اللي مايعرف الصقر يشويه

[المريعي]

مساء الخير

بدون مقدمات شوفوا المقطع

والله راعيها يبي يتحسر

http://www.youtube.com/watch?v=6SOPSPUSG6A (http://www.youtube.com/watch?v=6SOPSPUSG6A)

[تـقوى الهجـر]

عزالله الي مايعرف لصقر يشويه

شف الشيهانه صايده كروان

[شنقاري]

الله يعين راعيها

لو يشوفها والله لينقهر

صرااحه قهر

[راشد الهاجري999]

ياسين ع الفرخه من هل خمه ياسين

[333]

ياحسوووووفه الشيهانه بس
طارحه كروان
صدق من قال
اللي مايعرف الصقر يشويه

[فهد العرجان]

انا اشهد بالله ركب المثل صح

لاهنت اخوي والله يعطيك العافيه

تحياتي

[الطبشي]

صايده كروانها وطابه عند الغشم اسعد الله من هو عندهم لا افتح وجهه الله يعين راعيها

[ذراع الذيب]

السلام عليكم ورحمة الله وبركاته,,
مسيت بالخير يالمريعي,,

هالمقطع سبق وان شفته عزالله اني تحسرت عليها وكنها لي واليوم,
تحسرت وكني شفته اول مره عزالله هيضتني بالحيل لاهنت يالخوي,,
تحياتي لك,,

[راعي طلاع]

جعلهم السلال
قال ويش ترها متعوره

[الشاطر ماطر]

الله يعين ومشكور على المقطع وتقبل مروري

[أخو عيد]

الله يعطيه الجدري وليتها فقعة عينه حتي ما عاد يجود الطيور
حسبي الله عليهم.. لاهنت علي المقطع

[ابوسعد 3]

الله يخلف
تسلم على المقطع .

[falconer]

تسلم عل مقطع
الحمدالله انهم مامسكوه الله كتب له عمر

[افزعواله]

ياباطلاااااااااااااااااااااااااااااااااااااااااااا ااه وش ذولا البلوه الله ي.................
الحمد لله انها راحت مامسكوها والله انه قهر ..مشكور اخوي على المقطع

[راعي غضبان]

الف شكر لك على المقطع والله يرفع ضغط الي يحب الطير امحق قضبه عزالله انهم روعوها واوجعوها والله لوها لي وجايهم وهم ماسكينها كذا كان مايحصل طيب والله صارت معي في شاهين فرخ العام الاول والله يارتفع ضغطي ضيعتها على حمامه قويه ودورتها لان ادخلت ارض وعره شوي وشغلت الجهاز وراها لين قامت تضرب بقوه على الواطي لين عندي حوش غنم قريب وانا قدني عقب المغرب اظلم الجوا شوي وقلت خلني اسئل راعي الغنم لينه هندي وشكله توه جاي ولا يعرف الطبخه قلت طير مايفهم واقوم ادور وسط الشبك والغنم اكتمتني بريحتها يوم شافني ادور وانقز هذه الشبوك قال بابا يشرلي على تنكه كبيره وحاط عليها كرتون يوم فتحته لاشوفت عدوك لينه حاط جنحان الشيهانه فوق بعض عاسرهن مخالفهن وراء بعض مرتين زي مانسوي بالحمام لصار عندنا عزل المهم دورني ماتلاقاني وانا اتحماله ذاك الكف ماادري عن نفسي يوم فكيت الشاهين اوقفت على يدي وانا اطالع فيها لينها سليمه مافيها هدل جناح ولاكسر قلت اكيد من الغفص انها متملعه واريحها حول خمس ايام وترجع كما كانت واتعوذ من الشيطان ويروح يعدي ويجيب الحمامه ماعاد ابي الا فرقاه قلت خذها لك شكله يبي ياكلها والحمدلله انه توه جاي ماهو متمرد كان شل ابوك عن اخوك ههههههههههههههههه والف شكر لك

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / المريعي
هههههههه
جزاك الله خير ضحكنا لين بغينا نموت
الدقيقه 1,26...ابو بنطلون ازرق كيف ارتاع ههههه
والدقيقه 1,47 .... قلت لك عصب ههههههه
الدقيقه 2,21.. عجيبه الحركه ههههههه
الدقيقه 2,45 .. شمخك ههههه
الدقيقه 2,59 .. جنب عن درب الطير هههه
الطير عطاهم على كيفهم
مشكور
*
والسلام
الخبت أخو نايف
الحجاز
16-6-1431هـ

[يدوي الشرق]

والله ان اسم المقطع راكب عليهم الله يعين اشويهينه

والله لويشوفها راعيها لا ينهبل

[الرااسي]

لا حول ولا قوة الا بالله الله لايوقفه لعب فالطيره صدق المثل الحين الله يعين راعيها لو يشوف ذا المنظر

[قنيص غير]

الله يعين ومشكور على المقطع