،،، موقف طريف أو محرج حصل لك في البر ،،،

[رعد البرديه]

بسم الله الرحمن الرحيم

الأعضاء الكرام

السلام عليكم ورحمة الله وبركاته :)

ألاً مبروك عليكم الأمطار الأخير بفترة المراويح الله يجعلها أمطار خير وبركه كل في ديرته:r

طلعات البر لها متعتها ووناستها مع الأحباب والأصدقاء حتى ولو كنت وحيداً وكثيراً ما تحدث مفاجآت خلال الطلعه سواء طريفه أو محرجه لا قدر الله .. هنا ودنا نوسع الصدر حنا وإياكم وكل واحد يذكر لنا موقف من المواقف اللي حصلت له للإستئناس بها ولأخذ العبره منها لنا ولكم

سأبدأ بذكر موقف حصل لي في أحد طلعات البر رايحين نحطب وبعد الإفطار كل واحد شال فاسه وراح له يم ارطاه أنا شفت ذيك الأرطاه ورحت لها وبديت تكسير فيها لأن الغصون كثيره وماتشوف اللي تحتها يعني الأرطاه مثل القبه لما خلصت من التكسير وقمت أوخر الغصون فجأة طلعت لي حيه مقطوعة الرأس ، أثرها تحت الغصون ومع ضرب الفاس قطعت راسها بالصدفه بعد توفيق الله وقاطعها الفاس من حد راسها بالضبط سبحان الله ومتعشية عشا طيب ( آكلت فار بكبره أعزكم الله )، بعد هالموقف ماعاد اقرب الشجره الا بعد التفتيش المكثف:D

عاد عطونا اللي عندكم من مواقف ،،،،

[دبدوب محبوب]

فكره حلوه يعني تبي تطلع الفضايح

ان شاء الله لي عوده

[السبيعي 503]

موووضوع جيد ولي رجعة

[سد الحريق...]

مشكوووووووور على الموضوع

[الحريقي..]

موووضوع جيد
وانت يا سد الحريق في كل محل هههههههههههههههههههه
لي رجعه ولي وقفات مع السيول والجيب والدباب الي طيرهم السيل

[ساحووق]

موضوع رائع وطريف بنفس الوووقت

لاهنت يالذيب

[رعد البرديه]

دبدوب محبوب

السبيعي 503

سد الحريق

الحريقي

راع المصاغير

مشرفين يالربع والله يحييكم وباقي الربع ...

[وضحى البراري]

ههههههههههههههههه رهيب شكلك لشتغلت ماعاد تشوف الى قدامك هههههه

[سلطان تميم]

صراحه موضوع جميل

[سحاب مكة]

هههههه
مشكور يالغالي على الموضوع

[ابو شرير]

انتبه المره الجاية ههههههههههههههههههه

[رعد البرديه]

الظاهر اني ابا اقلب هالموضوع مدونه لي لأن كل من مر هنا قال الموضوع جميل ، صراحه موضوع جيد ، فكره جيده ..الخ ، ثم يحط رجله برى ، لكن ماعليه خوذوا هالموقف بعد مره رحت احطب انا وواحد من الربع وآخذين العزبه شلناها بعجله ويوم وصلنا هناك وصلحنا القرص وفاح شاهينا اثرنا ناسين البيالات :eek: ويقوم خويي يسبني :( والا معنا طاسه صغيره ويقوم يتقهوى فيها خويي وأنا أفك غطاء الجركل حق الماء وأقوم أتقهوى فيه :D هههههههه ومشت على كل حال .. عاد انتبهوا تنسون شي اذا طلعتوا ..


بيني وبينكم دبل كبدي رفيقي يوم قام يسب بغيت أقوم أحوس اللي جابه :D الأخلاق دمار ;)

[ام الزين]

كلن كنه مااااصار له موقف ,,,,يخوان كلنا صارت لنا مواقف فالبر ,,,,عاد انا يوم طلعنا وتمشينا في الارض والربيع ولقينا مكان خيال,,عائلي مية بالمية,,,نزلنا عزبتنا ,,,يمار ناقصة اهم شي ,,,مااخذت ولاقطرة ماء,,,هااااااااهاااااه.......

