سبيطي......وينك يا (((كنعد)))

[ابو فاد]

السلام عليكم ورحمه الله وبركاته

الا حبيت استفسر عن
طريقه شكه الطعم الحي الى السبيطي(((مهما كان نوع الجيمه)))
********************************
والسوال الثاني : للارساليات......
السبيطي عاده يكون قريب من السيف اقلمن 100 متر من السيف ولا ابعد من 100 متر
ان شاء الله فهمتو قصدي........
*******************************
اخيرا وين افضل طعم باترتيب للسبيطي (((عنبو ولا قعد اسوي بحث عن السبيطي ههههه:D )))
السلس او الميد((العربي )) او المنكوس ((المنجوس))
******************************
واسمحو لنا على الاطاله.......ترى مالنا غناتن عنكم.....في امان الله

[صياد مبتداء]

الــســلام عــلــيـــكـــم



مــســـيـــك بــلــخـــيـــر أخـــوي



الــســبــــيـــطـــي : الــطــعـــم حــقـــة نــصــف مـــيـــده تــشــكـــهـــا والــمــيــدار 8 ..

أو أذا حــصــلــت لــك مــيـــد صـــغـــيــــر حــلـــو حـــلــــو .;) .

وفـــالـــك الــســـبـــيــــطــــي .:good2: .

[نمط]

عليكم السلام ورحمة الله وبركاته

انا اشوف ان لسبيطي لكل وقته له جيمة مفضلة
ولسبيطي الموسمي صيده جداً سهل وعادة يضرب على اكثر الجيمة
لكن المستوطن عادةً يكون حذر بزيادة وصيده من نفس مرعاه افضل

لسبيطي يرعى في الأماكن الضحلة عادةً , والرملية غالباً , وهالأوقات هذي يكثر سمك المنجوس عندنا
وحنا نصيده بهالأوقات بالمنجوس افضل من الميد , والسلس يفضل تقطيعه
المنجوس في هالوقت اعتقد انه درجة اولى
حنا نحدق وبعد صلاة الفجر تجي اسراب منجوس , نصيده بالسالية ونحدق
ولاسبوع اللي طاف صدنا اثنين سبيطية بالمنجوس

واذا جا لسبيطي سرب فيكون سهل صيده

وبخصوص بعده او قربه عن السيف فهو يعتمد على مكان مرعاه وهدوء المكان
حنا شفنا سرب لسبيطي يبعد عنا حول 30 متر بس

اختار سيفة هادئة وقليل الناس تزاورها وتسبح فيها وان شاء الله بتلقاه
هو يتجنب مواقع الضجة

وهو يرعى في ماية ارتفاع الركبة احياناً , كنا في منيفة نصيده في هالغزار للركبة تقريباً

وسوي له ركة طويلة وخلي البلد خراري , ولو كنت تقدر توصل اللعفة لبعيد سماري فبيكون افضل

خيط المنجوسة تخييط
واذا كان قريب لسبيطي فاغرز المنجوسة من طرف عينها اذا كان ودك تحدق بلعف حي

الميد طيب بعد , بس الافضل الميد الصغير للسبيطي , بحجم الاصبع
المصران زينة للسبيطي
والخبز برضو ممتاز

الآن المنجوس اسراب تلقاها الصباح على السيف
وانا اشوف انه افضله

[ابو فاد]

الــســلام عــلــيـــكـــم





مــســـيـــك بــلــخـــيـــر أخـــوي




الــســبــــيـــطـــي : الــطــعـــم حــقـــة نــصــف مـــيـــده تــشــكـــهـــا والــمــيــدار 8 ..


أو أذا حــصــلــت لــك مــيـــد صـــغـــيــــر حــلـــو حـــلــــو .;) .



وفـــالـــك الــســـبـــيــــطــــي .:good2: .

تسلم اخي على المعلومات القيمه
.......ز

[ابو فاد]

عليكم السلام ورحمة الله وبركاته

انا اشوف ان لسبيطي لكل وقته له جيمة مفضلة
ولسبيطي الموسمي صيده جداً سهل وعادة يضرب على اكثر الجيمة
لكن المستوطن عادةً يكون حذر بزيادة وصيده من نفس مرعاه افضل

لسبيطي يرعى في الأماكن الضحلة عادةً , والرملية غالباً , وهالأوقات هذي يكثر سمك المنجوس عندنا
وحنا نصيده بهالأوقات بالمنجوس افضل من الميد , والسلس يفضل تقطيعه
المنجوس في هالوقت اعتقد انه درجة اولى
حنا نحدق وبعد صلاة الفجر تجي اسراب منجوس , نصيده بالسالية ونحدق
ولاسبوع اللي طاف صدنا اثنين سبيطية بالمنجوس

واذا جا لسبيطي سرب فيكون سهل صيده

وبخصوص بعده او قربه عن السيف فهو يعتمد على مكان مرعاه وهدوء المكان
حنا شفنا سرب لسبيطي يبعد عنا حول 30 متر بس

