تكفون ..المساعدة لاهنتم يالمشاكيل انا بحيرة من آمري وابي فزعتكم

[الكازم]

السلام عليكم ورحمة الله وبركاتة
يا أخوان انا داخل على الله ثم عليكم انتم راعين الأوله لزوم إستشارتكم


كل ما بالأمر قبل شوي طالع من السهره ورايح للبيت احط رأسي لكن شفت
شي صدمني وقلت المكاشيت بعد الله يدلوني على الطريق


معي جيب باترول ما يشتكي ولا يعيبه شي ماشاء الله عليه

لكن وقفت قبل شوي عند الباب ابي اطفي السيارة !!!!!!!! الحرارة واصلة فوق النص وتحت h بشوي

اسولف معي نفسي وش السالفة يا فلان !! طفيت الموتر ثم رجعت شغلته الحرارة باقي له خطوتين وتصفق
الـ h لا لا انا بحلم أكيد طفيته وشغلته مره ثانيه نفس الحكاية !!


خليته يركد أبو نص ساعة وفتحت الرديتر وانواع البخار طلع لكن مافيه ولا نقطة مويه وانا الأسبوع الماضي
معبيه ومعي القربة الأحتياطية بعد مايمدي اختفى !!


المهم جبت مويه وعبيته لين ماقال بس ..ثم جلست شوي وشغلت ولا الحرارة طبيعية !!

علماً اني ما حركت السيارة ولا خطوة وثاني شي ما ارتفع الحرارة الا عند البيت ولا قبلها كانت طبيعية


يا اخوان وش السالفة !! وش علي اسويه بكره اوديه للورشه افحص ايش واخلي ايش

وكيف اعرف ان المكينة سليمة :( ماجاها شي ترى هالسيارة غالية علي ياناس تكفون علموني وش السواة

[سفاري959]

المكينه ان شاء الله ما فيها شي دام الحراره ما وصلت h وانت ما طولت وطفيت اقرب شي يكون عندك تنسيم بسيط في الأديتر اذا انك ما شفت مويه تحت السياره وده حقين الأديترات ويفحصونه لك موفق خير اخوي

[الكازم]

سفاري عسى ربي يوفقك
انا بوديها بعد العصر واشوف الرديتر بس بالحالة هذي
كيف اعرف ان المكينة مافيها شي !!

[سالم11]

لا توسوس ولا يضيق صدرك والسياره ما فيها إلا العافيه

أهم شي شيك على غطا الأديتر ولا تركب إلا أصلي البارح واحد من الربع معه سفاري 2009 وارتفعت الحراره وصار من غطا الاديتر

ماء الأديتر لا تركب إلا اصلي الأخضر

شيك على الخراطيش وتأكد ان ما فيه تهريب في الاديتر

والسفاري اذا طفيت وشغلت على طول طبيعي تصير الحراره فوق النص

وان شاء الله قدامك العافيه والسلامه ولا يضيق صدرك والصيف ترتفع حرارة الأوادم مهوب السيارات

انتبه من الورش ولا توديها لأي ورشه يلعبون عليك واحذر من اليمانيه والبنقاليه والاتراك

انت في الرياض ورشة التركي في الصناعيه القديمه

[سهيل تميم]

مثل ماقال اخوي سالم

ابدأ بأرخص الحلول وهي غطا الرديتر...دايم تصير ان السياره تحتر وتنقص ماء.. وتصير المشكله من غطا الرديتر

[نفود حائل]

بسسسسسسسسسسسسسسسسسسسسسسسيطة

ان شاء الله مثل ماقالولك الاخوان

[الفااهم]

***************
**************

تم حذف الرد
ردك مخالف قوانين وشروط القسم
اذا تكررت منك سيتم ايقاف عضويتك

[ابوخلف الحربي]

شيك على الرديتر..والاهواز يمكن تهريب..وشيك على راس المكينا..وغطاء الرديتر

[عـبـود 911]

يمكن بعد ما عبيته ما سكرت الغطا زين وان كانك متأكد اكيد فيه تنسيم الرديتر تأكد من الرديتر + الخراطيش

[الكازم]

:d خلاص يوكن ماعاد بنسهر مره ثانية

يا اخوان إلحقوا علي رحت اليوم بعد العصر لأكثر من ورشه وأختلفوا حقيقة

واحد فتح غطأ زيت المكينة !! وولع زقارته قاعد يناظر للغطاء قال رأس المكينة
يبي له فك وتضبيط من وجيه وغيره.........الخ

أنا قلت وشلون عرفت !! قال عرفت من الزيت اللي على الغلط فيه مويه ..الخ


طلعت من عنده ورحت لواحد ثاني قلت له الموضوع كذا وكذا ارتفعت حرارته امس
ومريت الورشه وقال لي السالفة سالفة رأس ومدري ايش

قال نصاب .. وحياتك نصاب !! هذا يبي يلهف فلوسك سيارتك مافيها شي توكل على الله !!

رحت لأبو*** قلت له انت الحكم والفصل قال شوف هذي بداية لمشكلة برأس المكينة
وشلون عرف انا اقولكم وشلون فك غطأ الرديتر وصار يصب مويه فيه شوي شوي

امممم مريت على واحد تركي اخبره كويس .. قال لو عندك مشكلة برأس المكينة ما كان
خرطوش الرديتر لين كذا كان يصير قاسي !! سيارتك مافيها شي بس ركب له تومتيك للمروحه


وانا حقيقة تعبت من كلامهم كل واحد يقول لي شكل وللعلم الحرارة طبيعية الحين

وانتم وش رايكم تكفووون فزعتكم

[بدوي جنوبي]

ينقل لقسم الاعطال

[سالم11]

اذا انت ساكن في الرياض الصناعيه القديمه ورشة التركي