[عشق التميز]

الظاهر اني ابا اقلب هالموضوع مدونه لي لأن كل من مر هنا قال الموضوع جميل ، صراحه موضوع جيد ، فكره جيده ..الخ ، ثم يحط رجله برى ، لكن ماعليه خوذوا هالموقف بعد مره رحت احطب انا وواحد من الربع وآخذين العزبه شلناها بعجله ويوم وصلنا هناك وصلحنا القرص وفاح شاهينا اثرنا ناسين البيالات :eek: ويقوم خويي يسبني :( والا معنا طاسه صغيره ويقوم يتقهوى فيها خويي وأنا أفك غطاء الجركل حق الماء وأقوم أتقهوى فيه :D هههههههه ومشت على كل حال .. عاد انتبهوا تنسون شي اذا طلعتوا ..




بيني وبينكم دبل كبدي رفيقي يوم قام يسب بغيت أقوم أحوس اللي جابه :D الأخلاق دمار ;)



ههههههههههههههههههههههه لا تكون طاسة السيارة :D :D

[رعد البرديه]

كلن كنه مااااصار له موقف ,,,,يخوان كلنا صارت لنا مواقف فالبر ,,,,عاد انا يوم طلعنا وتمشينا في الارض والربيع ولقينا مكان خيال,,عائلي مية بالمية,,,نزلنا عزبتنا ,,,يمار ناقصة اهم شي ,,,مااخذت ولاقطرة ماء,,,هااااااااهاااااه.......

مشكور يام الزين على المرور ، وشيل الماء ضروري خصوصاً في طلعات البر يقول المثل ( شيل الماء على الماء حزابه )

[رعد البرديه]

ههههههههههههههههههههههه لا تكون طاسة السيارة :D :D


عند الضروره لا مانع من استخدام المذكور أطعم شوي للقهوه :D

مشكور ياعشق التميز على مرورك

[راعى شاهين]

مره من المرات ياخوى رعد برديه ولايهونون الربع لقيت فقعه بس صراحه فقاعتها كبر الطاسه الى فوق رحت للوالده ابيها تشوفها رحمها الله المهم بعداقناع ذهبت معى لكى تشوف الفقعه يتبع الحلقه القادمه انتظرونا لاتذهبوا بعيدا

[زهرة الكادي]

السلام عليكم
المواقف واجد وهذا واحد منها
مرة من المرات قلت لربعي بنظهر للبر وانا اصغرهم سن قلت الدشن عندي واضف القش وكان فيه تالي مزهب طحين في غرفة عند باب البيت يعني ابضفه معي على الطاير وأناعجل-- أثر الوالد الله يعافيه كان يزين في الغرفة وجايب له جص
، قام ودخل مزهب الطحين داخل البيت وحط تالي كيس الجص اللي كان يشتغل فيه ---- انا ما فكرت --- خذت المزهب ومشيت --- وفي البر -- خذ واحد من الربع االكيس ويقرب البادية توها جديدة ويحط بها الطحين ( الجص ) وهو بعد خدش( بكسر الدال ) -- ويعجن ويشكي لنا من حرارة الطحين يقول أعجن ويحترالطحين في يدي وشفية ---وماوقف من العجن--- الا وهو يابس على يديه والبادية يبس فيها --- توها مشرية --- عرفنا عاد المشكلة ونبي نخلص ذا الجص منذا البادية اللي تلق وناشب --وندق بها نبيه يطيح --المهم صارت البادية كنها قوطي ببسي موطي --القصة لها 25 سنة . وسلامتكم

[رعد البرديه]

السلام عليكم
المواقف واجد وهذا واحد منها
مرة من المرات قلت لربعي بنظهر للبر وانا اصغرهم سن قلت الدشن عندي واضف القش وكان فيه تالي مزهب طحين في غرفة عند باب البيت يعني ابضفه معي على الطاير وأناعجل-- أثر الوالد الله يعافيه كان يزين في الغرفة وجايب له جص
، قام ودخل مزهب الطحين داخل البيت وحط تالي كيس الجص اللي كان يشتغل فيه ---- انا ما فكرت --- خذت المزهب ومشيت --- وفي البر -- خذ واحد من الربع االكيس ويقرب البادية توها جديدة ويحط بها الطحين ( الجص ) وهو بعد خدش( بكسر الدال ) -- ويعجن ويشكي لنا من حرارة الطحين يقول أعجن ويحترالطحين في يدي وشفية ---وماوقف من العجن--- الا وهو يابس على يديه والبادية يبس فيها --- توها مشرية --- عرفنا عاد المشكلة ونبي نخلص ذا الجص منذا البادية اللي تلق وناشب --وندق بها نبيه يطيح --المهم صارت البادية كنها قوطي ببسي موطي --القصة لها 25 سنة . وسلامتكم