اختار سيفة هادئة وقليل الناس تزاورها وتسبح فيها وان شاء الله بتلقاه
هو يتجنب مواقع الضجة

وهو يرعى في ماية ارتفاع الركبة احياناً , كنا في منيفة نصيده في هالغزار للركبة تقريباً

وسوي له ركة طويلة وخلي البلد خراري , ولو كنت تقدر توصل اللعفة لبعيد سماري فبيكون افضل

خيط المنجوسة تخييط
واذا كان قريب لسبيطي فاغرز المنجوسة من طرف عينها اذا كان ودك تحدق بلعف حي

الميد طيب بعد , بس الافضل الميد الصغير للسبيطي , بحجم الاصبع
المصران زينة للسبيطي
والخبز برضو ممتاز

الآن المنجوس اسراب تلقاها الصباح على السيف
وانا اشوف انه افضله

ما ادري كيف اشكرك ......
وصلت لي معلوماااات مره ماهي موجوده عندي****
************************
بانسبه للمنكووس ياكثره على الاسياف......
والمكان الهادي ما فيه مشكله
بس المشكله كيف اشك المنجوس والميد عاده ((نفس شكه الاخ كنعد للسلس ولا تختلف)))
واخيرا رحم الله والديك على التفاااعل السريع.....(((وان شاء الله قريب ونجي نصيد في بحركم -الناصره-)))
في امان الله

[amam977]

أشكرك يا ابو فاد على السؤال..وبيض الله وجهك يا نمط على الإجابة الدسمة الرائعة...تحياتي

[كنعد]

بنسبة للمنكوس كيف طريقة شكة سهل جداً ,, ركز بلآتي:
الخطوة الاولى.
تاخذ خيط مقاس 50 طولة متر ونص وتركب علية ميدار رقم 10


والخطوة الثانية .
تدخل الابرة من فم المنكوس وتطلعها من ذيل المنكوس , ويصير الميدار طالع من فم المنكوس

زي كذا

حاول تخفي الميدار اشوي لان المنكوس راسة ينكسر بسرعة زي الربيان والسبيطي اسنانة قوية يعني لو اخفيتة ما عندك مشاكل السبيطي يفجر راسة ويحصل الميدار في بطنة وتروح علية


ان شالله الصورة واضحة انا اسف سويتها على السريع وماعندي وقت اصور وسويها عملي

بس ان شالله قريب



http://www.mekshat.com/pix/upload04/images168/mk84458_1.jpg

[عا سبيل بر]

وعليكم السلام ورحمة الله وبركاته

أنا بس عندي سؤال:

وش حكم تعذيب( العتزير ) السمك وهو حي بحجة الصيد ؟

" أتمنى أن تكون الفكرة وصلت "

تحياتي ،،،

[sa_1899]

وعليكم السلام ورحمة الله وبركاته


أنا بس عندي سؤال:


وش حكم تعذيب( العتزير ) السمك وهو حي بحجة الصيد ؟


" أتمنى أن تكون الفكرة وصلت "



تحياتي ،،،


نفس سؤالي .. خصوصاً اللعفه الحيه لما تشبكها في السناره

والله تألمت من المنظر

[مشاغب السقالة]

بارك الله فيكم
معلومات جديدة وشكرا للسؤال اللذى اوضح لنا الكثير من التساؤلات
تقبلوا مرورى

[accentkool]

صيدة بالمنجوس والميد الصغير جدا
ويتواجد بالقرب من السيف
ويبيلة صبر اصبر علية

[alqamr]

والله اخواني انا من وجه نظري لا افضل استخدام طعم الحي !!!
بدائل موجوده وكثير ولله الحمد على سبيل الفاح ممتاز للسبيطي
هنا صور جمعتها من النت تاكد كلامي :)


http://www.garooh.com/db/data/media/80/DSC00836.JPG




http://www.garooh.com/db/data/media/49/DSC05408_2.JPG

[كاسر الجروح]

يمه يسبيطي متى اصيدك

[pateeka]

السلام عليكم

والله ياغالي حنا اخر مره صدنا السبيطي من فتره قصيره والطعم حبار اللي يسميه البعض خثاق

بالنسبه لي اكثر اماكن نقدر نصيد السبيطي في الاماكن الضحله ولو اقول لك ان اكثر اماكن نصيد فيها السبيطي وباحجام حلوه ماتتعدى عمقها الـ 80 سم سبحان الله اتعجب من هذا النوع من السمك وكيف يحب الاماكن هذه

وبالتوفيق ياغالي

[RC-50]

تبي علاج السبيطي عندك الحاسوم مايقاومه ولايقدر يخليه لما يشوفه وعندك الشريب الابيض تلقاه على السيف الساحل يحفر وتلقا حفره في كل مكان على الساحل صيده واخذ منه عضاعضه الايدين فقط وبلد خراري وميدا 7 وخيط 45 او خمسين ابيض اهم شي الون ابيض وادعيلي