الفيتو
10/05/2005, 02:44 AM
بسم الله الرحمن الرحيم
السلام عليكم يا جماعه
طير حوران كله بركه ..في بداية الموسم تقريبا اتصل بي وقال انا شاري طير من حمدان البلادي مطروح في مجيرمه وعليه فتخة باسم رفيقي وحصل بينه وبين حمدان سؤ تفاهم وهالحين حنا شرينا الطير. وحمدان من تجار الطيور المعروفين ويسكن في الشمال الغربي الا اني ما اعرفه قلت يا طير حوران وش المطلوب مني
قال خل الطير عندك لين تلقا من يجيبه قلت زين واخذت رقم البلادي وإتفقت معه وتواجهنا يم رابغ. قلت علوم الطير قال شريته ب6 الاف
وكان فيه فتخه برقم كلمت صاحب الرقم وعلمته بالقصه. قال يا فلان الطير شاريه ب12وفي هذا الموسم وغدى على حبارى وشلون تشري طير عليه فتخه وتبي راعيه يشريه ثانيه منك ب6 والا بعد زود. قلت هذا علمي وانت مخير. انتهى الكلام بيني وبينهم لكن انا ما ارتحت للسالفه يقوله البلادي وابغى اتخلص من الطير بأي وسيله لو بلاش لدرجة ما عاد صار يجيني النوم بسبه هالطير وحاولت ارده على اللي شريته منه لكن تعذر وقال الفلوس لعبوا بها الورعان ولانيب راد الطير ثم كلمني طير حوران فالطير وقال بيجيك الفيتو ويعطيك الدراهم وعطه الطير. قلت الله يحييه هالحين
إن عطيتنيي يالفيتو فلوس او ما عطيتني منتب رايح الا بالطير.إنتهى
قبل اروح للبلادي قلت أبادور احد يعرفه لو احتجت سبحان الله فكلمت احد الأخوان قال البلادي رجل فيه خير ولزومك بتقضيه من غيري..
لكن هنا فنجال قهوه على دربك فالمدعى شمال جده ليا عودت تفرج في الطيور وتونس معنا وما تشوف شر . جيت على الموعد وحضرت دعوهم وكان الأمير بندر بن عبدالله بن خالد حاضر الدعو ومعه طيوره واخوياه
من عرض الطيور طير شراه الأمير مطروح بسبوقه وحش وعندي خلفيه عند طير جا عليه مشكله في وقت طرح الطيور لياسر اليحيا من أهل الدوادمي
(غدى وفيه فتخه واتصلوا عليه وساوموه على طيره وقال يا جماعه طيري وغادي قالواعليه سوم لك نظر زود والا ما فيه طير !! )
كل من سمع بالسالفه من الصقاقير يصير في خاطره شي على الجماعه ذولا لكن اليحيا قال يعوضني الله ان عطيتوني طيري بالقيمه المغقوله شريته وان بالغتوا في القيمه يعوظني الله. امباع الطير من تاجر طيور الى تاجر الى ان وصل للأمير بندر لكن الأمير وصله الطير على اساس انه طير غادي من
مده طويله الا ان ما فيه فتخه (( قال لي انا يكلمني هذا طير طرح
في مجيرمه غادي العام وقيض هوا وكلموا راعيه وانه يشكر فالطير ويقول صايد وعلومه زينه سمعت عنه وشريته )) قلت هذا الطير هذي قصته قال وشلون ؟؟؟؟؟؟؟؟؟ دورا راعيه لين تلقونه وتراه رجع له الطير ولالنا معروف عليه حقه ورجع له .. وقال (( الطير ليا غدى وعليه فتخه فيجب رده لراعيه ))فرحوا الصقاقير بالخبر هذا .
