Gx 2006 رجه في عمود الدبل

[مرتاد السحب]

السلام عليكم ورحمة الله وبركاته
..............


في البدايه صبحكم الله ومساكم بالخير وش علومكم إنشاء الله بخير


الله لايهينكم لاصحاب الخبره انا عندي مشكلتين في موتري(gx2006) اولها وجود رجه عندما يكون عداد السرعه عند140 فمافوق (وفحصت وقالولي عمود الدبل) والحقيقه انها ما طلعتلي إلى من تالي وابي منكم الله لايهينكم اسباب هالمشكله والحل وتكلفتها تقريباً.


اما المشكله الثانيه انه بعد دخول الصيف هالسنه كأن القير ثقل عند التغييرات والحين زادت المشكله لدرجة انه بعض الأحيان يتعبني مايلقم وخاصه الريوس (وايضاً فحصة وقالولي جلدة عمود قير او عمود قير).السؤال هنا هل هي حقاً جلده او ان تروس القير فيها مشكله. افيدوني لاهنتم


................
(وقبل لا اودعكم احد الأخوان يستفسر ماهي اعراض جلد البلوف وهل يوجد عمر افتراضي لها ولي جنزير المكينه)


والسلام عليكم ورحمة الله وبركاته وعلى الخير نلتقي
تحياتي: مرتاد

[ابوعقل]

وعليكم السلام

المشكله الاولى

فك عامود الدبل واذا راحت الرجه

غير عامود الدبل واذا هو غالي

ركب تحضيره وفك عمرك

اما المشكله الثانيه

واحد من اخوياي معه هايلكس 2006

القير صار تعشيقه ثقيل وداه للورشه وقالوله جب اصلاح عامود قير وركبه

وضبط قيره

يمكن انت نفس الشي

[turke2545]

.
وعليكم والسلام اولا كد صارت معي وغيرت العمود ولاء صار من العمود




اخيرا وجدت العله رفعت الموتر كامل (معلق كله) وخليته يمشي لقيت الكفرات
فيهم ردحه (مسحه) غيرتها كلها مع الجنوط لانها كانت 17 وحطيت 16 وممكن
يكون ترصيص اذا كانت الكفرات سليمه او افحص رمنات العكوس0
................
عندي نفس المشكله في التغيرات وخاصه في الريوس ( بس قبل ماارجع اعطي
الموتر نمره 2 ثم يلقم الريوس )
................
جلد البلوف ليس لها عمر لانه ماينقص اويدخن من جلد البلوف الى لان الموتر
جته حراره اوسخن0
................


اسف على الاطاله وشكرا

[مرتاد السحب]

بيض الله وجيهكم

[بن بريك]

أخوي راعي Gx 2006
أسباب الرجه كثيره
منها :
1- عمود الدبل أو عمود الكردان (ممكن يتصلح بتغيير الصليبات الداخليه فوق وتحت قيمتها 200 ريال الاصلي مع خرط السنه حقته وإضا بغيت تريح رأسك يمكن مايخرطه مضبوط إشتر عمود كامل جديد قيمته 900 )
2- الرمانات تسبب رجه ( ارفع الموتر عند احد البناشر وخله يتأكد من الرمانات وتغيرها الواحد يكلف 165 + الشحم 20 + شغل يده من 60 الى 100 ريال )
3- قاعدة دودة الدركسون (خرط عمود الدودة مع تغيير قواعد بلاستيكية بيكلف 400 ريال إذا كان مافيه تهريب بزيت الدودة لأنه لوكان فيه تهريب بزيت الدودة ماينفع الإصلاح فالله يعينك تدق لك وحدة كاملة من الوكالة بقيمة 2700 + تركيب 250 ريال وتريح رأسك )
4- الجنوط (تأكد منها واعمل ترصيص أرضي للسياره وشوف النسبة قيمة الترصيص الأرضي 50 ريال )
5- الكفرات (بعض الكفرات تسوي رجه للسياة حاول تغيرهن مؤقت مع صاحب لك عنده نفس مقاس الحنط
6- كراسي المكينه ( افحص كراسي المكينه لأنها تسبب رجه للسياره )
--------------------------------------------------------------------------------------
أما بخصوص جلد البلوف دايم بالاندكروزر وأهم شيئ تأكد من الزيت فلو نقص الزيت وفيه دخان عند إشتغال السياره الصباح وهي بارده أو عند وقوفها شغاله لمدة عشرة دقايق فهي علاماتها وشغلتها تغير جلد بلوف بيكلف 1200 ريال مع فك الرأس .
وللمعلومية الزيوت الجديدة بالاسواق نصها مقلده ومعاد تصنيعها فيخبرني أحد المكانيكية أنه قام بتشغيل سياره في احد الوكات (جديدة) وطلع دخان ثم إنقطع بمعنى أنه لاتغير جلد البلوف دام الزيت ماينقص ولمعرفة الحد الطبيعي للنقص لو نقص بعد 3 الالاف كيلو ربع علبة شيئ طبيعي جداً.
أرجو أني أفدتك ببعض ما مر علي من مشاكل اللاندكروزر
وفقك الله

[مرتاد السحب]

جزاكم الله الف خير جميع

وكفيت ووفيت يابن بريك
بس في استفسار شار على واحد من الربع اني افك عمود الدبل مؤقتاً وهذا الي حصل راحة الرجه 40%
بس صوت الضجيج لين الحين وشكل الخطوه الجايه هي اني اتأكد من كل الي ذكرته
((وياليت الله لايهينكم احد يسرد لنا فوائد الفرارات))
وعلى الخير نلتقي تحياتي

[حبس الجبل]

ودي انفعك يامرتاد السحب
لاكن انا عندي نفس المشكله بجي اكس آر 2003
وواحد من الشباب شريطي قبل ما يفحصه قال لي تر العاده تصير فيه رجه على ال140 او ال150
وفعلا فيه رجه
وسويت له ترصيص ما تغير
جنوطه صينيات من الوكاله والظاهر انه من الجنوط لانه الجيب السعودي

[مرتاد السحب]

إذا كانت من عمود الدبل تفيد الفرارات ولا لا !!!

[فايز الهواس]

رصص الكفرات الي بالخلف وجرب الموتر وذا كان عندك صوت ونة احتمل تكون رمانات الكرونة الي ورى

[ابو مريم]

بالنسبه لجلد البلوف اعراضه الموتر يطلع منه دخان
اما بالنسبه للرجه اخوي اذا كفراتك فيها نص عمر واقل ترا احتماال كبيير من الكفرات