11:30 AM

حي الله أخواني النشامى والشقردية
والله أنا جربت المنفاخ المرهم اللي يوجد في السيارات القديمة مثل البيوك والفرد
وعيبه الوحيد أنه يسخن .
وأفضل شي هو أبوجمل .

خيال الشقرا

17/05/2005, 12:53 PM

السلام عليكم
ابو جمل جيد استعمله منذ مده وهو جيد
لكن الاطيب هو منفاخ هوا ايطالي يجي علي شكل الاسطوانه مثل اللي عند البناشر الطرمبه الحمراء الكبيره لاكن صغير ومنه كهربا ومنه
علي البطاريه لاكن سعره مرتفع شوي وهو للي يبيه بالرياض شارع الرين وسعره بحدود 700 ريال
وهذا هو الاطيب ----

سفير الجزيرة

21/05/2005, 09:49 AM

الأخوان
سداااااح
رحال الغربية
منتعش
خيال الشقراء
شكراً لمشاركتكم وكثر الله من أمثالكم .

الطعس الذهبي

21/05/2005, 11:23 PM

الرميح عند مواطير

ونش

25/05/2005, 08:00 PM

:hot: يا خي رحال الغربيه المنفا خ الاسترالي شفه في الغربي ب300 ريال فقط بس اهم شي السرعه

سفير الجزيرة

28/05/2005, 01:19 PM

لكن يا أخوي ونش
هل هو بنفس اللي ذكرة رحال الغربية ؟
لأن الفرق واسع في السعر . كيف ! :confused:

محب الشمال

31/05/2005, 11:14 AM

شباب الي جربوا منفاخ ابو جمل او الاسترالي او الايطالي ابي نصيحتكم اثتبه بالسياره او اخليه مع العزبه واشبكه مع مكان الولاعه واذا ممكن يكون الرد على الخاص
والله يحفظكم ويعافيكم

سداااااح

31/05/2005, 02:24 PM

الاخ محب الشماااال من رغم اني مثبت بالسياره ولا كن انصح التثبيت ما يكون بالكبوت لا ن حراره المكينه تضعف من اداء الماااطور وفيه حل ثاااني تقدر تثبته تحت المرتبه او من الخلف بالسيااره وهاذا افضل شي وهذا من وجهة نضري اخوووووك سداااااح

ملاعب الريح

31/05/2005, 05:22 PM

أخوي بالنسبه للعيار أنا أشوف ميشلان جيد بس يعيبه انه ما يقيس إلا والظغط فوق العشره وانا ما اشوف انه عيب لان الظغط اذا نزل عن العشره استوت يعني ما يفرق
وبالنسبه للمنفاخ جربت السفاري بأقل من 200 ريال لاكنه غير جيد
وتقبل خالص تحيات أخوك ومحبك في الله (بو سيف)

سفير الجزيرة

31/05/2005, 05:25 PM

الأخوان
الطعس الذهبي
ونش
محب الشمال
سداااااح
بوسيف

شكراً لكم .

وأضيف / إن أبو جمل فيه نوعين كبير وصغير والكبير أفضل لأن (اللي ) قصير وسلك الكهرب طويل .
وشفته عند العليان الصغير 150 والكبير 250

محب المكاشيت

03/06/2005, 11:38 PM

السلام عليكم ياشباب
إستفسار بسيط نبي محل يبيع أبو جمل بسعر مناسب وأبي وصفه بالتفصيل الممل وهل هناك أنواع من أبو جمل ؟وماهو الأفضل ؟ وكيف أعرف أميز بين الأنواع الأصلية منه .
وشكرا ً للجميع .

ابوذيب

04/06/2005, 12:48 AM

انا استخدمت ماطور على الكهرب ب950 من ساكو وشريت له محول من البطالريه واذا رحت للربع الخالي ىخذه اما الصمان وماجاورها مثبت واحد داخل الكبوت شاريه من دبي ب 220 درهم بس والله مادري وش اسمه

سفير الجزيرة

04/06/2005, 09:48 AM

أخوي محب المكاشيت

منفاخ أبو جمل تلفاه في الغرابي في الرياض ، وباللنسبه لي أنا شاريه من العليان في الغرابي ، وشارع الغرابي ما أظن أحد ما يعرفه .
ومنفاخ أبو جمل نوعين كبير وصغير ، خذخ الكبير أفضل 250 ريال .

