استفسار عن ربط بطن السلق

[راعي إف جي]

الاخوة الكرام

السلام عليكم ورحمة الله وبركاته

بغيت استفسر عن ربط بطن السلق

ماهي الفائدة منه
وهل ينصح به
وهل فيه ضرر أم منفعه للسلق
وفي اي سن يبدأ الربط
وكم مدته
وما هي الطريقة

المعذرة على كثرة الأسئلة لكن ما عندي سابق خبره في موضوع الربط
وودي استفيد من خبرات اهل الخبرة

جزاكم الله خير وشاكر لكم سلفا

[ساهر حايل]

والله ياغالي انا جنيت سلق بس اول مره اسمع بهالسالفه , انشاء الله يفيدونك الاخوااان

[اذكرك]

آنآ شفت وسمعت ..
لكن والله مآجربت ..

وعلى حسب الي سمعته ..

يقـلون ربط خصر السلقه يخليهآ تظمر بالحيل ..

ويكون آتوقع من الست شهور وحولهآ ..

وآنآ مآجربت بس هذآ الي وصلني ..


تحيآتي ..

[هاوي سلق]

وعليكم السلام ورحمة الله وبركاته
اخوي راعي اف جي بالنسبة للربط ماتحتاجه وماراح يفيدك في شي

[قناص العبله]

اخبر هل السلق يربطون بطن السلقه بعد متولد عشان يضمر بطنها ومينزل اما الي مهي والد فلايربط بطنها ابد ولو ربط لن يكون له فائدة ابد

[راصد بيئي]

اخوي

الناس تربط بطن الجراوه عشان لما تكبر يكون البطن ضامر والصدر نازل

وماانصحك انك تجربها لأنها قد تؤثر على أعضاء السلوقي الداخليه مثل الكلى والكبد والحجاب الحاجز
وكما انها تعيق النمو الطبيعي للجرو

اتمنى اكون قدمت لك ماتحتاجه

[راعي الشرفى]

اسمع انا ماقولك شي من عندي بس ترى الربط

يبطئ من سرعة السلوقي وهذا الكلام ماجبته من عندي

[العسكري]

أخي الحبيب ... نعم يربطون الجرو الصغير بعد فطامه أي بعد ولادته بشهر أي بداية أكله للطعام . يربط بطن السلوقي بربطه مريحه دون شد على مقاس خصر الجرو بالضبط على أن يكون بطنه فاضي من الأكل والشرب أي المعده خالية تماما. وتترك مربوطه مع المراقبه دوما أن لا تكون مشدوده أبدا وتوسع الربطه على مقاس بطن الجرو من وقت لأخر لأنه في مرحلة نمو وتزال هذه الربطه في أخر سن ألأربع شهور والهدف منها أن لايطلع للسلوقي بطن من كثرة ألأكل في مراحل نموه ألاشهر ألاولى. ولا أعلم عن فاعليتها .بارك الله فيك.

[ابن برقاء]

اخوي العزيز هاذا كلام ماله داعي السلقه اذا ولدت عليك بالجرد وفيه سلق مالها بطن مره ظهر بس ورديه وفيه سلق الها بطون كنها بطون جعر صواريخ ارض جو اكيد اله مشاكل على اعضاء السلق حتى اخراج الفضلات

[رفيق الأمل]

نصيحه ياخوي اترك هالخرابيط عنك وخلها على خلق الله

[مجنون سلق911]

انا اشوف انها مالها داعي

[ابن الاصيل]

هذي طريقه يخصرون السلق فيها بس منظر ماتنفع

[ولد دبي]

يالغالي يربطون لي الشكل فقط

[ahmed dirar]

اخي هادي عادات قديمه متوارثه والعلم اثبت ان الافايده لها ومن الافضل ترك السلق علي طبيعته

[هاوي السلق797]

صحيح لي خبره فسلق لكن ما قد سمعت ارباط لسلق
وذا تبي تخفف جسمها لا تزود لها كميت الاكل والرز لاتعطيه
تقبل
مروري
اخوك
ابوجراح
هاوي السلق797

[جرح الرمال]

افادوك الأخوان أن شاء الله