الملاحه في الارمادا 2008 لاتعمل

[ابو خآلد ،]

السلام عليكم ورحمة الله وبركآته

اسعد الله مسائكم / صبآحكم بكل خير

اخوكم في الله اشتريت ارمادا 2008 قبل فتره ولله الحمد

فل كآمل مع نظام الملاحه

ولآكن الملاحه للأسف مو شغآله ،، ضغطت على زر map وغيره من الازرار حقت نظام الملاحه لآكن ماتستجيب

للمعلوميه الشاشه والمسجل وغيرها شغاله تمام لآكن الملاحه ماتفتح ما ادري ليه

اتوقع ان برنامج الملاحه غير مثبت فيه او مافيه خرآيط

وللمعلوميه يوم شريت السياره ماجاء معاها cd او dvd فيه الخرايط وغيرها

ونظام البلوتوث ماحصلت طريقة تشغيله

الشاشه شاشة الوكاله وهذي صورتها

http://images.myride.com/images/vehicle/2008/Nissan/Armada/staff/2008_Nissan%20Armada_LE_12_(768x576).jpg

السياره فيها نظام الملاحه وفيها نظام البلوتوث متأكد انا لآكن للأسف ماعرفت طريقة تشغيلها وحسب ماسمعت ان الشاشه شغاله باللمس لآكن عندي شغاله عن طريق ازرار

اتوقع والله العالم انها محتاجه تعريف عن طريق الـ cd ، والوكاله يبغون مني مبلغ كبير عشان البرمجه

فزعتكم يالربع الله يعافيكم لأني مع العطله راح اسافر ومحتاج الملاحه

بالتوفيق للجميع

اخوكم ابو خآلد

[aaadmi]

أخي الكريم
بما أن الخريطة تظهر فالقرص موجود، وهو في محرك تحت كرسي الراكب الأمامي، أخرجه وأعد إدخاله مرة أخرى لعل ذلك ينفع.

[ابو خآلد ،]

هلآ والله اخوي

صرآحه فرحت جدا يوم شفت ردك

الصوره اللي انا منزلها هي مثال فقط لشاشة السياره اخذتها من موقع قوقل وليس صوره فعليه لشاشتي

لاكنها نفسها بالظبط مافيه فرق

عندي لآيوجد خريطه اللهم فقط راديو ومسجل يظهر بالشاشه ومعلومات البنزين وظغط هواء الاطارات وغيرها من المعلومات لآكن ملاحه مافيه

اسفل كرسي السائق فيه جهاز كبير فيه مروحه لآكن حسب ماسمعت انه جهاز لتدفئة المرتبه وقت الشتاء

لآكن ان شاء الله مع الصباح راح اتأكد واشوفه زين لعل وعسى يكون فعلا جهاز تابع للملاحه

الله الموفق

[المنيعي1]

الباث فندر النص فل يجي شاشة عرض فقط وكمرة بدون ملاحة والملاحة تجي في الفل كامل .
أعتقد الارمادا مثله اذا مترك نص فل

[ابو خآلد ،]

لآ اخوي موتري فل كآمل وموجود فيه ملاحه وكاميرا خلفيه وبلوتوث

لآكن الملاحه ماتشتغل ازرارها اضغط عليها ومايطلع شيء

اللي يجي بدون ملاحه ماتجي فيه ازرار ملاحه اساسا اتوقع

[ابو خآلد ،]

أخي الكريم
بما أن الخريطة تظهر فالقرص موجود، وهو في محرك تحت كرسي الراكب الأمامي، أخرجه وأعد إدخاله مرة أخرى لعل ذلك ينفع.

فيه جهاز كبير اسفل كرسي السواق مكتوب عليه BOSSE ولآكنه حديد وماقدرت افتحه ما ادري اذا هذا هو اللي تقصد او لا

[aaadmi]

فيه جهاز كبير اسفل كرسي السواق مكتوب عليه BOSSE ولآكنه حديد وماقدرت افتحه ما ادري اذا هذا هو اللي تقصد او لا
أخي
أنا لم أقل كرسي السائق، بل قلت كرسي الراكب الأمامي، هناك مشغل أقراص اضغط على زر إخراج القرص، أظنه أسفل فتحة دخول القرص.

[nizwa]

تكرما ممكن إفادتنا بملفات قرص dvd للخرائط لدول الخليج