سفير الجزيرة

04/06/2005, 09:49 AM

الأخ
أبو ذيب
شكراً للمعلومة .

الرمح

05/06/2005, 08:00 AM

الاخوان الاعزاء
انا مجرب منفاخ هواء اسمة ترك اير(trukair) امريكي وسعرة معقول بحدود 140 ريال
ومن ميزاتة انة في داخلة مروحة اذا كان احد مجربة يعطينا راية فية

سفير الجزيرة

23/06/2005, 10:18 PM

السلام عليكم ورحمة الله وبركاته
أخوي الرمح

شكراً على اسم هالمنفاخ ، وأنا أول مرة أسمع به وياليت من جربه يعطينا رايه فيه ..

شكراً لك أخي الرمح

سفير الجزيرة

18/07/2005, 12:52 PM

وشكراً لجميع من شارك برأيه
وياليت المشرف يدرج هالموضوع ضمن المواضيع المميزة كي يسهل الإستفادة منه .
وله منا جزيل الشكر .

الاحداثي

18/07/2005, 09:23 PM

اخي العزيز ...انا جربت عدة مواطير وما لقيت مثل ماطور ساكا الأصلي (((عليه ختم ساكا )) (( هناك أنواع مقلدة له )) ومثبته بالكبوت قبل 3 سنوات وصدقني أنه رائع وعملي وسريع النفخ ... وهذا الماطور اشتريته من محل المرباع للوازم الرحلات بعنيزة ...
وتقبل تحيات أخيك

(((((((((((((((((((((( الاحداثي )))))))))))))))))))))))

اسيزو 4x4

20/07/2005, 01:31 AM

انا شريت منفاخ ابو جمل حجم كبير بـ 225 ريال واخذت (( اللي )) قصير (( السلك)) طويل وهذا ازين ليكون دفع الهواء اقوى واسرع واخته من محل المكشات بالرس وهو ممتاز

قصربن عقيل

31/08/2005, 06:06 PM

بعد السلام والشكر:
ارخص شي والدفع مهب شين فك البوجي وركب نقاص مكانه ولي حق منافيخ واشبكه بالكفر!!!!!!!!!!!!!!!
بس انتبه له لا تربطه الا وانت وازنه اذا ما وزنته يعدم فتحه البوجي وتوديه للمخرطه ويزينون سنته!!!!!!!!!!
((((((((((( المنفاخ هذا للضروره فقط)))))))))

السارحي

31/08/2005, 11:44 PM

السلام عليكم ورحمة الله وبركاته

انا عندي ابوجمل اللي سلكه قصير واللي حقه طويل شغال زي الحلاوه

وانا افضل انه ما يثبت في اي مكان ويظل في شنطته وادعسه في اي مكان في السياره

اما سالفه البواجي ياخي تخيل انك منسم على الكفر وبتنفخه وانت في القايله ودرجة الحراره معديه 48

هذا غير حرارة المحرك والحديد............ يالله دخيلك............ اشتر مكينه وريح بالك....

ومرحبا الف.........

سفير الجزيرة

06/09/2005, 01:42 PM

السلام عليكم ورحمة الله وبركاته
شكراً لكل من تفاعل وتعاون مع الموضوع وأنا جربت أبو جمل اللي أشاروا عليه الأخوان - جزاهم الله خير - وفعلاً لقيتة ممتاز ( الكبير اللي ليه صغير وسلكه طويل )

القماري

07/09/2005, 02:58 PM

لاتتعدى أبو جمل
لي قصير سلك طويل حقيبة بنية اللون مرسوم بها جمل سعره 250 ريال
عملي جدا جدا ومقاوم وخفيف وسريع ومخصص للكفرات الكبيرة
أستخدمه منذ 3سنوات صيفا وشتاء ولا عليه كلام 100%

