الباترول (يقطـــــــــــــــــــــع )

[عاشق المسانيد]

السلام عليكم

عندي سفاري سوبر 98 غيرت بواجي وصفاية بانزين وفلتر الهواء وفحصت على طرمبة البانزين مافيها أي شي السيارة تقطع لدرجة ان السياره ما تمشي ادبل بانزين على شان ما يطفي المحرك . واذا مشت السياره قام يتفتف ياليت يا شباب تعطوني رايك في الحل وجزاكم الله خير

[هطول جدة]

على اعتقادي انة الكلبليتر عندك رايح يايبغاله تنظيف وعند واحد فاهم جدا جدا جدا او لابد من تغيرة
الاعتقاد الاخر يمكن عندك اسلاك البواجي فيها مشكلة
او اذا كان بخاخات لابد تنظفها

[مهداوي]

أنا مع أخوي هطول
كلامه ميه ميه سليم بإذن الله

[bn_501]

ناظر اسلاك البواجي


وناظر الديلكو اوزنه وان شاء الله يضبط

[هاوي غماره]

شف اسلاك البواجي

غيرهن منتب خسر شيء

وعلمنا

[عاشق المسانيد]

مشكورين وماقصرتوا الديلكوا وازنه ميه على ميه لاكن اسلاك البواجي راح اغيرها واعطيكم النتيجه

[ابومعاذالنجدي]

فيه موصير جايه من عند المكينه تركب عليها ليات شابكه في الكبليتر وعددها ثلاثه شف يمكن احد هذي اليات منفصل شيك عليها انا حصلي نفس هذا وطلع الي منفصل وشبكته وزان
اذا كل اليات مشبوكه صح يبيلك متخصص كبليتر خله يكشف عليه

[ابو طوق]

اذا كان عندك التقطيع قبل ياصل الكمبرشن الى رقم 3 وبعده فهذا ديلكو
اما من اول ماتمشي يقطع فهذا تنظيف كلبليتر

[aljthab]

يقولكم سوبر 98 يعني بخاخ ماهو كلبليتر

[عاشق المسانيد]

السلام عليكم

السياره بخاخ المشكله ياخذ اربع ساعات صافي ويومين يقطع واذا وقفت السياره ما فيها اي شي بس

بس اذا تحركت السياره

الحين وديته مركز الجابري على سطحه واتصلوا علي وقال صاحب المركز ان السياره ميه على ميه

ما فيها اي شي .

ياليت احد يفيدنا بالعطل يمكن يكون طرمبة بانزين انا غيرتها العام الماضي وحطيت طرمبة Bmw .

[اعشق الطيب]

مرحبا يا عاشق المسانيد حل موترك عندي باذن الله موترك في وسخ في البخاخ مليون بالمية وحصلت معي في كذا موتر رح أقرب محطة وخذ 3 علب منظف بخاخ نوع استوب وصبهن في تانكي البنزين وفلل وامسك خط من ساعة الي ساعتين وكرر نفس العملية اذا انتها ء التانكي وعطنا علومك بعدين وسلامتك ......... أخوك السبيعي

[عاشق المسانيد]

السلام عليكم

لقينا المشكله بخاخين اسلاكهم تقطع كهرب وصلحها وغيرة الطرمبه لقيت فيها ضعف وابشركم السياره

من احسن ما يكون اشكر الأخوان واشكرك اخوي عاشق الطيب لاكن اكيد طريقة منظف البخاخ ما

تضر السياره

[هوايتي مكشات]

يفيدونك الاخوان

[اعشق الطيب]

مرحبا يا عاشق المسانيد ما يضر بس خذ النوع الامريكي وكل عمارنا نحطه في مواترنا ولا جاها شيء

[صالح فهد]

السلام عليكم
ماراح ازيد على الاخوان بس عندي مثل مشكلتك واكتشفت انه مايسويها الا لما اعبي بنزين اخضر

[عاشق المسانيد]

الله لا يهينكم

[مكـiiiـات]

المشكلة واضحة تماما
حساس الهوا يقع بعد فلتر الهوا باتجاه البخاخ
سبق مرّت علي

[سوبر VTC]

الحمدلله ضبط موترك
و على فكرة
الباترول البخاخ خصوصا م 97 لو انشعر او انشق خرطوش القربة
اللي بين القربة و اللهاة
فان الموتر يكتم و يقطع بسبب الشق
و الحل يلفون عليه شطرطون عريض و يضبط
او تغير الخرطوش

[مكـiiiـات]

الحمد لله على سلامة موترك

[عاشق المسانيد]

السلام عليكم

الله يسلمكم وبيض الله وجيهكم

صحيح كلام الأخوان الباترول حساس