والله مقلب محترم :D ودك تحطه لبعض اخوياك :good:

ومن باب الشئ بالشئ يذكر ( موقف لا دخل له بالبر ) اذكر مره تونا صغار وقايمين هالظهريه ما ننام مثل الشياطين :D وطرى على بالي أصلح عصير برتقال ، جبت ماء وحطيت عليه شوي سكر وحركته شوي في ذيك اللحظه مادريت الا الوالد جاي توه قايم لصلاة العصر وقام يهاوش ليش مانمتوا يا .... المهم شاف الطاسه فيها ماء أخذها يبي يتوضأ للصلاة :D حنا بلشنا قلنا يبي يجي هوش صج هالمره ويذبحنا الضحك مادرينا الا الهواش وش انتم حاطين يا .... وحنا دوس برا البيت :) .........

عاد انت يازهرة الكادي عزالله انك جبتلهم طحين ما ينسونه أبد :D :good:

مشكور اخوي على مرورك .. تحياتي

[الحريقي..]

وين المواقف يالله عجلو
انا مرة من المرات جاي بالجيب مسرع ايام السيول انا وواحد من الربع يقول خويي ارفق اقول السيل بيحدنا يقول لا فيه طريق ثاني اقول ماعليه ونا مسررررع مره ومادريت الا خويي يقول انتبه الرجاجيل في السيل وامسك فرامل ولا امداني وارجع القير برابع ثم ثالث الا ونا في وسط السيل وطشمنا عليهم واعود ازيد السرعه الا السيل الثاني يقطع الشارع ولا امداني اوقف الا في نصه ويطفى الجيب ويجي الدفاع المدني يطلعنا وخويي يضحك علي يقول اقولك ارفق تقول ماعليه ويجي راعي هايلكس ونقول ميده لاتجي يقول خفيف ويقطع يوم وصل الجيب ويطفى ويروح الدفاع المدني يطلعه ويطير الهايلكس وماطلعناه الا اليوم الثاني والجيب جى وايت الدفاع المدني وسحبناه وسلامتكم ...

اما السالفه الثانيه الدباب ابو كفرتين ابو هنود الكبير طبلونه 160واروح يم مكان الجيب اليوم الثاني بس السيل صار اقوى من اليوم الاول وامشي بالدباب لين السيل مايوصل الا نص الكفرات وامشي والسيل يزيد الين عطى الدباب كامل وانزل من الدباب والسيل قوي يوصل بطني وامشي واناظر الدباب لين اختفى مره مايطبع الا المرايات الي في الدركسون ودخل مزرعة يوم جاء اليوم الثاني واروح للمزرعة والقى سوداني واسئله اقول ماشفت دباب والا يقول هاذا الدباب وراء الجدار واخذه واوديه البيت وافككه قطعه قطعه وانظفه وارجع كلش مثل اول واشغله واشتغل والحمد لله على كل شي

[بن جعيثن]

موضوع ممتاز يحكي لي عوده

[رعد البرديه]

وين المواقف يالله عجلو
انا مرة من المرات جاي بالجيب مسرع ايام السيول انا وواحد من الربع يقول خويي ارفق اقول السيل بيحدنا يقول لا فيه طريق ثاني اقول ماعليه ونا مسررررع مره ومادريت الا خويي يقول انتبه الرجاجيل في السيل وامسك فرامل ولا امداني وارجع القير برابع ثم ثالث الا ونا في وسط السيل وطشمنا عليهم واعود ازيد السرعه الا السيل الثاني يقطع الشارع ولا امداني اوقف الا في نصه ويطفى الجيب ويجي الدفاع المدني يطلعنا وخويي يضحك علي يقول اقولك ارفق تقول ماعليه ويجي راعي هايلكس ونقول ميده لاتجي يقول خفيف ويقطع يوم وصل الجيب ويطفى ويروح الدفاع المدني يطلعه ويطير الهايلكس وماطلعناه الا اليوم الثاني والجيب جى وايت الدفاع المدني وسحبناه وسلامتكم ...