سفير الجزيرة

26/09/2005, 06:55 PM

السلام عليكم ورحمة الله وبركاته

أخوي
القماري
شكراً لمشاركتك

nahham

28/09/2005, 04:13 PM

اشوف اغلب الشباب مركزين على ابو جمل الحجم الكبير

توكلت على الله بروح اشتريه ان شاء الله

تسلمون

القصبي

01/10/2005, 09:43 PM

السلام عليكم ورحمت الله وبركاتة
انا عندي ماطور هواء اسمة handy craft يعني بالعربي الحرفة المفيده
صنع في اليابان
شاريه من الغرابي ب 165 ريال
والله انة زين مرة ولا يسخن لو تشغلة يوم كامل
وتراة موب قوي مرة ولا ضعيف مرة في النفخ يعني وسط وخير الامور الوسط
جلس عندي في سنتين
واليوم رحت للغرابي وقال لي ابو جمل ابو سلك طويل ولي طويل ب "300 ريال قلت له عاد اها بس
صورة له
http://www.uparab.com/File/1128194024.jpg
http://www.uparab.com/File/1128194406.jpg

رفيع الشأن

01/10/2005, 10:03 PM

ياريت احد الاخوان ممن جربو منفاخ ابو جمل يقول وشلون طريقته ووين يتركب في السيارة وكم ياخذ وقت لتعبية الكفر
وهل يجي معاه معيار للهواء

ثاني شي ياليت تدلوني على محل يبيعه في الرياض ولكم جزيل الشكر

سفير الجزيرة

05/10/2005, 01:15 PM

.
الأخ نهام
توكل على الله

الأخ القصبي
شكراً لمشاركتك بمنفاخ جديد أول مرة أسمع به ، مــــا قصرت .

الأخ رفيع الشأن
تقدر تركبه في الكبوت أو وراء المرتبه الخلفية ، والنوع الكبير ما يطول يعني مضبوط لأن اللي قصير والسلك طويل ، وتلقاه عند الغرابي وأيضاً عند العليان .
.
.

بو خليفه

06/10/2005, 10:10 AM

أفضل ماطور هو الاسترالي لا يسخن و لكن سعره عند الرماية 900 ريال الآن و له ضمان سنة كاملة
أما الثاني أبو جمل و يوجد نوعين نوع بلي طويل لون أصفر و هذا اللي يسخن فيتلف اللى
ويوجد نوعية ثانية و هي لي المنفاخ قصير أسود و هذا ربل لا يسخن و هذا هو الجيد
أبو جمل يوجد أصلي و تجاري التجاري 180 ريال و الأصلي 240 عند الشراع الدمام والرياض وعليه ضمان نصف سنة و هو الجيد و كان موجود عندي عمل لمدة سنتين ثم تعطل لا يمكن يضغط الهواء فاستبدله بواحد جديد نفس النوعية و سبب الخراب سوء الاستخدام لأني أشغله و أطفي كل دقيقة
ملاحظة
ماطور أبو جمل إذا شغلته لا تطفيه إلا بعد أن تنتهي منه لأن مكتوب إذا طفى يجب تشغيله بعد 20 دقيقة و هذه مكتوبة عند الماطور

طخيمان

06/10/2005, 11:21 AM

انتبه قبل ما تشتري ماطور أبو جمل
عندي واحد أصلي شاريه بـ250 وخرب عندي خراب بسيط وما لقيت أحد يصلحة وهذا هو مجدوع في البايكة . :(

راع الونيت

07/10/2005, 12:07 AM

يا اخوان حياكم الله بقول لكم تجربتي بالماطور
مع زميلي جي اكس 96 ركبنا عليه دنمو مكيف صغير جدا وثبتناه بالمكينه من الجهة اليمنى وفكينا المروحه وديناها للمخرطة وركبنا لها مجرى للسير وركبنا كل شي مكانه طبعا الكمبريسور له ماصورتين وحده تسحب والأخرى تدفع ركبنا باللي تدفع لي تعبئه واذا بغيت تعبي فيه مفتاح لأجل يشبك الكمبريسور والله كأنه ماطور بنشري لكن ترى التصميم متعوب عليه
لكن في بعض السيارات ما له مكان

بريد5

07/10/2005, 12:51 AM

انا شريت منفاخ من ساكو صراحة جربتة اكثر من مرة ...
واللي اعجبن اكثر انه حجمه صغير ......
ويشحن بالكهربا
وتقدر تشبك فيه سلك الشاحن وتشحن جوالك

