كل ماعدلت واحد يميل الثاني (الى وده يشوف سياره يولع فيها راعيها يدخل)

[شيخ العزوبية]

السلام عليكم ورحمه الله وبركاته ..

صبرن جميل والله المستعان ..,, راحت الاجازه في تردد على الصناعية ..!!

ياجماعة الخير شوفو لي حل والله ماصارت :( ..

خلصنا من الحراره جانا السلف :(

عندي جيب قراند شيروكي 99 توني مطلعه من الورشه مصلح حرارته وصار زي الحلاوة وقفته عند الاستراحه وجيت بشغله اليل ولا طاع يشتغل ..!! دخلت المفتاح في السلف ولا طاع يدق سلف يعني كان المفتاح ماهو له ..!!يعني ادخل المفتاح واحاول ادق سلف مايتحرك يعني ادخل المفتاح واطلعه بس ( اعتقد واضح ) يعني كاني مدخل مفتاح ماهو للسياره ..!!

وش الحل ما اقدر امشي به ابغى حل تكفون والى يرد والله لادعي له ان الله يوفقه ..

انتظركم ..

اخوكم مطعون الشيروكي :)

[عميد سامودة]

احتمال كبير من الفحمات حقت السلف غيرها ب 60 ريال

[العابر2222]

أخوي يمكن الدركسون قافل ومعلق السلف لأنه لو قفل الدركسوون ما راح يدق سلف الى لما تدخل المفتاح وتنفك قفلة الدركسون بعدها يفتح السلف معااك

[falconer-kw]

السلام عليكم

كلام العابر صحيح ان شاء الله

حاول تحرك الدركسون ويفتح السلف معاك

وانصحك غير الشروكي:no2:واتعب على النيسان اوالكروزر واقطع:good: :good2: :l

بالتوفيق اخوك / سفـــــــــــــــــاري الكويت

[mr_red]

السلام عليكم
اتوقع يالحبيب ان المفتاح يبيله برمجه
والله يوفقك ,,

[HUMAN]

الله يعينك أخوي

جرب حاول خذ بخاخ مزيل الصدأ وبخ بداخل السويتش القفل وحرك الدركسيون لليمين واليسار وخلخل المفتاح والاهتزاز بالدخول والخروج مع وضع زيت خفيف !

وإذا كان القير أوتوماتيك حاول تحرك القير أمام خلف شيء بسيط !

إن شاء الله تنحل المشكلة !!! بس تأكد من المفتاح للسيارة نفسها وإلا لسيارة ثانية .. هاه هي هاي !!!

موفق للخير يا شيخ العزوبية

[شيخ العزوبية]

احتمال كبير من الفحمات حقت السلف غيرها ب 60 ريال

والله ممكن والعلم الاكيد عند الكهربائي بجيبه اليوم ونشوف وش يقول :(

وانا اتوقع نفس كلامك ممكن من الفحمات يعطيك العافيه :good2:

[شيخ العزوبية]

أخوي يمكن الدركسون قافل ومعلق السلف لأنه لو قفل الدركسوون ما راح يدق سلف الى لما تدخل المفتاح وتنفك قفلة الدركسون بعدها يفتح السلف معااك

لا لا ماهو قافل احرك الدريكسون يمين ويسار واحاول اشغل ولا اشتغل بس في الاخير قفل الدريكسون :mad:

[شيخ العزوبية]

اخوي سفاري الكويت :


شاكر لك مرورك .


mr _ red





اتوقع يالحبيب ان المفتاح يبيله برمجه



لا ما اعتقد يرمجه لان عندي مفتاحين ونفس المشكله :(



human



جرب حاول خذ بخاخ مزيل الصدأ وبخ بداخل السويتش القفل وحرك الدركسيون لليمين واليسار وخلخل المفتاح والاهتزاز بالدخول والخروج مع وضع زيت خفيف !

فكره حلوه وغايبه عن بالي بجربها ان شاء الله وابعطيك النتيجة ..

يعطيك العافيه

[ابو خالد 1992]

ياجماعة الخير وش دخل السلف في الموضوع ؟؟؟ المشكلة في السوتش او الدقمة ( مدخل المفتاح ) منحلة او مغيرة بقطعة تجارية لا تتعبث بالسلف اخوي خل الكهربائي يغير السوتش بس ولا السلف ما اعتقد فيه خلاف . وعلمنا وش يصير معك

[هويدي]

الله يعينك ويكتبلك الاجر على الغثى

المشكله هاذي صارت لموتر اخوي كابرس 2006 دخله الوكاله طلع البلا من نفس الدقمه

اذا انت من سكان الرياض مر الشايقي يطلع معك ويضبطه إن شاء الله

[شيخ العزوبية]

ابشركم ضبط :)

مثل ماقلو الاخوان بخيت بخاخ الصدا في السلف وفكيت الجلنط ودفيت السياره قدام وخليتها ترجع طبعا هي في وضع P يعني حركتها شوي وشغل واحد من اخوياي واشتغل ..!!

اتوقع ان الخلل من قفل القير ..!!

او من الدقمه مثل ماقالو الاخوان ..!!

ابو خالد

هويدي

يعطيكم العافيه على المرور

[Rajah]

تبي الحل الاكيد الي مابعده كلام هو تودي السياره لاي ورشه شغلهم نظيف وتسلمهم السياره وريح راسك من التفكير ووجع الراس

[HUMAN]

أخوي مطعون الشيروكي

وأنت الله يعطيك العافية والصحة والسلامة .. والجميع

الحمد لله انحلت المشكلة ...

يعني ما راح نشوف السيارة وانت تولع فيها !!! هاه هي هاي

لك التحية والسلام

[شيخ العزوبية]

تبي الحل الاكيد الي مابعده كلام هو تودي السياره لاي ورشه شغلهم نظيف وتسلمهم السياره وريح راسك من التفكير ووجع الراس

مرحبا ..

نقول ان شاء الله انه زان والايام بيننا :)

عموما انا ماخذ عهد عليه لو خرب اي خراااب وعده المعارض :good2:

وواعدني خير :p

مشكور على مرورك

[شيخ العزوبية]

يعني ما راح نشوف السيارة وانت تولع فيها !!! هاه هي هاي



لا خلاص زببببط :)

[أبوحمييد]

اذا كان موقعك الرياض فيه واحد سعودي في الصناعية القديمه متخصص شروكي...
وده له وخله يشيك عليه ويظبطه وريحه ويريحك...

[شيخ العزوبية]

اذا كان موقعك الرياض فيه واحد سعودي في الصناعية القديمه متخصص شروكي...
وده له وخله يشيك عليه ويظبطه وريحه ويريحك...

وين ورشته فيه ؟

او انكان معك رقم له ..!!

وهل هو سعودي او اجنبي ؟

وسلامتك

[hightech]

مرحبا ..

نقول ان شاء الله انه زان والايام بيننا :)

عموما انا ماخذ عهد عليه لو خرب اي خراااب وعده المعارض :good2:

وواعدني خير :p

مشكور على مرورك

المشكله انه مايخرب بمعنى الخراب دايم خراباته تكون سخيفه زي خراب المفتاح

وان طعتني شل عمود الدبل وخله على الكفرات الخلفيه واذا حبيت تطلع بر ركبه

40 ريال وبكذا ان شاء الله تستمر العهود والمواثيق وتعيشون في حب وسلام