رايك يهمنا مشكلة دفرنس خلفي vtc موديل 2002

[مخطور]

السلام عليكم ورحمة الله وبركاته

اخواني اعضاء وزوار منتدى مكشات تحية خالصة لكم وارجو من لديه الحل او ورشة مضمونة بالرياض يدلنا عليها ويضع رقم تلفون الروشة

هذا زميل لي فك العكس الخلفي يسار 3 مرات ونفس المشكلة ترجع يكسر الرمان حق العكس ويسمع صوت تقطقة ماهي المشكلة ؟؟؟؟
اول مره فك العكس لقى الترس حق ال اي بس منكس غيرة وغير الرمان وركبه وجلس شهرين وجعت المشكلة
ثاني مره غير الرمان وجلس شهر ونصف ورجعت نفس المشكلة
ثالث مره مره غير العكس كامل من الوكالة ب 460 وغير الرمان ورجعت نفس المشكلة بعد 6 شهورخرب الرمان ويطقطق والسيارة موقفه عند الباب لين يلقى حل
حاليا اشرنا عليه يغير الدفرنس كامل واذا احد يرى غير ذلك ويفيدنا بالحل جزاكم الله خير

هل نقوم بالاصلاح ام تغير الفرنس كامل لانه حاليا من فك وتركيب وتبديل قطع وصل 2000 ريال ولا انحلت المشكلة

[هاوي موتري96]

الله لايخسركم
هل فيه صوت في الدفرنس يمكن يكون من الكرونه او من احد التروس الي في الدفرنس
1- عمود البنيون
2- رمان البنيون
3-ترس البنيون
4-ترس التاج تأكد من القطع هذي اذا كانت سليمه اولا
وان شا الله يفيدونك الشباب

[عاشق الشعبيات]

نصيحه يغير الدفرنس أحسن له

لأن اللي واضح من كلامك إن الدفرنس فيه ميول أو عفط

[تـقوى الهجـر]

,,,.,*"&الله يرزقك من واسع فضله.,*"&,,,..............~

[مخطور]

جزاكم الله خير على الردود لكن المشكلة كل شي سليم
حتى العمود تم تغييره ونفس المشكلة كما ذكرة بالعنوان وكذلك لا يوجد صوت بالكرونة ولا حرة ولا اي شي بس الجهة اليسرى هي الي فيها مشكلة

هل من احد يفيدنا اكثر ولا يدلنا على ناس مختصين في ورشة معينة

وتقبلوا تحياتي،،،،

[قرم العيال]

ابحث عن رقم الصمعاني ببريده واشرح له الوضع ويعلمك

[مخطور]

ان شاءا لله يلقرم العيال جزاك الله خير راح نبحث عن رقمه واذا فيه احد يعرفه يكتبه لنا

[4*4]

الصمعاني مايفيدك غيره بس شكل الرجال صامخ به في رصيف ومنعفط الجرم شكله
اتوقع والعلم عند الله ان الدفرنس كامل من التشليح بيجي رخيص لان ماعليه طلب على خبري ان النيسان اعطال الدفرنس قليلة جدا جدا ما يخرب الا من ضربه او اذا كان مافيه زيت او شي كايد
الله يدلنا وياك والصمعاني بحلها لك باذن الله

[مخطور]

جزاكم الله خير على التفاعل
وتم تغيير الدفرنس الخلفي بقيمة 3 الاف اريال وانحلت المشكلة
وتقبوا خالص تحياتي