سعرة 300ريال
واسمة mobitronic

القزاع

10/10/2005, 05:21 PM

[quote=راع الونيت]يا اخوان حياكم الله بقول لكم تجربتي بالماطور
مع زميلي جي اكس 96 ركبنا عليه دنمو مكيف صغير جدا وثبتناه بالمكينه من الجهة اليمنى وفكينا المروحه وديناها للمخرطة وركبنا لها مجرى للسير وركبنا كل شي مكانه طبعا الكمبريسور له ماصورتين وحده تسحب والأخرى تدفع ركبنا باللي تدفع لي تعبئه واذا بغيت تعبي فيه مفتاح لأجل يشبك الكمبريسور والله كأنه ماطور بنشري لكن ترى التصميم متعوب عليه
لكن في بعض السيارات ما له مكان[/

الاخ راع الونيت
دنمو مكيف ( كمبرسور )والا دنمو مكيف سياره والمروحه مروحة السياره والمفتاح عباره عن صمام

لو تكرمت علينا وضح واشرح اكثر حقيقه اعجبتني الفكره وودي اسويها مهما كلفتني ولك مني الدعاء الخالص في هذا الشهر الكريم بالتوفيق

رواح

12/10/2005, 04:49 PM

ماطور الرمايه ممتاز لاكن قطع غياره نار وهناك بعض القطع تبا ع كامله وانت في غنى عنها --وهذا عيبه الوحيد -- والباقي مثل السعر والحجم لك الخيار فيها------- وانا جربته في الرمله في نفخ 12كفر بسرعه وبدون تسخبن--وهذا الي عرفته عن هذا الماطور خلال التجربه----------

غيّام

12/10/2005, 06:05 PM

رواح : Arb تقصد
مشكلته غالي جدا

راع الونيت

28/10/2005, 11:17 PM

أخوي القزاع آسف على تأخير الرد لظروفي الخاصة وبعد
هذا الموضوع كتب عنه العضو رحال الخبر بتاريخ 22/10/2005 في خيمة السيارات وتجهيزاتها وصراحة ما قصر أرفق الصور أثر الناس سابقيني من زمان

سفير الجزيرة

02/01/2006, 07:37 PM

بو خليفة
أبو الطواري
راعي الونيت
بريدة
القزاع
رواح
غيام

شكراً لكل الأخوان الذين أفادونا عن المنافيخ الجيدة التي بعضها ما سمعت عنها

nsa10000

02/01/2006, 10:16 PM

ياشباب انا قد شفت معيار صغير يركب على الكفر بحيث ينسمه بدرجه معينه توضعه على الكفرات وين الاقيه فى الرياض

دكتور بر

02/01/2006, 10:54 PM

تايقر وارد العليان في رأيي أفضل فبعد البحث والاستقراء وجدته أفضل من أبو جمل وذلك لعدة أسباب :
1 ـ له ضمان من الوكيل .
2 ـ اللي اللي في ابو جمل طويل ومعروف انه كلما طال اللي كلما ضعفت قوة الدفع ، بينما التايقر فالسلك هو الطويل والماطور حق النفخ ما بينه والكفر الا نص متر وبالتالي فهو اسرع .
3 ـ اللي الطويل في أبو جمل مع الزمن يتكسر ويبيله تغيير بينما التايقر لا يتأثر بهذه العوامل .
4 ـ الحيز الذي يأخذه ابو جمل أكبر من حيز التايقر لأن حجمه اكبر .

ابوذيب

03/01/2006, 01:23 AM

يقول المثل :-
تدلك على السلع اثمانها

دكتور بر

03/01/2006, 05:09 PM

وبعدين قوة التايقر وابو جمل وحده كلها 100 امبير
والله أعلم

إذا سخن التايقر مرة يقفل لوحده بخلاف ابو جمل وهذا يضر على الماطور اذا لم يقفل على المدى البعيد

nahham

03/01/2006, 05:40 PM

ياشباب انا رحت الغرابي قبل اسبوع ولقيت عند احد المحلات ماطور هواء بستمين ماشاء الله تبارك الله هواء قوي مره

وشكل انيق وداخل شنطه ويجي نوعين نوع لي طويل والسلك طويل لكن يركب على اصابع البطاريه والثاني لي قصير وسلك طويل على الولاعه ومعه توصيله لو بغيت تشبكه على البطاريه

