انا بشتري برميل مندي وابي رايكم يربع

[تراثي]

السلام عليكم
انا ياشباب ان شاء الله بشتري برميل مندي وابي رايكم في افضل انواع البراميل
ووش رايكم في برميل المندي الجيزاني الي يجيك في غطاة ربل وتربطه
ولكم جزيل الشكر

[مدمن.]

هلا بك اخوي انا عندي برميل طين وكبير وللبيع وانا شاريه قبل ثلث شهور تقريبا

[تراثي]

يعطيك العافيه مدمن لكن انا ابي استفسر عن افضل انواع براميل المندي

[AL-BIJADY]

فيه برميل الغنام ممتاز ومجررب ومستخدم بكثره

[yaso]

فيه برميل الغنام ممتاز ومجررب ومستخدم بكثره
وشو برميل الغنام وكم سعته وكم سعره ومن وين تشتريه

[تراثي]

انا شفته عند محل الفخار الي في الشفاء ومهب مكتوب عليه شي بس صناعه جيزانيه

[تراثي]

معقوله ياشباب محد له خبره في براميل المندي
دورو غيرها هههههههههههههه
ارجو الافاده العاجله

[السفاري]

مرحبا اخي

انت ماحددت نوع البرميل اللي انت تبيه تبيه على غاز او على النار اذا تبي على النار فيه نوع ممتاز وجديد وموجود بالمحلات اللي بالشفاء حديد كله يكون برميل بوسطة زي البرميل الضغير ويملا مابينهما بالتراب ليحفظ الحرارة وممتاز جدا وفيه انواع منه ومقاسات بس احرص يكون الحديد الداخلي للبرميل مقاسه ملي ونصف عشان يكون اقوى ولايتسفط من الحرارة بعضهم يحط حديد نصف ملي وبعضهم ملي وهذا البرميل لك وللزمن لاتقول خرب الطين اللي من داخل ولا طاح وانكسر واذا بغيت تنقله معك كب التراب وحمله.

بالتوفيق اخي بس لاتنسى تعزمن وانا اسويلك المندي هههه .

[مدمن.]

طيب فيه الطين والفخار وكلهن زينات

[رعد الصحراء]

السلام عليكم ورحمة الله وبركاته


فيه بمحلات الفخار الموجوده في حي الشفا


راح تجد جميع الأنواع


فيه نوع أعتقد سعره مابين الـ 300 إلى 350 ريال


وللأسف مافيه صور عندي علشان التوثيق


تقبل تحيتي

[تراثي]

ياشباب يعطيكم الف عافيه كفيتو ووفيتو
اخي السفاري النوع الي تقوله يتعبا تراب ممكن تشرحلي اكثر عنه وهل هو جيد يعني ايذازينت عليه المندي مايطفا الجمر وهل لازم ادفنه ولى مايحتاج

[تراثي]

انا ياشباب كل مقصدي ابي برميل مندي على الحطب ولا يتكسر ولايحتاج تدفنه
ويكون طعم المندي فيه ممتاز
ولكم جزيل الشكررر

[تراثي]

افيدوني الله يجزاكم خير

[أبو براك]

حياك الله اخي الكريم

شاهد هذه المواضيع سبق للاخوه طرحها عن براميل المنتدى

ونعتذر ان بدر منا تقصير بهذه الجانب

http://www.mekshat.com/vb/showthread.php?t=9709

-

http://www.mekshat.com/vb/showthread.php?t=201698

-

http://www.mekshat.com/vb/showthread.php?t=258304

-

http://www.mekshat.com/vb/showthread.php?t=257584

-

http://www.mekshat.com/vb/showthread.php?t=197579

-

http://www.mekshat.com/vb/showthread.php?t=254353

وان رغبت بمواضيع اكثر , بامكانك استخدام خاصيه البحث في المنتدى

وكتابة ما تريد تبحث عنه

باحث قوقل لمكشات (http://www.google.com/custom?hl=ar&lr=&ie=iso-8859-6&oe=iso-8859-6&client&domains=www.mekshat.com/&sitesearch=www.mekshat.com/)

تقبل اجمل واعطر واهذب التحايا اخي تراثي

[تراثي]

يعطيك العافيه

[السفاري]

مرحبا اخوي

بالنسبة للبرميل اللي اقول عنه يجي البرميل بوسطة برميل اصغر منه ويكون ملحمات مع بعض وبينهن يمكن خمسة سانتي تعبا بالتراب حتى يحفظ الحرارة وهو مايدفن ولا شي وله كفرات واذا فرغته من التراب تستطيع حمله لحالك بالنسبة للمقاس الصغير. وهوممتاز جدا وعملي اخر مره جربته الاربعاء الماضي ومن شافه عندي راح وشراء زيه بس اهم شي يكون الحديد الداخلي ملي ونصف ويتحمل الكرف والشيل والحط , وانا صراحة افضله على اللي يجي بداخله طين لانه على طول يتكسر مهما كانت جودة الطين. مر المحلات اللي بالشفاء وتلقاه شكله الخارجي حديد وله كفرات بس لاتنسانا بالمندي.