ودوروا راعيه واستلم طيره .. كان مقناص الأمير قد قرب فقنص بعد ما رد الطير اللهم انهم دعوا الطير فقط.. إنتشر الخبر وتذاكروه الصقاقير
قيل في هذي المناسبه اكثر من قصيده اختار لكم قصيدة حشر بن عون
للصـقــاقــيــر سـلم وعهد ما ثوق
من سنين قديــمــات مـاأحـصـيـها
من لقى شــي ضـايع وفيه إسبوق
شــودوا لـيــن يــلـقــون راعــيها
شودوا فالصحاري ووسط السوق
ولوعــــرفــهــا بـعـــد عام يديــها
يعرف السلم من كان عــنــده ذوق
لوعــتــه الــطــيــور إبـمـغـاديـهـا
كم قــطــع من مفازه ومن شاهوق
و يرمـــي اللوح لاجـــــاء حــراويها
يدفـعــون البشاير من أغلى النوق
علم الجــاهـــل اللي جهــــــل فيها
جعل رجل الوفاء ما يصيبه عــوق
إشـــتـــــراها وعـــادة لـهـــا ليها
ســابـقٍِ بالـجـمــايـل مهو مسبوق
غــــيــــر بندر قـــلـــيــل مسويها
فيـك جــزل المدح يــالأمـيـر يلوق
زاهــيــتـــك الــمــدايـــح وزاهيها
وهنا قصيده لأحد ا الصقاقيروإسمه مسلم العبدالله قد غدى طيره
على حبارى في الحدود الشماليه ولكن طيره ما جابه الله في يد الأمير بندر أو شرواه من الرجال اللي فيهم خير
وقع في يد من لا نوى رده الا بالفلوس فكلما سامه بقيمه قال عداك السوم حتى وصل قيمه اكثر من قيمته بثلاث اضعاف فجنب عن طيره وفي خاطره فقال
قصيده أورد لكم اللي احفظ منها
أتطرح فالصباح وفالعـــشـيا ... وارمي الملواح في روس العدايم
ليت طيري يوم ما جا في يديا ... ما وقع بيــــديــن ملعون الرسايم
ما يساومني على طيري كـذيا ... كل سومه قـال عدى السوم سايم
والصلب دايم وهيه هالسويــا ... تسهج الــعـــادات والأعراف دايم
مير ليته يوم ليه ما تــهــيــا ... حطه الله عند كــســــــاب الغنايم
بندر اللي رد قرناس اليــحـيا ... وانورت دنياه من عــقــب الظلايم
والسلام
الفيتو
الحجاز
1-4-1426هـ
السلام عليكم يا جماعه
طير حوران كله بركه ..في بداية الموسم تقريبا اتصل بي وقال انا شاري طير من حمدان البلادي مطروح في مجيرمه وعليه فتخة باسم رفيقي وحصل بينه وبين حمدان سؤ تفاهم وهالحين حنا شرينا الطير. وحمدان من تجار الطيور المعروفين ويسكن في الشمال الغربي الا اني ما اعرفه قلت يا طير حوران وش المطلوب مني
قال خل الطير عندك لين تلقا من يجيبه قلت زين واخذت رقم البلادي وإتفقت معه وتواجهنا يم رابغ. قلت علوم الطير قال شريته ب6 الاف
وكان فيه فتخه برقم كلمت صاحب الرقم وعلمته بالقصه. قال يا فلان الطير شاريه ب12وفي هذا الموسم وغدى على حبارى وشلون تشري طير عليه فتخه وتبي راعيه يشريه ثانيه منك ب6 والا بعد زود. قلت هذا علمي وانت مخير. انتهى الكلام بيني وبينهم لكن انا ما ارتحت للسالفه يقوله البلادي وابغى اتخلص من الطير بأي وسيله لو بلاش لدرجة ما عاد صار يجيني النوم بسبه هالطير وحاولت ارده على اللي شريته منه لكن تعذر وقال الفلوس لعبوا بها الورعان ولانيب راد الطير ثم كلمني طير حوران فالطير وقال بيجيك الفيتو ويعطيك الدراهم وعطه الطير. قلت الله يحييه هالحين
إن عطيتنيي يالفيتو فلوس او ما عطيتني منتب رايح الا بالطير.إنتهى
قبل اروح للبلادي قلت أبادور احد يعرفه لو احتجت سبحان الله فكلمت احد الأخوان قال البلادي رجل فيه خير ولزومك بتقضيه من غيري..