الحقيقه روعه من جد

وطبعا مثل غالبية المواطير كلها صناعة الصين

وسعره 170 ريال بس

يابلاش

انا ماصدقت خبر وشريت اثنين واحد لي وواحد لزميلي صنيتان - عضو مكشات

سفير الجزيرة

15/01/2006, 09:11 PM

إخواني

nsa10000
مهبول بر
ابوذيب
nahham

مشكورين على المشاركة وكثر الله أمثالكم

mr-mam

23/01/2006, 01:32 PM

بالنسبة لعيار الهواء أفضل شي هو عيار من نوع ميشلان صغير مره بس لك وللزمن
اما المواطير اختلفت الأراء بس بالنسبة لي انا ارشح أبو جمل وارد الشراع

سفير الجزيرة

31/01/2006, 10:24 AM

مشكور أخوي مستر مان
ومشاركة ممتازة
بارك الله فيك

for

11/05/2007, 04:54 PM

وش رايكم في هذا ياجماعه ؟؟

http://www.al-jazirah.com/digimag/06012003/20.jpg

السعر 99 ،95 دولاراً
اقتن هذا الجهاز ولا تتوقف أبدا في الطريق، حيث يوفر لك هذا الجهاز إمكانية إعادة شحن بطارية السيارة وقياس ضغط الهواء في العجلات. يتألف هذا الجهاز من ساعة رقمية لقياس الضغط والشحنة الكهربائية إضافة إلى وسادة هوائية للكشف السفلي للسيارة، كما يمكن شحنه بواسطة التيار الكهربائي المنزلي باستخدام منظم أو عن طريق وصلة بالمكان المخصص لأداة إشعال السجائرفي السيارة نفسها. سهل الاستخدام ويعطي شعوراً بالأمان والراحة أثناء السفر، كما يحتوي على مقياس فولتي وكابلات محمية معزولة للأمان والحماية إضافة إلى كاشف ضوئي للاستخدام الليلي.

أبن الوطن

12/05/2007, 12:34 AM

اشوف فيه منفاخ مرهم يصلحونه بالقصيم بس معرف وين بالضبط اللي عنده خبر عن المحلات اللي تسوية بالقصيم لا يبخل علينا ويعلمنا بمكانه وهو كريم وحنا نستاهل

ابو غدير

12/05/2007, 01:22 PM

والله العظيم جيد جددددددددددددددددددددددددددددددددددددددددأ

ابو غدير

12/05/2007, 01:23 PM

موووووووووووووووو معقول مافي أحد يرد على هذا الموضوع الجيدددددددددددددددددددددددددددددد

والله التوفيق

سفير الجزيرة

23/05/2007, 12:42 PM

الأخوان
جميعاً

مشكور كل من ساهم ورد
وعطانا رأيه
.
.

مخرب طلعات

26/05/2007, 05:47 AM

أهلا ً وسهلا ً

الحمدلله والصلاة والسلام على آخر النبيين الرسول محمد صلى الله علي وسلم

أما بعد :

فقد أعجبني الموضوع وبصراحة إنجذبت للرد والإستفسار عن

هل المنافيخ التي تتكلمون عنها وخاااصة (أبو جمل)

تتحمل (اليوكن الطويل) (السوووبر)

وخاصة إذا جاءت كشته برية

وهذا بعض الكلام اللي نقوله قبل مانطلع
"
(أنا) يالله يالربع بتروحون بالسوبر

(الربع) وين بنروح

(أنا) نكشت قريب حول الديرة لاتخافون :)

(الربع) والله أجل بنجي معكم

(أنا) معي بالسوبر

(الربع) لا لا بنجي بالددسن (الربع) بجي بسيارتي

(أنا) مادام الروحه كل واحد بسيارتي

(البيت) وأنا بالبيت طخ طيخ فكيت الصف الثالث :) وصفطت الصف الثاني

وركبوا

خزان 150 لتر وخيام وعفش وخرابيط حتى تمتلئ السوبر كاملة مع أن الصف الثالث مشيول والصف الثاني مصفوط

ونروح البر

(((" هنا السؤال ")))

هل الماطور أبو جمل يقدر ينفخ السوبر ومعبي عليه شي من الصعب تخيله

وانا ودي منفاخ ضغطه عالي يعني أغلب المنافيخ ((300)) ضغطها

وأنا ودي اكبر بكثيــــــــر يعني (450) وجزاكم الله خيرا ً