خالد الوقيت
30/05/2010, 05:41 PM
طخفة والغيم
http://www.alrassxp.com/uploaded5/27263/91271565437.jpg
يازين طخفه لاكسى جوّها الغيم=وذعذع عليك اعصير منها البرادي
وانت امتمركي شرقي الجرف واتهيم=بالمنظر اللي من جماله ينادي
في سهلةٍ عقب السيول المعاريم=ألين من السجّاد صنع الأيادي
لحظات لو ودّك تحبك المناظيم=في وصفها قصّرت دون المرادي
احسب لها من ست قبل المعاتيم=الى الفجر والجوّ رايق وهادي
خصٍّ وفي مجلسك نقوة شغاميم=ربعٍ غلاهم ساكنٍ بالفؤادي
لا جيتهم تلقى معزّه و تكريم=وكيفٍ مراكينه بجال الرمادي
وسوالفٍ يشفق عليها المضاريم=منقيةٍ لّك مثل تمر النقادي
سجّة عمر ولاّ الليالي مجاهيم=مرّه تسرّ ومرتينٍ نكادي
لو جيت ابذكر بالسنين المقاديم =أعدادهن مازوّدن بالعدادي
لكنّ تكياتي ورا روضة خريم=مازالت اتطّوّف علي برقادي
يوم الزهر بمفتّحات المكاميم=يغري بياضه ما طغى من سوادي
ما داجه الطرقي ولا حافه امقيم=بِكرٍ جماله كل الاحيان بادي
عنيت له والقلب شفقان وامحيم=حاديه من همّه على البعد حادي
لو طوّل المسرى ونام المناديم=لا جيتها بتقول مامرّ عادي
من قصرها راحت سواة الهذاريم=ولاّ السراب اللي زمى بالحمادي
راحت وخلّت لي بقايا تلاويم=أهيم معها اليوم في كل وادي
واقول ياربي عليك التراحيم=من سوجتي رجلي على غير قادي
خالد الوقيت
http://www.alrassxp.com/uploaded5/27263/91271565437.jpg
يازين طخفه لاكسى جوّها الغيم=وذعذع عليك اعصير منها البرادي
وانت امتمركي شرقي الجرف واتهيم=بالمنظر اللي من جماله ينادي
في سهلةٍ عقب السيول المعاريم=ألين من السجّاد صنع الأيادي
لحظات لو ودّك تحبك المناظيم=في وصفها قصّرت دون المرادي
احسب لها من ست قبل المعاتيم=الى الفجر والجوّ رايق وهادي
خصٍّ وفي مجلسك نقوة شغاميم=ربعٍ غلاهم ساكنٍ بالفؤادي
لا جيتهم تلقى معزّه و تكريم=وكيفٍ مراكينه بجال الرمادي
وسوالفٍ يشفق عليها المضاريم=منقيةٍ لّك مثل تمر النقادي
سجّة عمر ولاّ الليالي مجاهيم=مرّه تسرّ ومرتينٍ نكادي
لو جيت ابذكر بالسنين المقاديم =أعدادهن مازوّدن بالعدادي
لكنّ تكياتي ورا روضة خريم=مازالت اتطّوّف علي برقادي
يوم الزهر بمفتّحات المكاميم=يغري بياضه ما طغى من سوادي
ما داجه الطرقي ولا حافه امقيم=بِكرٍ جماله كل الاحيان بادي
عنيت له والقلب شفقان وامحيم=حاديه من همّه على البعد حادي
لو طوّل المسرى ونام المناديم=لا جيتها بتقول مامرّ عادي
من قصرها راحت سواة الهذاريم=ولاّ السراب اللي زمى بالحمادي
راحت وخلّت لي بقايا تلاويم=أهيم معها اليوم في كل وادي
واقول ياربي عليك التراحيم=من سوجتي رجلي على غير قادي
خالد الوقيت