نبذه و استفسار

[صفوت الماضى]

السلام عليكم ورحمة الله و بركاته....

انا بالعاده اطلع صيد بالكويت و الفتره هذى صرت اروح الخفجى عند مركز سلاح البحرية >>>العموده<<< و شفت الفرق بالصيد بالخفجى ياربي لك الحمد الصيد واجد و الكويت فية صيد بس قليل و بالنسبة لطعم اواجه مشكله لانى اطلع من حفر الباطن الى الخفجى يوم و ارد و الحفر ما فيها محلات توفر لى العده و الطعم بنفس الوقت و سالت عن سوق السمك بالخفجى قالولى انى مصكرينة فمن يستطيع ان يدلينى محلات بالخفجى للعده و الطعم

ادرى طولت عليكم بس و وش احسن طعم لصيد السيف انا استخدم الخثاق و الميد و اشوفه كويس بس هل فيه اسن منه
اسمحولى على الاطاله

[accentkool]

حقيقة ماعندي اي فكرة عن الخفجي وان شاء الله يفيدوك الاخوان

[نمط]

عليكم السلام ورحمة الله وبركاته

شوف اخوي
بعض الأماكن اللي تكون بعيدة عن الانسان وقليلة المزاولة من البني آدم تلقى فيها صيد
والسمك يكون غير حذر وجائع
بعكس الاماكن القريبة اللي يتردد عليها الناس كثير فتلقى السمك حذر بعض الشيء وشبعان من المخلفات ويحتاج انك تدلعه شوي

المكان اللي قلت فيه اتوقع قليل من يزوره من الحداقة وبعيد عن الضجة
وهالأماكن تلقى فيها السمك يبي لعفة وينهشها وغير حذر
وافضل طعم لهالأماكن هو "الحبار" الخثاق
والميد ممتاز
والآن موسم المنجوس وهو طعم مفضل جداً جداً
والمصران ممتازة أيضاً

والاماكن العامة يبي لك تدلع السمك
عجين ومصران وربيان

أنصحك دام الصيد ماشي معك اوكي خلك عالخثاق
وخد لك منجوس وشكه وفالك لسبيطي ان شاء الله

ولو تحدد لنا نوعية صيدك والسمك اللي يكثر في المكان "اكثر شي تصيده" نقدر نحدد لك اللعفة الجيدة تقريبياً له

[كنعد]

العامودة يبغالها ربيان وقطع سلس

وشوف الشغل

[مشاغب السقالة]

ليش ماتصيد اللعفة من نفس المجلب
يمدحون فيها هالطريقة

[الفارس-9]

العموده زي ماذكر بعض الإخوان

الطعم الأفضل فالأفضل

بالدرجه الأولى السلس :)

ثم المنكوس

ثم الخثاق

واذا كان سوق السمك مسكر ماراح تلقى طعم بغيرها

لاكن فيه السمك المجفف اللي بالبقالات << صدت فيه

واذا انقطع عليك الطعم عليك بالقباقب هذي البيضا رجولها طعم خصوصاً اذا صيدك شعري

بالتوفيق