اما السالفه الثانيه الدباب ابو كفرتين ابو هنود الكبير طبلونه 160واروح يم مكان الجيب اليوم الثاني بس السيل صار اقوى من اليوم الاول وامشي بالدباب لين السيل مايوصل الا نص الكفرات وامشي والسيل يزيد الين عطى الدباب كامل وانزل من الدباب والسيل قوي يوصل بطني وامشي واناظر الدباب لين اختفى مره مايطبع الا المرايات الي في الدركسون ودخل مزرعة يوم جاء اليوم الثاني واروح للمزرعة والقى سوداني واسئله اقول ماشفت دباب والا يقول هاذا الدباب وراء الجدار واخذه واوديه البيت وافككه قطعه قطعه وانظفه وارجع كلش مثل اول واشغله واشتغل والحمد لله على كل شي


وانت سالم يالحريقي وهذي ضريبة التهور بالسيول انت وراع الهايلوكس يقولون ( كل طخه بتعلومه ) :D .

صراحه سالفة الدباب مضحكه ذكرتني ببعض أفلام كرتون ههههه ودي اني شايفك انت ودبابك يوم قام يختفي ، شكل فيه ناس عند السيل وانت انزرقت تبي توريهم الشجاعه ههههه .

حياك الله يالحريقي وسلمك ربي من كل شر .. تحياتي ،،،

[رعد البرديه]

طيب خوذوا هالموقف العام الماضي كنا اربع سيارات نتمشى ورى بعض تطعيس ونبث ومساقط ... وغيرذلك من الهبال هههه ، المهم قدامنا هكالطعس طلعناه وواحد من الربع عجز يطلع سيارته هايلوكس قديمه شوي ( ماعليش ياراع الهايلوكس ) حاول مره مرتين ثلاث قلنا له رح من ورى الطعس ودور لك درب وتعال يمنا ؛ المهم راح الرجال وطريقه في خطوط سيارات . احتريناه احتريناه الرجال ابطا والمسافه ما تستاهل كل هالوقت ، قلنا نبي نعدي نشوفه ، يوم طلعنا والا ماهنا أحد قلنا الرجال أكيد ضاع ونقوم نمشي مع الخط شوي يوم تبينا والا مانشوف الا زول الهايلوكس يوم هف من ورى هكالعرج ، ودعس ودعس وراه :D كل ماطلعنا والا ما نشوفه الرجال ملحم رجله على البانزين ههههه يحسبنا قدامه وحنا نطرده من ورا المهم عجزنا نلحقه ، اللي لاحقه انا لحالي العيال قعدوا يحترون انا شككت قلت يمكن ماهوب هو يمكن اطرد واحد ماهوب خوينا وارجع للعيال واعلمهم ، قالوا لا هو هو الحقه ومير نمشي جميعا وراه يوم وصلنا منطقة أبراج ونتصل عليه ومير يرد ويقوم يلعن بعد من زين وجهه هالدبشه هههه ويلعن بعد ، المهم يقول انكم يوم قلتوا لي رح من ورا الطعس شفت لي موتر يشبه موترك واحسب انه انتم ومشيت وراهم .... انتهت وسلامتكم :) عاد تنبهوا من مثل هالخويا :D

[سد الغابة]

موقفي هو إن عمري كان حول 12 سنة و كاشت مع الوالد رحمه الله و أصحابه في نفود ، و كنت أتمشى لحالي و فجأة ما دريت إلا و أنا طايح ـ إنهار الرمل تحتي ـ و لا باين إلا راسي ( أظنه جحر أرانب ) و خلال ما كنت أحاول الفكة من هالحفرة جاني أحد أصحاب الوالد و بدأ يهاوش يا.... يا .... يا .... ،ما تخاف إن هذا جحر ... و كان يمشي بسرعة جايني يبغى يضربني و هو يضن إني لقيت هالحفرة و جلست فيها ( مستانس )! ، و ما أن اقترب مني حتى خفس به مثل ما خفس بي و صار مقابلني ، و يوم هدأت العجة جلست أضحك عليه من كل قلبي ، و هو بعد ضحك لكن على استحياء !! رحمه الله

[رعد البرديه]

