سالفة الجير المقبوض [الأرشيف]

مشاهدة النسخة كاملة : سالفة الجير المقبوض

المري

10/05/2005, 11:28 PM

السلام عليكم

في هذا الموسم وبالضبط في اخر المقناص مع اول عبور الكروان شريت لي جير ابيض من واحد شاريه

من واحد وقال الطير مقبوض المهم شريت الطير وخبرت الصقاقير اللي مضيع له جير تراني عندي المهم

هديته على الكراوين وعلى الحمام المهم الطير اطياره فارط في الطيور

يعنى افروخ الشواهين ماتطير اطياره.. كل واحد يتخيل في خياله طير سبوق هذا اسبق...

المهم الطير سيم سومات كثيرة وعطوني فيه قيمة طيبة ولكن الله ماقسم دراهمه..

المهم الطير قيضته عند رجال ويوم جاء يوم من الايام جاءو ربع يتشرون الطيور ويدورون الطيور الطيبه

المهم يوم دخلوا عليه الربع وهو مع اطيور كثيرة قال لراعي المحل : ياحافظ ياعقلان هذي جير الامير

فيصل بن تركي ومضيعين هالسنة وفيه جهاز وحجل (( فتخة )) المهم ماوعيت اللي الجوال يرن

هلا مرحبا .. قالوا الطير طير معزبنا ومضيعينه في رمضان وكذا وكذا وطبقوا اوصوفه واطبوعه

المهم قلت كنه طيركم تستاهلون وشيلوه قالوا بكلم الامير وبنخبره المهم الحمد لله على العقلان

والطير مازال عندي , المهم كلمت راعيه الثاني وقلت الطير في فتخه وفيه جهاز قال: يقول راعيه

الاول مافيه شي ..

انتهت السالفة..

الفيتو

11/05/2005, 04:20 AM

بسم الله الرحمن الرحيم
السلام عليك يالمري .. زانت علومك واهنيك تمتعت بالطير السبوق وتجملت
مع اهله ..وهذي مهوب غريبه على شرواك .أما راعيه الأول يقول
مافيه جهاز معليش لكن مافيه فتخه ! في الحجاز نقول
وين نصرفهايا خوي يو م قلت(( كل واحد يتخيل
في خياله طير سبوق هذا اسبق))
شعر راسي وقف هذا
التوصيف اول مره
يمر علي
أعــجــبــتــنــي بالــحــيــل مــبــالــغــتــك
والسلام
الفيتو
الحجاز
2-4-1426هـ

طيرحوران

11/05/2005, 07:42 AM

تسلم والله يالمري
ويرزق الله ابرك منه .هذه سلوم الرجاجيل شرواك ومن يقراء

ألمزوحي

11/05/2005, 11:22 AM

المري لاهنت على السالفه ولا هي غريبه عليك
مع انى ماعرفك الا من المنتدي

سلطان نجد

11/05/2005, 03:09 PM

مشكور اخوي المري على علومك الطيبه
وماهي غريبه عليك فعل الطيب
وياليت كل الصقاقير مثلك ولا يهنون اخواني القراء
والله يعطيك العافيه

أبو رداد

11/05/2005, 03:42 PM

في هذا الموسم وبالضبط في اخر المقناص مع اول عبور الكروان شريت لي جير ابيض من واحد شاريه

من واحد وقال الطير مقبوض المهم شريت الطير

وعليكم السلام ورحمة الله وبركاته

الله يعينك ويعوضك ... بس اسمحلي اخوي هي غلطتك من البدايه ... لو كل الصقاقير ماتشتري الطير الامن اهله كان ماصار مشاكل ... وعندنا مثل (الدقه الي علمتك ماضرتك ) ...

بوصقر

13/05/2005, 01:45 PM

السلام عليكم

الله يعوضك اخوي المري

وللأسف أكثرت الناس لدور على طيور العرب حتى تشبكها وبعد فتره يبيعه

وأنا أوافق اخوي بورداد

المري

14/05/2005, 01:24 PM

تسلمون جميعا على الردود الطيبة ...

وكلكم فيكم ابركه..

يوم اني شريته والله اني متوقع صاحبة في اي لحظة ولا قصرت خبرت هل الاسواق اللي حولنا ..

والحمد لله على العقلان...

في هذا الموسم واجهت واحد من ابناء البادية وكان معه شاهين جير المهم لقيت فيها فتخة عليه جوال اماراتي

المهم قلت هذا طير ناس المهم قال اشتريته قلت : 1500 قال نصيبك وانا اعطيه الف وخمس وعلى طول والله دقيت الرقم

المهم كلمت الرجال وخبرته وعلمته بالسالفة وراح يضحك ,, والحمد لله على العقلان..

تقبلوا تحيات اخوكم / المري

ابو عايد

21/05/2005, 10:25 PM

تسلم والله يالمري
ويرزق الله ابرك منه .هذه سلوم الرجاجيل شرواك ومن يقراء

هذا من طبع الصقارين الي فيهم خير ونخوه

تسلم على هالقصه

وتقيل تحيات// العاشق الولهان

مؤيد

24/05/2005, 11:03 AM

يخلف الله عليك بابرك منه مهواب شراء ولاعطيه انشاله تشبكه انت\ ويعطيك العافيه علي هل العلوم اطيبه

مؤيد

24/05/2005, 11:03 AM

يخلف الله عليك بابرك منه مهواب شراء ولاعطيه انشاله تشبكه انت\ ويعطيك العافيه علي هل العلوم اطيبه

مؤيد

24/05/2005, 11:10 AM

يخلف الله عليك بابرك منه مهواب شراء ولاعطيه انشاله تشبكه انت\ ويعطيك العافيه علي هل العلوم اطيبه

محمد الفهيد

31/05/2008, 12:37 PM

موضوع قديم يابومعيض
واشتقنا لعلومك الطيبه

بس ابي اعرف ايش صار مع الطير هل رجعته..؟

جارح العين

31/05/2008, 10:18 PM

لاهنت اخوي على هالسالفه
يعطيك العافيه

لعّاب المنايا

01/06/2008, 12:22 AM

ماهيب غريبه على فحل مثل شرواك ,,

علومك دايم زينه يابو معيض ,,,

بـــن خــتروش

01/06/2008, 12:28 AM

بيض الله وجهك ياخوي