حرارة الباترول مع المكيف وصوت مع ادعس

[الحزين666]

السلام عليكم

حياكم الله يا خواني

كيفكم ان شاء الله بخير

المهم عندي باترول 99 بخاخ

سويت كل شي راس جديد - رديتر جديد قبل 8 شهور - تغيير بعض الخراطيش - غطاء رديتر جديد ماله كم يوم اصلي - وزن البلوف - هدرز كامل والهدرز معروف في تخفيف الحراره - بلف جديد - طرنبه مويه جديد - بواجي جديده - والمكينه نظيفه يعني ما فيها زيوت او شحوم داخل الكبوت يسبب في ارتفاع الحراره - ومراوح سوبارو مركبه عليه

ومع هذا الموتر يحتر وخاصه مع المكيف واذا دعست عليه تنزل الحرار بسرعه واذا فكيت ادعسه ترتفع او ارخيتها بس مجرد اني شبيت عليه بنمره واذا احتر اشم ريحت بنزين خفيفه والموتر يجيه رجفه خفيفه اذا جيت اقومه طبعن اذا صار حار

واذا المكيف شغال ودعست يطلع صوت يمكن في البكرات تقريبا ! وهذي بعد تركيب الهدرز طلع الصوت

ووش رايكم ؟

والمعذره على الطاله

[الحزين666]

up

up

up

[ممدوح 2010]

شف المشكلة والله العالم انها بالرديتر ركب المنيوم او التماتيك حق المروحة

[الحزين666]

يعطيك العافيه يا بيي

ارديتر جديد وكاله وحق الوكاله المنيوم

اما تماتيك المروحه مفكوك ومركب مراوح كهرب

[Magellan]

الصوت من قدام يمكن من الجنزير
وأعتقد بعد هالفك والتغيير وعدم اكتشاف العلة قد يكون المشكلة من حساس الحرارة
لأنه ينزل ويطلع بسرعه
وإذا ماكان منه فأتوقع توضيب المكينة حل
وإن كانت دراهمك شوي زينه فبيعه ودوّر لك على واحد انظف منه ، لأن مع هالشيل والحط تعاف نفسك الموتر

[sarab88]

طيب ياخووي الشكمان عندك زين اللي هي الدبه ترى بعض الحراره تصير من الدبه الشكمان يصير فيه كربون وتتسدد حتى ولو انه جديد فيه ورشه بالرياض بالصناعيه القديمه تراااه حلووووو مره وسعودي بعد وتقبلووووووا مروري

[الحزين666]

يعطيكم العافيه يا شباب

وما قصرتو على مشاركتكم

ولكن تقدر تقول موضب المكينه نص توضيب

والموتر نظيف ما شاء الله وما فيه خلاف الا المشكله هذي

يعني راس المكينه جديد وكاله و تغيير بعض الخراطيش وطرنبة المويه ورديتر جديد

و انا مركب هدرز كامل مع دباته وسطيه و الاخيره ومقاسه مثل الوكاله بس اكبر بربع يعني

الوكاله 2.50 بوصه واللي مركب 2.75 بوصه

ومن ناحية الصوت ما يجي الا مع المكيف بعد تركيب الهدرز

[هويدي]

الصوت اللي يطلع لاشبك المكيف ( ونه زي صوت البكرات )

اغلب السيارات التاليه بهن هالصوت !!

والهرج هذا حسب تجربتي مع السيارات التالية هلي 99 مطلعه وكاله ( هايلكس ) وباترول كلبليتر2001 وحاليا باترول 2006

[الوافي99]

بالنسبه للحراره الماء ينقص وعلى اي مقاس يصير الانبير اذا ارتفعت ؟

اما الرجفه اذا حركت الموتر وهو محتمي فوق خط الربع شوي انا مثلك يصير فيه رجفه وجديده علي مدري ليش! اتوقع من لي الهواء اللي فوق راس المكينه لانه يصير منشق مع الثنيات ولا تشوفه بس ابلفه بشطرطون عريض واجرب

[الحزين666]

حياك الله اخوي الوافي

بنسبه للمويه ما تنقص ولا شي الحمد لله

اما من ناحيت انبري الحرار اذا دعست على الموتر يبدا ينزل واذا فيكت ادعسه يبدا يرقا ويحتر الموتر وتصير الحراره على الربع

ومن ناحية لي الهواء كلها تمام وما فيها شي ومشيك عليها

ومن ناحية ارجفه اذا صار الموتر حار فهو من الحراره اما اذا تصير معك والموتر بارد وحار وكل شي

فهو من الكلتش و الدزق عندك يبيله تغيير

[صالح فهد]

السلام عليكم
صارت نفس المشكله بس انا زياده عليها تتفقع طبات الاديتر والخراطيش
وسبب العله المروحه الاماميه الكهرب الي لها سرعتين شغلها الله بالخير وركبت قلب مروحه سوبارو كبيره وسلك الوتر ولا احلى منه ومشكله التفتفه هذي تصير معي لما اعبي بنزين اخضر اما الاحمر مايسويها

[الوافي99]

الحراره على الربع عاديه جدا .

انا اذا دعست فوق 130 ترتفع فوق خط الربع اربعه ملي تقريبا . والرديتر له سنه ونصف وكاله مشتريه ومركب مراوح سوبارو .وابغير البواجي واحد يقولي غيرهن لانهن لهن سنه ونص

[أبوحمييد]

رجع مروحة البلد وان شاء الله يظبط معك ...

[هاوي طلعات]

السلام عليكم ,,,
أعانك الله على حل هذه المشكلة لكن ودي إنك تجرب وتفك البلف حق الحرارة
وتشوف وش يصير بعدها هل ينضبط أو ما منه فائده