طبق قميري على طريقة الازرق

[عبدالله العمير]

بسم الله الرحمن الرحيم

طبعا من الذ الأكلات هي كبسة القميري وكلن له طريقته الخاصة

http://www.alrassxp.com/forum/up/files/1507/.62....jpg

بدايت البدايات هي النتف وتقليم السيقان لان السياقان يطلع له طعم اذا ماتم قصها


http://www.alrassxp.com/forum/up/files/1507/1145332.jpg

طبعا المطلوب لاتمام مثل هالكبسة :
1. قدر كاتم <<المقاس على عدد الكروش .

2. القميري.

3. الملح والبهار والطماط والبصل والصلصة والعلوب والليمون الاسود والقرفة والعلوب <طبعا القدر على تقدير الطباخ

4. ملعقة خشب مجخورة من الوسط لان الوصفة ماتكمل الا به < يوحي بالاتكيت


http://www.alrassxp.com/forum/up/files/1507/.8...jpg

تضع اللحمة مع الكشنة وتقلبها على النار <تراه ماعنده سالفة ولا عمر احد كشن بقدر كاتم

http://www.alrassxp.com/forum/up/files/1507/.10...jpg

بعدين تحط كل الي عديتهن قبل شوي مع بعض مع الماء ويكون على قد الرز الي تبي تحط تقريبا

وتحسبله حسبك لان القدور تختلف منها الي يبيلة ثلث منها الي يبيلة ازود او اقل

وبعدين تربص رزك وتجهز علوبك وقنابلك وثومك <<انصحكم ونفسي بالثوم الطيب وخصوصا المتزوجين

http://www.alrassxp.com/forum/up/files/1507/.11...jpg


اذا تم الوقت تفك البلف وتصك القز وتحط ليمونة سوداء على البخار وهو ينسم علشان الطعم < لاقيهم

وتفتح القدر وتذوق ملحة وتشوف هن النهلصن او لا وثمن تكبس عليهن الرز الطيب <يبي يتعذبون راعين المصمصة

http://www.alrassxp.com/forum/up/files/1507/.12...jpg

عاد تشب علية لين يبدا ينسم وثمن تقصر علية وتحسبلك ابو ربع ازود او انقص هذا عاد يرجعلكم

http://www.alrassxp.com/forum/up/files/1507/.13....jpg

اذا قظا وفرشت سفرك وجهزت الزلطاية فك البلف وافتح القدر <تقل يشرح لعميان هههه

http://www.alrassxp.com/forum/up/files/1507/.14...jpg

وازبط النتسبة زين ولا تنثر الرز مثلي وبالهني والعويفية

http://www.alrassxp.com/forum/up/files/1507/.15....jpg

والي عنده زود يعلمنى , ولا تحرموننى من توجيهاتكم

[ريف النشاما]

الله الله

شفل متكتك ومهندز ومرستك

أقول الله يرحم والديك مايبيلها هذا شغل حريف

وتشكر حقيقتا على هذه السفره وبالهناء والعافيه عليك

تحيتي

[صقر]

تسلم يالازرق على هالوصفة

الحقيقة انك جوعتنا ..وبس ...
بس معلومة الارجل هذي أول مرة أسمع بها .... انا خايف ان الطعم يتغير من (علوب الحبحر ) اللي انت حاط ... كل قميرية لها علب خاص ;) !!!

تراي امزح معك :j

بارك الله فيك.

[عليان الليل]

واقلبي اللي يوجعن .. قلبي تمزع ..كلاي طلعت
راسي تساقط شعره..
حسبي الله علي السياسة اشغلتنا..
ياخي طولت يالازرق وين الناس ولهنا عليك
ما يصير الكلام ذا..

[أبوأحمد98]

باسلام ....عليك الازرق ...قسم بالله ضربت على الوتر الحساس .....شغل مزبوط مشاء الله ....بالعافيه ...

وشكرا

[عبدالله العمير]

ريف النشامى

هلا والله فيك وهذا والله من ذوقك وحبيت اني اشارككم الزينة ولا الشينة محشومين عنة ان شالله

-------------

صقر

هلا والله وغلا وبعدين تدري عاد اني ماطيق العلوب ولا ريحتهن بس مجبر اخاك لابطل

وبعدين الرجلين ايه والله يطعمن ويلونن بالطبخة بس مايميزة الا الشيف الي مثلي ههههه

--------------------

عليان والله اني داري اني ابضيق عليك بالموضوع

بس عين من الله خير وترانا مرينا بالي مريت به كله كم شهر وينطلق رباطق

-------------------------

ابو احمد ههههههههههههههههههه

هلا وغلا وماهنى الا العافية ياخيي ومافات الا الشر وعدن وتزين امورك ان شالله

[البرحه]

السلام عليكم

ما اقول الا يامال العافيه على هالشغل السنع

وجعله هني وعافيه

وشلمني على الي صاف السفره

خصوصا الفناجيل الي ماسكه السفر

[اخو مناحي]

