اخواني اصحاب الفتكات .... وسوبر فتك لاتبخلون علينا بمروركم

[راع الجيب2002]

السلام عليكم ورحمة الله وبركاته



اخواني


انا بصراحة عانيت من ارتفاع حرارة موتري الجيب وامتلى الاديتر بالهواء الكثير علما باني صيخت الاديتر ومركب ماء الالماني فيه ولاتغير شي وساعة الحرارة سليمه والبلف سليم والراس سليم وتوماتيك المروحة سليم واحترت والوكالة يقولون غير الاديتر هو السبب في ذلك ولا ادري والاديتر غالي وسعره 1500 ريال والحرارة ترتفع بمجرد تشيغلي للسيارة وتكون فوق الخط وقبل الربع بقليل حتى مع المكييف سوا ليلا او نهارا ولا ادري وش العلة واذا مشيت عليه خط تنزل بس قليل يعني تكون على حد الخط الثاني بقليل والمعروف عن النيسان حرارته ماتطلع وتكون على الخط بالزبط ...



ابي مساعدتكم وتجاربكم الله لايهينكم

[tiger0018]

شيك على غطى الرديتر انشاء الله يكون منه ولايكلف شي ركب اصلي وعلمنا وش يصير

[العابر2222]

أخوي انا معاااي فتك فحصته عند البريدي قبل فتررة

قالي المكانيكي الأديتر مصيخ لازم تغيييرة

قلت الحرارة طبيعية وكل شي طبيعي يعني ما فيه ملاحظااات

قال يخوي اديتر الفتك ما يصيخ يغييير فقط

والله مدري اغير ولا لا على ان الموتر طبيعي جداً

[ابوالشيهانه.]

اخوي راعي الجيب2002
انا عندي الفتك 2003 الحراره قبل الصيف على الخط الثاني ثابته وبدايت الصيف تعدت الربع بشوي يعني الخط الثاني وزياده بسيطه والا اشوف فيه شي اخليه واقف وهو يشتغل مع المكيف والحراره بعد الخط الثاني بشوي ثابته

[سوبر2005]

هلابك اخوي راع الجيب
بس اخوي اعتقد انها طبيعيه مافيه شي الى الربع مافيه مشكله
وانا اقول شيك على بلف الرديتر يمكن معلق معك وترى سعره رخيص لو تركب جديد
اعتقد انها 50 ريال او حولها
انا صارت معي ارتفاع بالحرارة وغيرت الطبه حقت الرديتر وسيخته وغيرت تماتيك المروحه وغيرت البلف حق الرديتر والحمدالله الموتر تمام
الله يستر عليك اخوي اتمنى اني افدتك وانتظر الاخوان يفيدونك اكثر واكثر

[راع الجيب2002]

الله لايهينكم ياخوان

بس المشكلة خرطوش الرديتر يمتلي بالهواء زيااااااده

وثاني شي حتى بالليل حرارته ترتفع فوق الخط الثاني ارتفاع ملحوظ

[صباح القايله]

أخوي انا معاااي فتك فحصته عند البريدي قبل فتررة

قالي المكانيكي الأديتر مصيخ لازم تغيييرة

قلت الحرارة طبيعية وكل شي طبيعي يعني ما فيه ملاحظااات

قال يخوي اديتر الفتك ما يصيخ يغييير فقط

والله مدري اغير ولا لا على ان الموتر طبيعي جداً
يصيخ ولا عندك مشكله
اعرف وحد مصيخه مرتين وتمام
بعدين دام مافيه مشكله لا تغير شي
حرك تبلش

[راع الجيب2002]

المشكلة ياخوان مازالت قاائمة


وابي فزعتكم والله انه مشغلني ليل نهاار




الاخوان ماقصروا اللي شاركوا بس وين البقية




حتى قبل شوي الساعة 11.20م الحرارة فوق الخط الثاني بشي ملحوظ

[4*4]

انا انصحك لوجه الله
كل شي في العالم يسوونه البشر يساهم في نزول الحراره سويته
اجدع رديترك وارتح مافيه اي حل غير هذا ابد ابد ابد والخرطوش ينتفخ من الحراره طبيعي لان الماء الحار بيولد بخار <<< معك نيوتن على غفله

وتراه 1200 مايوصل 1500 كان موترك فتك
الي اقل من فتك قد شريته بــ 980
وانت على العموم حاول والله يوفقك ويسددك

[راع الجيب2002]

صيخت الارديتر ولا استفدت شي





الحال هو هو


بس ياخوان ممكن يكون من قربة الهواء الوصلة اللي بين فلتر الهواء والبخاخ

[جهام القصيم]

انا انصحك لوجه الله
كل شي في العالم يسوونه البشر يساهم في نزول الحراره سويته
اجدع رديترك وارتح مافيه اي حل غير هذا ابد ابد ابد والخرطوش ينتفخ من الحراره طبيعي لان الماء الحار بيولد بخار <<< معك نيوتن على غفله

وتراه 1200 مايوصل 1500 كان موترك فتك
الي اقل من فتك قد شريته بــ 980
وانت على العموم حاول والله يوفقك ويسددك
كلام سليم 100% إذا سبق تصييخ الاديتر يمكن الفني قام بفكه وتركيبه مرة ثانية بدون أي عمل او تصييخ (الحرمية واجد, والدلوخ من الميكنيكيين واجد) النصيحة غير الاديتر إو رايح بالك احسن من بكرة تحتاج تغيير راس المكينة مع التوضيب 0
مع ملاحظة ان الباترول في الجو الحار والزحمة حرارته تتعدى الخط الثاني لو كان جديد
وفق الله الجميع لكل خير

[هوايتي مكشات]

تاكد من الليات يمكن واحد منكمش