المساعد الشخصي الرقمي

مشاهدة النسخة كاملة : مشكلة الدفرنس سفاري 2003


ابوالشيهانه.
29/05/2010, 11:59 PM
السلام عليكم يااخواني
بغيت اهل الخبره مشكلة الدفرنس عندي في السفاري (م2003 فتك) اربع مرات غيرت الصوفه مع العلم انه فيه صدمه لما كان عند صاحبه الي قبلي ودخلته ورشه وقال يحتاج تعديل الدفرنس والعكس و رجع التهريب مره و2 و 3 و 4 هل يحتاج تغيير اوتعديل
وارجو من يعرف ورشه في القصيم او حائل وانا حاليآ في حفر الباطن ولم اجد ورشه ممتازه
ابو مريم
30/05/2010, 01:06 AM
اخي العزيز حسب ما سمعت من احد الزملاء وهو ميكانيكي صادفته هالمشكله
يقول سلمك الله ومن يقرا ان فيه بلوف تنسيم للدفرنسات والقير
واذا انسدت البلوف هذي ما يكون فيه تنسيم فا تنفجر الصوفه ويهرب
هذا ما اعرفه حبيت افيدك يالعزيز
ابوالشيهانه.
30/05/2010, 03:15 PM
الله يعطيك العافيه يابو مريم
falconer-kw
30/05/2010, 05:34 PM
السلام عليكم اخي ابو الشيهانه

اذا كنت تقصد تهريب الزيت من عند الكفرات بعلمك طريقه وان شاء الرحمن بتخلص من هذه المشكله شوف طال عمرك دخله على الوكاله او اي شخص تثق فيه ويكون من الناس اللي تخاف الله وقوله فرغ الدفرنس من الزيت وبعدها بدل الشبنات اللي عند الكفر

ثم ارفع السياره ولكن من عند الشاصي وليس من عند الدفرنس بحيث يكون الدفرنس نازل ثم عبه لين يبين معاك وسكر واركب موترك بالسلامه في خطا دايم يقع فيه اهل الجيوب المشكله انه يعبي الدفرنس زيت اكثر من اللازم فيصير ضغط على الجبنات ويرجع الخريرمره 2
ان اشاء الله اكون افدتك واس استفسار راسلني وتبشر بالخير
اخوك / ســــــــــــــــــــــــــــــــفاري الكويت
بدوي جنوبي
30/05/2010, 07:46 PM
شف الفلنجه
اذا متآكله عندك ممكن هى سبب التهريب

http://www.mekshat.com/pix/upload04/images167/mk32037_6t6.jpg


الخط المنحنى الاصفر هنا يوجد صوفه او شبه صوفه
مكونه من حلقة حديد وربل ،،،، هذا اذا الفلنجه اللى عندك شبيهه بهذي الفلنجه
لانها حقت جمس ،، تأكد انها ما تكون متآكله (متقطعه)،،، ولو طلعت متآكله
ما تجى لحالها لابد تشتري فلنجه جديده .

وانا ما ودي تشترى جديد لانها غاليه .

المهم هو
المكان المنقط بالاخضر هو الاهم اذا كان متآكل عندك او يوجد تجويف غير واضح
بالعين هو من اسباب تهريب الصوفه حتى وهى جديده .(لانها ما تملئ الفراغ الحاصل بين الصوفه والمكان المنقط )

الحل :
تتجه لمخرطه ويقص ماصوره من معدن غير المواصير المعروفه (فنى المخرطه
هو يعرف يختار النوع المناسب )

ويكبسها فوق مكان القطعه القديمه بعد اخراجها
الهدف تكون القطعه اسمك من السابقه بحدود 1 ملم - 1.5 ملم
اذا زاد عن هذا المقاس ممكن تتآكل الصوفه الجديده

طبعا اللى يحسب المقاس المناسب هو فنى المخرطه
بعد حساب القطعه القديمه كم ممكن يكون المقدار السابق ويضيف عليه
1 ملم او زيادة 1.5 ملم



صوره اخرى
http://www.mekshat.com/pix/upload03/images125/mk32037_w3.jpg

http://www.mekshat.com/pix/upload03/images125/mk32037_e20.jpg

لكن حاول تتأكد انه لا يوجد عندك ميول في عمود الدوران او رجه
لانها من اسباب تهريب الصوفه

انا مرت علي نفس مشكلتك غيرت الصوفه 3 مرات
والحمد لله ،، الله الهمنى بأن السبب هو نفس كلامى فوق

طبعا كلفنى شغل المخرطه للفلنجه اعتقد 50 ريال فقط
وانا اللى ركبتها

ممكن تستفيد من موضوعى هذا

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302) ‏

لا تحرمنا من خالص دعائك
بالتوفيق عزيزي :good:
ابوالشيهانه.
31/05/2010, 03:32 PM
الله يجزاكم خير الجميع ويعطيكم العافيه