لكن حسافه مال حظي على فين ! // صقري غدى بين الصقاقير شبــوط

[ناوي صيد]

يا جرّ حالي مثل جر المساجين // لساحة السياف ماهوب للسوط
أسهر بونّات الفقارى المساكين // مكسور خاطر تالي الليل محبوط
كلّه سبب حب الطيور الشياهين // اللي هواها بين الأضلاع مربوط
هيبة ملك يا تاج راس المزايين // أنا اشهد إنك مانح(ن) للفخر شوط
اهيم بك وأكحل الرمش والعيـن // وبشوفتك لو بي حزن صرت مبسوط
مير اش نسوي الحظ يا سيدي شين // ويا ويل من حظه على طول محطوط
طرحت صقر وقلت يا حظي الزين // الصدر فاتح لون والراس منقوط
لكن حسافه مال حظي على فين ! // صقري غدى بين الصقاقير شبــوط
كتبت شعري والشعر للميامين // كنّه مثل جير(ن) من الزين مخطوط





وســــــــــــــلامتكم

[نمر الصحراء]

صح لسانك اخوي ناوي صيد
مشكورلكن حسافه مال حظي على فين ! // صقري غدى بين الصقاقير شبــوط
الله ايكون في العون

[فيصل الذيب]

صح لسانك
مشكور ماقصرت

[ذراع الذيب]

السلام عليكم ورحمة الله وبركاته,,
مسيت بالخير يالخوي,,

صح لسانك على هالقصيده ..لكن حسافه مال حظي على فين...صقري غدى بين الصقاقير شبوط,,
ماهي الا البدايه في محاولة طرح الوحش وهالبدايه مرة على اغلب الطواريح المخضرمين,,
شد حيلك وان راده الله تطرح النادر والله يرزقك ان شالله ولاتيأس والله يعطيك العافيه ويبارك فيك,,
تحياتي لك,,

[بوعيسى71]

لاهنت على الجزله بارك الله فيك

[الــفــيــصــــل]

صح لسانك قصيده جزله وفالك الفارسي

[المظهور]

الله يكون بعونك

[صقار مبتدئ]

صح لسانك و تطرح الفرخ التام ان شاء الله

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك أخوي على القصيده الطيبه وبيض الله وجهك وجعلك الجنه..
هيبة ملك يا تاج راس المزايين // أنا اشهد إنك مانح(ن) للفخر شوط
اهيم بك وأكحل الرمش والعيـن // وبشوفتك لو بي حزن صرت مبسوط

[ابو الليل 1]

صح لساااااااااااانك

[ابوناصر السهلي]

صح لسانك ويعطيك العافيه