المساعد الشخصي الرقمي

مشاهدة النسخة كاملة : افيدوني في مقص اليوكن ... الله يجزاكم ووالديكم الجنة


الناصح الاول
28/05/2010, 03:48 AM
السلام عليكم ورحمة الله وبركاتة امسي على الجميع بالخير ... المشكلة يا جماعة الخير انه واحد من الربع بنشر علية الكفر الخلفي في الخط وهو ما له خبره بطريقة رفع اليوكن ومكان وضع العفريتة تحت السيارة المهم خوينا حط العفريته تحت المقص ورفع الموتر وانطعج احدى مساطر المقص يعني توسع برايكم يا جماعة الخير هل اذا عدل المقص يضبط او لازم يغيره بواحد جديد علماً ان الموقع .. المدينة المنورة .. والسياره يوكن xl ودمتم في حفظ الله ورعايته ... مع التحية ... الناصح الاول
ss797sa
28/05/2010, 10:23 AM
النصيحة يا خوي افضل غير جديد لانة وزنيت الموتر ما بتصبط مثل اول وبتصير حذفة في الموتر
بدوي جنوبي
28/05/2010, 01:11 PM
يا ليت تصور المقص
ويبعدها نقدر نحكم

او يتجه لورشة تربيط ويسوي كشف .

بالتوفيق
الناصح الاول
28/05/2010, 01:50 PM
اشكرك يا ss797sa على الرد وقولتك الجديد ما مثله لكن نبحث عن اقل التكاليف مع اصلاح العطل لا هنت يالذيب
الناصح الاول
28/05/2010, 01:52 PM
لك كل شكري وتقديري يا مشرفنا العزيز وان شاء الله راح اصور المقص وانزلة بس ان كان تعرف ورشه مضبوطه بالمدينه يا ليت تخبرني ... لا هنت يالذيب
سوبر VTC
28/05/2010, 02:15 PM
نزل صورة عشان نحكم ؟
الناصح الاول
28/05/2010, 08:30 PM
ابشر يالربع وهذي الصور وعذرونا ترها عن طريق الجوال http://files02.arb-up.com/i/00031/47dzgpz2946w.jpg http://files02.arb-up.com/i/00031/aynbjbc16rd3.jpg http://files02.arb-up.com/i/00031/8asochkz3o96.jpg http://files02.arb-up.com/i/00031/7s9jholjasuc.jpg ودمتم في حفظ الله ...
تناهيت
29/05/2010, 07:59 AM
http://files02.arb-up.com/i/00031/8asochkz3o96.jpg



http://files02.arb-up.com/i/00031/aynbjbc16rd3.jpg



هلا بك اخوي الحمد لله على كل حال

انا افضل ان تركب جديد تخبر المقصات من اهم الاجزاء في السيارة لو تركب من التشليح ما فيه مشكله وتحصله بسعر مناسب جدا

واذا كنت تبي تعدله تقدر عن طريق اللحام لاكن يبي يضعف عندك لازم تدعمه بمبسطات اضافيه خاصه ف يمنطقه الطعج

وانصح خويك انه يستخدم عفريته مثل حقت البناشر فيه انواع صغيره قيمتها 160 ريال 2.5 طن صناعه يابانيه ....>ما استخدم الا هي منذو مبطي لن حقت الجموس متعبه وخطيرة كم مره خانتي في الخطوط وخربت وانكسرت

تحياتي
سوبر VTC
29/05/2010, 01:15 PM
اخوي تنهايت ماقصر

لكن تقدر تفكه و يعدلونه لك بالمخرطه
يطلع وكالة
اذا كان يبي يكلف بالمخرطه
دور بالتشليح مستعمل حول قيمة شغل المخرطة
و انا ارى من وجهة نظري
ان المخرطة ينجح عندهم
عن طريق ضغطه و تعديله بواسطة الهيدروليك
دون الحاجة الى اللحام او الاوكسجين
الناصح الاول
29/05/2010, 02:16 PM
شاكر للجميع الاهتمام والمرور والتعليق واخص منهم مشرفنا القدير سوبر فتك

والله لا يهينكم ويبيض وجيهكم

اما بالنسبه للمقص انا رحت اليوم يم واحد متخصص في سحب الشاصات وتعديل الدفرنس
وقال انه يبي يضبطه مثل الوكالة مع ضمان شهرين وحدد القيمة 150 ريال
وقالي شغلة ثانيه انه يبيلي تعديل الدفرنس وان الكفر فيه ميلان خفيف
وش رايك هل فعلا يتعدل الدفرنس ...

لاهنتم جميع
سوبر VTC
29/05/2010, 03:09 PM
جزاك الله خير
لاهنت
انا ارى ان المخرطه احسن من الورش العادية
شغلهم 100% بالملي
و اعتقد اقل سعر
بالنسبة للدفرنس مر على الاقل على 5ورش حقات جموس
او محلات وزن اذرعه
عشان تاخذ العلم الاكيد بخصوص ميلان الدفرنس
لان كل واحد يعطيك من راسه و بعضهم يتخرص
فاحذر ذلك بارك الله فيك
بعضهم يحط الميزان مثل حق البلك على الدفرنس
و يبين معك هل هو مقوس او به ميول الدفرنس
و ايضا يحط الميزان على جنب الجنط و بين معك هل هو مقوس او مائل
للداخل او للخارج
و حط الميزان على الجهة الاخرى للكفر الاخر
عشان تلاحظ الفرق بينهن
موفق
بدوي جنوبي
29/05/2010, 11:54 PM
نعم الدفرنس يتعدل
اذا كان يحتاج سحب ،، يسوى له سحب للخارج
وعادى مالسحب بسيط وما يأثر على السياره

لكن اهم شيئ يبين معك ان الدفرنس يحتاج تعديل

بالتوفيق
مغلي
30/05/2010, 10:43 AM
اولا
الحمد لله على سلامته ومن معه
ثانيا
شنطة العده الخاصه باليوكن ... مرسوم عليها اماكن توضح وين تحط العفريته فيه عند كل الكفرات ... فلو ركز بالشرح دقيقه وحده بس ... لما صار الي صار بالمقص
الناصح الاول
31/05/2010, 10:40 AM
بيض الله وجيهكم جميع والله يجزاكم ووالديكم الجنة

اعتذر عن التأخير في الرد ... وانا بروح ان شاء الله يم المخرطة واخبركم باللي يحصل بإذن الله

الله يسلمك يا ( مغلي ) تعرف اخونا مستعجل يبي يلحق الشوي ويبي الشغل سريع

موفقين لكل خير والله يقدرنا على رد المعروف ...

مع التحية ... الناصح الاول