موقفي هو إن عمري كان حول 12 سنة و كاشت مع الوالد رحمه الله و أصحابه في نفود ، و كنت أتمشى لحالي و فجأة ما دريت إلا و أنا طايح ـ إنهار الرمل تحتي ـ و لا باين إلا راسي ( أظنه جحر أرانب ) و خلال ما كنت أحاول الفكة من هالحفرة جاني أحد أصحاب الوالد و بدأ يهاوش يا.... يا .... يا .... ،ما تخاف إن هذا جحر ... و كان يمشي بسرعة جايني يبغى يضربني و هو يضن إني لقيت هالحفرة و جلست فيها ( مستانس )! ، و ما أن اقترب مني حتى خفس به مثل ما خفس بي و صار مقابلني ، و يوم هدأت العجة جلست أضحك عليه من كل قلبي ، و هو بعد ضحك لكن على استحياء !! رحمه الله


شكله حمقي خوي ابوك ذا لكن الله رحم موقفك ونصرك أمام عينيك وخلاه يغبر له شوي هههه

مشكور اخوي أسد الغابه وأسعدني مرورك ونورت الصفحه

[بلقيس]

أكثر مواقف الكشتات لما تنزلون العزبه وتكتشفون إنكم ناسين الملح أو الشاي أو السكين
أو شنطة العزبه كلها ماحدا حطها بالسياره كانوا كل وآحد متكل على الثاني >> تطلعون تراعون بالوجيه وترجعون :mad:

مــوضوعك شيق
باركـ الله فيكـ

[سد الغابة]

منورة بوجودك أخوي رعد البردية ... و يعطيك العافية على الموضوع

[رعد البرديه]

أكثر مواقف الكشتات لما تنزلون العزبه وتكتشفون إنكم ناسين الملح أو الشاي أو السكين
أو شنطة العزبه كلها ماحدا حطها بالسياره كانوا كل وآحد متكل على الثاني >> تطلعون تراعون بالوجيه وترجعون :mad:


مــوضوعك شيق

باركـ الله فيكـ




أهلاً بلقيس حياك الله ، ولا تنسين الكبريت أو الولاعه هي اللي دايم تنسى ، بس الظاهر فيه ناس يولعون نارهم بواسطة البطاريه بس ما أدري وش الطريقه بالضبط .

شكراً بلقيس لمرورك وتحياتي لك

[مفتاح14]

يعطيك العافيه

[ftc]

مره من المرات قبل كم سنه طلعنا مع الاخوياء الى البر متجهين إلى الصمان
مشينا في الليل مرينا على بعض الاخوياء في بيوتهم لحمل الفراش وغيره
وتوكلنا على الله اقبلنا على شويه في الليل قلنا خلنا نريح في الليل قبل لاندخل الصمان نزلنا الفرااش ورقدنا
يوم اذن الفجر قمنا وتوضينا وصلينا الفجر قلت لخوي الصغير جب عزب القهوه راح إلى السياره
يدور يدور قلت اخلص قال مالقيت شي معي ناس اول مره اطلع معهم كنه صافقني على وجهي
قلت ميد اخوياي مشينا الى شويه ناخذ النواقص قالو مشينا مادرو ان العزبه ناسيها
رحنا الى شويه واشتري البريق الشاهي والقهوه والهيل والتمر يوم درو قعدو يضحكوووووووون علي
هاذا وانت راعي بر ووووو
تقبلو مروري

[تمياط]

يعطيك العافيه

[حق الفيتو]

عادي قصه قاريها من احد المنتديات :d

هذا واحد يقول انهم كشتو لم مكان ما اذكره بالضبط المهم وايوم نزلو جوهم ناس بسلاح او زي كذا المهم يوم شافوهم شباب قالو لهم ترا فيه ناس حنشل حول المنطقه لكن خلوكم حولنا اذا صار شي والا شي كبسو لنا وان صار شي لنا كبسنالكم ،، المهم ويقول كملنا الجلسه والدعوه فلاويه ،، يقول الا هاك الي كبس من اخويانا الي كلمناهم قبل شوي وهم الي يطيرون لهم كعابي ع شان ما يشوفونهم الثانين ويقول انا رايح حافي من السرعه منب مولق ضوايه ولا شي ع شان ما يدرون عنا ويقول امش وها الشوك لعب في رجلنيني واخوياي نفس الحاله ،،

المهم يوم وصلهم ويقول اشوف اخويانا ما عندهم شي قال لهم سلامات وش السالفه ليش مكبسين عليها ،، قال ما كبسنا بس فتحت السياره بالريموت وهذا الفلشر :p


طبعا القصه اقولها من الذاكره لها سنه وشوي بس اني بتلت اضحك عليهم ،،