مشورة لكم يا أهل النظر

[شايب مطور]

السلام عليكم ورحمة الله وبركاته



ودي استشيركم في موضوع بسيط لكنه يهمني


عندي كامري 2001 دفعة ثانية يعني فيها حساساتgli

لونها عشبي (أخضر فاتح)
ماشية 270000 ميتين وسبعين الف بسسسسسسسسسسس
قير عادي
خالية من الصدوم والسمكرة ولله الحمد والمنه

خالية من المشاكل الميكانيكة


يعني السيارة نظيفة من ناحية البدي والمحركات


كم تسوى؟؟؟؟؟؟؟؟؟؟؟؟؟؟؟؟؟؟
محتار اهل ابيعها واشتري فورد فكتوريا او ميركوري

او اشتري كامري احدث موديل بس تكون تماتيك


مع العلم اني اقدر اضيف على قيمتها عشر الاف بسسس


انتظر اراءكم

[metub1404]

اخوي شايب مطور ودي اسا لك هل الكامري سعودي والا امريكي اذا كان سعودي يجيب من 30000 الى 34000 واذا كان امريكي من 24000 الى 27000وانا ما انصحك بالكامري الجديد مادام موترك زين والحمدلله خلك على الكامري واذا صملت على البيعة راسلني على الخاص ونزل صور لاهنت وتقبل مروري

[نفود حائل]

ما شاء الله على سيارتك شكلها وردة

واعتقد انها تجيبلك من 38 الف الى 40 الف

واذا زودت 10 الاف يعني وصلت الخمسين تجيبلك كامري نظيف من الشكل الجديد

[طربان على صوت]

شف ياطويل العمر السعر مادري والله لكن تبيع ولالا التويوتا سيارة تسجل ببطاقة العايله وموتر مشهود له لكن اذا كان رأيك بالفورد فبقولك شي الآن اخوي شرا اكثر اكثر من 7 فوردات كروان فكتوريا واخرهن 2008وكدهن كد الحمير وزي الفل تبي تسأل ليش زي الفل اقولك ..:-
1-راحه.
2-سعه.
3-نشاط وقوه بالمحرك.
4-صرف البنزين منخفض يعني يمشيك التانكي (600-650كم) مع العلم انه 8سلندر.

واذا انت تبي تشري مستعمل تلقا فورد نضيف جدا ورخيص كذالك وانا لو ابشري موتر صغير غير الفورد منا شاري..وكذالك من ضمن التجارب الوالد الله يطول بعمره شرا فورد 93 بعام 1993 وباعه بعام 2005 والى الان متحسف على البيعه وكذالك شرا 2005 والى الان موجوده وزي الفل..

وكذالك الكامري موتر ويشد به الظهر لكن انت والي يجوز لك..

وآسف على الاطاله

[رفيع المقآم]

يالغالي اذا تبي نصيحه مجرب لا تبعد عن الياباني قل ليش طيب اول شي كم بوجي بالكامري 4وكم بوجي بالفورد=8 كم اسلاك بواجي بالكامري=4وكم اسلاك بواجي بالفورد 8 كم تفلل بالكامري وكم يقعد بك وكم تفلل بالفورد وكم يقعد بك بكم تشتري كفر للكامري وبكم تشتري كفر للفورد وبالاخير انا اقولك استاخير وان كنت ملزم على الفورد طع شوري لا تاخذ دون 2005 واذا موترك تمام ليش تبيعه ياخي احمد ربك واجمد عليه لين يرزقك ربك بوكااااااااااله هذا رايي وانت بكيفك

[شايب مطور]

اخوي شايب مطور ودي اسا لك هل الكامري سعودي والا امريكي اذا كان سعودي يجيب من 30000 الى 34000 واذا كان امريكي من 24000 الى 27000وانا ما انصحك بالكامري الجديد مادام موترك زين والحمدلله خلك على الكامري واذا صملت على البيعة راسلني على الخاص ونزل صور لاهنت وتقبل مروري



اولا اشكرك ياخوي على الرد والشور


وثاني شيء سيارتي مواصفات سعودية

[شايب مطور]

metub1404

نفود حايل

طربان على صوت

منوتي الشاص

اشكركم كل الشكر ويعطيكم العافية


انا مبسوط على السيارة بس العمر له دور موديلها 2001 واحنا داخلين على 2011

[سوبر VTC]

انا اقول ماتتعدا قيمته ال30الف
مع اقربائي كامري م2001 تماتيك فتحة جي ال
و احسن لون عشبي فاتح بغامق
و مركب له مثبت سرعة
باعه العام ماشية 320الف
ما شاء الله فقط زيت و سيفون و فلتر قير
حظ اللي شراه
البدي لاباس به
شاريه وكاله ب74الف
و باعه العام ب31الف
تبي الراحة بالديرة و بالسفر
لا تعدا الفورد
من توظف او تزوج عجز يطلق الفورد من زينه
راحه متانة قل صرفية و عزم
لا تنسى الاستخارة بعد الاستشارة