لكن هنا فنجال قهوه على دربك فالمدعى شمال جده ليا عودت تفرج في الطيور وتونس معنا وما تشوف شر . جيت على الموعد وحضرت دعوهم وكان الأمير بندر بن عبدالله بن خالد حاضر الدعو ومعه طيوره واخوياه
من عرض الطيور طير شراه الأمير مطروح بسبوقه وحش وعندي خلفيه عند طير جا عليه مشكله في وقت طرح الطيور لياسر اليحيا من أهل الدوادمي
(غدى وفيه فتخه واتصلوا عليه وساوموه على طيره وقال يا جماعه طيري وغادي قالواعليه سوم لك نظر زود والا ما فيه طير !! )
كل من سمع بالسالفه من الصقاقير يصير في خاطره شي على الجماعه ذولا لكن اليحيا قال يعوضني الله ان عطيتوني طيري بالقيمه المغقوله شريته وان بالغتوا في القيمه يعوظني الله. امباع الطير من تاجر طيور الى تاجر الى ان وصل للأمير بندر لكن الأمير وصله الطير على اساس انه طير غادي من
مده طويله الا ان ما فيه فتخه (( قال لي انا يكلمني هذا طير طرح
في مجيرمه غادي العام وقيض هوا وكلموا راعيه وانه يشكر فالطير ويقول صايد وعلومه زينه سمعت عنه وشريته )) قلت هذا الطير هذي قصته قال وشلون ؟؟؟؟؟؟؟؟؟ دورا راعيه لين تلقونه وتراه رجع له الطير ولالنا معروف عليه حقه ورجع له .. وقال (( الطير ليا غدى وعليه فتخه فيجب رده لراعيه ))فرحوا الصقاقير بالخبر هذا .
ودوروا راعيه واستلم طيره .. كان مقناص الأمير قد قرب فقنص بعد ما رد الطير اللهم انهم دعوا الطير فقط.. إنتشر الخبر وتذاكروه الصقاقير
قيل في هذي المناسبه اكثر من قصيده اختار لكم قصيدة حشر بن عون
للصـقــاقــيــر سـلم وعهد ما ثوق
من سنين قديــمــات مـاأحـصـيـها
من لقى شــي ضـايع وفيه إسبوق
شــودوا لـيــن يــلـقــون راعــيها
شودوا فالصحاري ووسط السوق
ولوعــــرفــهــا بـعـــد عام يديــها
يعرف السلم من كان عــنــده ذوق
لوعــتــه الــطــيــور إبـمـغـاديـهـا
كم قــطــع من مفازه ومن شاهوق
و يرمـــي اللوح لاجـــــاء حــراويها
يدفـعــون البشاير من أغلى النوق
علم الجــاهـــل اللي جهــــــل فيها
جعل رجل الوفاء ما يصيبه عــوق
إشـــتـــــراها وعـــادة لـهـــا ليها
ســابـقٍِ بالـجـمــايـل مهو مسبوق
غــــيــــر بندر قـــلـــيــل مسويها
فيـك جــزل المدح يــالأمـيـر يلوق
زاهــيــتـــك الــمــدايـــح وزاهيها
وهنا قصيده لأحد ا الصقاقيروإسمه مسلم العبدالله قد غدى طيره
على حبارى في الحدود الشماليه ولكن طيره ما جابه الله في يد الأمير بندر أو شرواه من الرجال اللي فيهم خير
وقع في يد من لا نوى رده الا بالفلوس فكلما سامه بقيمه قال عداك السوم حتى وصل قيمه اكثر من قيمته بثلاث اضعاف فجنب عن طيره وفي خاطره فقال
قصيده أورد لكم اللي احفظ منها
أتطرح فالصباح وفالعـــشـيا ... وارمي الملواح في روس العدايم
ليت طيري يوم ما جا في يديا ... ما وقع بيــــديــن ملعون الرسايم
ما يساومني على طيري كـذيا ... كل سومه قـال عدى السوم سايم
والصلب دايم وهيه هالسويــا ... تسهج الــعـــادات والأعراف دايم
مير ليته يوم ليه ما تــهــيــا ... حطه الله عند كــســــــاب الغنايم
بندر اللي رد قرناس اليــحـيا ... وانورت دنياه من عــقــب الظلايم
والسلام
الفيتو
الحجاز
1-4-1426هـ