استفسار بسيط بخصوص حرارة الباترول..

[أبوصقر]

حياكم الله..أعضاء هذا المنتدى الغالي..
عشان ماأطول عليكم يا أخوان أنا عندي مشكلة الحرارة بالسفاري توكلت على الله وعزمت أغير الأديتر وأركب مراوح..
قال لي واحد ركب أديتر أصلي ألمنيوم..وقال لي ثاني ركب أديتر فكسار قديم..وش رايكم يالربع أيهما أختار..وإذا كان فيه أنواع ثانية أحسن وش هي..
وبخصوص المراوح الكهرب تنصحون بها أو أغير تماتيك المراوح أحسن..
وسمعت أن المراوح الي تركب حقت السوبارو وأن فيه مراوح صغيرة تركب بين الشبك والأديتر..وش الفرق بينهما وهل أقدر أجمع بين الإثنتين..عاماً بأن موديل الموتر93..
آسف على الإطالة وإن شاء الله نستفيد من خبراتكم..

[قرم العيال]

بالنسبه للرديتر الناس تمدح الاردني .. المنيوم

اما المروحه الثانيه الي بين الشبك و الرديتر هذي تصلح لتبريد المكيف

يعني تكون شغاله مع المكيف على طول

ويجيك من هو اكثر خبره مني

[أبوصقر]

لاهنت أخوي قرم العيال..ولكن السؤال الأردني كم سعره وهل هو أحسن من الوكاله الألمنيوم..وبخصوص المراوح حقت المكيف أنا عندي المكيف مش ولابود..يعني تنفع معه..
ووش تنصح به أجمع بين الإثنتين وإلا هاذي تكفي مع تماتيك أصلي..

[خالد الزومان]

ابو صقر خذ كلمي ان معىنيسان ربع 97 الموديل ركبت لديتر من السوق ما نجح مع وركبت حق الوكاله ورتحة انت ركب وكاله وريح رسك 2 مروح التبريد خذ حقة جى اكس ار الى بوجه الديتر تركب علا طول بس يبلك مبصطه من مسمار الشمعه الى تحة اليمين الى اليسار عرض الصبع علشان تركبونت اذ شفة المروح تبى تفهم ليه قلة مبصطه تحت
ولتنسا الكتوة الفيوز علشان اذ اشتغل المكيف تشتغل معه ويزود الكهرب على المروحه


http://www.mekshat.com/pix/upload04/images167/mk103787_getattachment[4].jpg

[بن حويرب]

السلام عليكم
الحل بسيط راديتر ألومونيوم من الوكالة موديل 97 + مروحتين سبارو + مروحه نيسان حق المكيف + ترموستات حق الوكالة وبس
ولا تحرمان من الدعاء لي وللمسلمين :)

[أبوصقر]

ابو صقر خذ كلمي ان معىنيسان ربع 97 الموديل ركبت لديتر من السوق ما نجح مع وركبت حق الوكاله ورتحة انت ركب وكاله وريح رسك 2 مروح التبريد خذ حقة جى اكس ار الى بوجه الديتر تركب علا طول بس يبلك مبصطه من مسمار الشمعه الى تحة اليمين الى اليسار عرض الصبع علشان تركبونت اذ شفة المروح تبى تفهم ليه قلة مبصطه تحت
ولتنسا الكتوة الفيوز علشان اذ اشتغل المكيف تشتغل معه ويزود الكهرب على المروحه



أخوي خالد يعطيك العافية ولاهنت..

[أبوصقر]

السلام عليكم



الحل بسيط راديتر ألومونيوم من الوكالة موديل 97 + مروحتين سبارو + مروحه نيسان حق المكيف + ترموستات حق الوكالة وبس
ولا تحرمان من الدعاء لي وللمسلمين :)

بن حويرب..يعطيك العافية ولاهنت..بس بغيت أسأل وش الحكمة من أديترالـ97وهل مراوح السوبارو..عملية ..
والله يوفقك وكل مسلم..
آآآآآآآآآآآآآآآآمين

[bn_501]

عندك اديتر الباترول 98 المنيوم


كبير وممتاز


والمراوح لو ركبت سوبارو بيخف الموتر وبيخف الصرفيه شي قليل

وبالخط يرتاح


وفزته تتغير عليك

[هاوي موتري96]

السلام عليكم اذا تبي الشور لاتتعداء كلام اخونا ابن حويرب انا مسوي نفس الي هو مسويه
بس اهم شي اذا بتركب مراوح لاتركب عند البنقاليه خلك منهم لان اهم شي التسليك والله يستر يسلك لك واحد غشيم الا وموترك عالق كله الله يستر
وموفق خير ان شا الله

[aljthab]

توني مركب مراوح سوباروا لموتري سوبر سفاري99
الحقيقة خف الموتر كثيروفتكيت من حنى المروحة قبل
اما بخصوص الحرارة فانا ولله الحمد موتري مايشكي وحرارتة نفس قبل
يمدحون الاردني يوقلون طيب وسعرة حدود 400ريال هالكلام قريتة هنى بالمنتدى
اما الي تركب قدام الشبك ماعندي لة علم ولا اضنة تسوي شي يانة صغيرة
اذا انت من بريدة دليتك محلة وشغلة نظيف التكلفة من الى 450 ريال

[بن حويرب]

بن حويرب..يعطيك العافية ولاهنت..بس بغيت أسأل وش الحكمة من أديترالـ97وهل مراوح السوبارو..عملية ..
والله يوفقك وكل مسلم..
آآآآآآآآآآآآآآآآمين


مرحبا اخوي
راديتر 97 نزال الومنيوم مع كفر بلاستيك على الاطراف المعني انه يفقد الحراره اسرع من القديم يلي نزل حديد كامل ومن 4 سنين وهو راكب الراديتر والمرواح ولا اشتكيت من الحراره ولا مشاكل الكهرب بس مثل ما قالوا الاخوان اهم شي التسليك والكتاوت.
لاوزيدك من الشعر بيت غيرت محرك النيسان بجمس ls2 ونفس الراديتر والمراوح ما تغيرن :D :D :good2:

[أبوصقر]

..يعطيكم العافية ياأخوان الكل بإسمه..لاهنتوا وبيض الله وجيهكم..

[Abu Saad]

كان ناوي تركب مراوح فعليك ببوصالح الخطيب في ورشة التركي بالصناعية القديمة بالرياض، سعودي وشغلته تركيب المراوح وراح يعلمك وش الافضل .
بالتوفيق

[أبوصقر]

أبو سعد يعطيك العافية ولاهنت..