الصوت الي حير المكنيكية ومحد لقاة

[فايز الهواس]

السلام عليكم ورحمة الله وبركاتة

مشكلة حيرة المكنيكية في حائل وتبوك والقصيم

معي صوت في جيب صالون مديل 1986 نت جهة القير والدفرنس الامامي

يطلع الصوت واضح على سرعة 120 ويبقى على طول واحيان على 80

وديتة اكثر الورش وكل ماسمعت بمكنيكي كويس رحتلة ماحد قدر يطلعة مع ان اكثرهم قال

الصوت بالدبل وفكيت الدبل والقير وماطلع فية شي وقالو في الدفرنس الامامي وفصلت

الدفرنس وباقي الصوت وغيرت الكرونة ومازالة المشكلة موجودة والحين صار للجيب معي

سنة ونص وماشي زي الحلاوة بس مشكلة الصوت باقية

اخوكم فايز الهواس

[راكب الشفر]

كيف الصوت طيب
صوت تصفير...صوت طقطقه...صوت زي الونونه

[فايز الهواس]

الصوت صوت ونة

[بريداوي اصليm]

أنت مثل واحد لا مشى 120 ولا 100 بدا يطلع صوت
إلى الحين ما يدري وش الحل
صوت وننه

[برايدوي عنيد]

هلابك اخوووي.......

ممكن الصوت بالعمود يبي تغيير صليب .

كان معي صوت ونه وانا ماشي ويروح اذا رفعت رجلي عن البنزين وصار السبب من

الصليب اللي قدام (طبعا السياره هايلوكس).

غير صليب ولايهمك الميكانيكي يمكن يقول زين وهو خربان بس ماايدري وقيمه الصليب

وتغييره ماتكلفك 100 ريال .

تقبل مروري ...

[فايز الهواس]

اخوي غيرت الصليبات كلها الاربع اصلية كلفت حول الخمس مئة ريال وماراح الصوت

[برايدوي عنيد]

هلابك اخوووي.....

والله غريبه ... طيب تااكد من كراسي المكينه ..

تقبل مروري....

[فايز الهواس]

لا يطول الهرج المشكلة بالرمانات حق الركب يجي في كل جهة ثلاثة الان الصوف في الكب اغيرها ا اصلية وخلال سنة ونص غيرتها ثلاث مرات الات الرمانات صخن وتميع الصوف

[مهداوي]

طيب شيكت على زيت الدفرنس<

[برغي]

بسم الله نبي نقرا عليه المعوذات وما هنا خلاف ان شاء الله

اخوي لاتحتار الحل بسيط
المطلوب عدد 4 جحوش رافعه
عفريته يفضل يكون تمساح قويه وامينه
بعد رفع السياره شغلها ويكون احد من اصدقاك فيها وخله يمشي السياره هوا
جب لك لي وتسمع بأذنك وين الصوت وبأذن الله تلقاه بس لازم تكون حذر من سقوط السياره لا سمح الله
ارجو اني افدتك