الله يعطيك العافية
بس عندي سئوال ممكن نفس الطريقة تنفع مع الحمام أو اي طيور أخري
بعدين السيقان و عرفنا وش الحكمة من تقطيعها بس الثوم وش السالفة شايفك ما تركته حتى في الصحن مرتز في الوسط

[عبدالله العمير]

البرحة

هلا وغلا وماشالله عليك اثرك مدقق هههههههههههه

بلا والله من شخوفن يشخف السفرة مركز الفناجيل ههههههه

تسلم والله

------------------------------

اخو مناحي

هههههههههههههههههههههههههههههههههههههه

الثوم سلمك الله لان كل الطبخات الي اصورهن بالبر وجرت العادة في كل رحلة لابد اننا نشيل الممنوعات العائلية

الي هي الثوم والحلبة والحلتيتة وعقب صارة من مكملت الاكل والصور ههههههههههه

[أبــوريـــان]

بعدي والله يالازرق
عاداتك حريف بالطبخ مثل منت حريف في التصوير
يعطيك ربي العافية

بس عندي سؤال ليش صورك بذات تطلع عندي بها شكل اذا حفضتها(صورة 1)

http://www.alrassxp.com/forum/up/files/3712/2888624444444.jpg

وإذا فتحتها تطلع كذا(صورة2)

http://www.alrassxp.com/forum/up/files/3712/ffffff.jpg

[مهندس كمبيوتر]

ابو ريان ابفزع لك قبل لا يجي الازرق

اضغط على الصورة بالزر اليمين

واختر فتح بواسطة

بيعطيك لستة برامج

اختر منها : عارض الصور والفاكسات من ويندوز

او انقليزي Windows Pictures & Images Viewer

وحط تحت صح لجعل البرنامج هو الفتراضي لفتح الصور

وتنحل المشكلة باذن الله

[الوشاح]

الازرق هذا الشغل ولا بلاش

صقر وصلت الرساله :mad:

[عبدالله العمير]

هذا التميز اسمة يابوريان <<يوحي بالتمييز ههههه

لغدي المهندس ماقصر وسان ماسد علمن

---------------------------------

هلا وغلا بعريفجان ساحوق والله

وتسلم على الاطراء

[اسيزو 4x4]

مشاء الله عليك أخوي الأزرق الصراحة شغل أنتيكة مشاء الله عليك

وبالغافية عليك يالغالي

[عبدالله العمير]

اسيزو

هلا بك وغلا وتسلم على المرور والمشاركة

[العـــــطاف]

ماشاء الله عليك شغل مضبوط

جوعتنا بس عجز لنتف من اللي بفليزر (سن به شيء)

الله يجيب الموسم الجاي على خير ويوفقنا احسن من الموسم اللي راح يارب

[عبدالله العمير]

العطااف صدقت والله هالموسم ماش حمام

لكن الوانسة مايحتاج والله

شكرا على مرورك

[مسنع ربعة]

أخوي الأزرق اانا مسوي رجيم هليومين لكن بعد ماشفت هالصحين الأخير حسيت بداخلي إكتئااااااااااب وانا ما آكل الا ربغ خبزة وسلطة وشكلي ابي أخرب الرجيم والسبب انت وهالكبسة الي تقطر سعبوله مشكور اخوي

[رفيع الشان]

منازله عافيه وصحه .

وش الشغل المرستك هذا .. مانقص السفره الا قرسون ( اسمه كذا ولا لا :) ) ..

يعطي العافيه وكثرفي الثوم :) .... فمان الله

[عبدالله العمير]

مسنع ربعه هههههههههههه اضحك الله سنك يابن الحلال لاتطاوعن اجل تسان مسوي رجيم

ولاتخلين سبب ياخيي واستمر على مانتب علية وودي اني اسوي مثلك لان زيادة الوزن مصيبة

---------------------------------------------------------------

رفيع الشان الله يعافيك والله

واية هي هي غرسون او قرسون الي تبي

شكرا على مرورك واسف على تاخر الرد

[الــفيصــل]

اخي الازرق
جزاك الله خيرا
شهويتن وانا توي متعشي الحقيقة شغل فن وحرافة خل عنك بس وترى بة من طبخ اخوي ابوعبدالله ليتة يتعلم منك زيادة
وبارك الله فيك وجعلك ذخر للطباخين.

[نسناس]

صراحة ماقصرة يا الازرق مابقا شي ماسويته ماشاء الله عليك عيني عليك باردة

[جمران]

اه منكم يالرساوية على الشغل السنع والمتكتك
لا ومكملين الشغل بعلوب حبحر وثوم
هذي اكبر نعمة (قميري +حبحر+ ثوم) =؟؟؟؟
الف تحية على الشغل العدل

اخوك جمران

[أسامة يبرود]

والله شي بشهي النفس ..........................صحتين وهنا وعافيه يا الازرق