شاك في صليبات الشروكي ؟ [الأرشيف]

مشاهدة النسخة كاملة : شاك في صليبات الشروكي ؟

فايق ورايق

03/06/2010, 03:39 PM

السلام عليكم
السيارة نوع شروكي 98
اخواني الافاضل......عامود الكردان ركبت فية صليبات تجارية ونزلت الجير 2 سم المهم انة عند السرعة 75 فية ونة خفيفة تروح عند السرعة 80 ويطلع الوضع بعدها عادي....

السياره من ناحية العامود+الى الدفرنس مفحوص ويقولون لي ان الوضع ممتاز مافية شي

يعني الدفرنس تمام والجير تمام وعامود الكردان تمام

وانا اللي سويتة هو اني مركب صليبات تجارية واللي تركب على سيارات الفورد قستها على القديم وصار تتطابق

هل تهقون اذا ركبت اصلية (سبايسر) يتغير معي شي والا عندي مشكلة ثانية ماجبت خبرها

تحياتي

وطني

03/06/2010, 06:40 PM

اولاً ليش نزلت القير ؟
وإذا كنت رافع السيارة القير ينزل 1سم فقط
والصليبات الأصلي احسن بكثير

فايق ورايق

04/06/2010, 12:08 AM

شكرا على مرورك

انا ما رفعتة هو على رفعت بلده بس جت الحره بعد الصليبات التجارية والظاهر ان الصليبات حقات فورد بس هي نفس الشكل والمقاس حقت البلد وجدد

وانا اللي محيرني ان ماينزل الجير الا اللي رافعين سيارتهم وسيارتي رفتها طبيعية واصلا انا ماني راعي ترهيم فالسيارة

بس مالي الا اني اغير الصلبان باصلية حقت شروكي(سبايسر)

بس انا طالب شوركم هل شكي في محلة

تحياتي

سوبر VTC

06/06/2010, 03:45 AM

فايق ورايق

06/06/2010, 04:21 PM

الصليب الامريكي اللي ب20ريال ممتاز جدا
يجي عليه مشحمة
و عيبه ما يتحمل ان تمتل موتر مغرز
البديل صليب سبيسر يجي انواع
نوع له راس مشحمه اعتقد ب50ريال
و ثاني اصلي حق البلد بدون مشحمه اعتقد ب70ريال
اهم عند تركيب الصليبات حتى لو هو صيني
ان الصليب بعد تركيبه يكون يتحرك بسهولة
لو كان ثقيل فاعرف ان الصليب محمل على جهة واحده
و دليل ذلك ان الموتر ينتفض على سرعة 60 و طالع
لازم تطقطق العامود بالشاكوش من كل جهات الصليب

هلا ومراحب
شف انا طلع عندي الحره بعد ماركبت الصلبان التجارية شاريهن من قطع غيار فورد ونزلت الجير وراحت الحره بس حسب معلوماتي المتواضعة انا ماينزل الجير الا الي رافع موتره وانا رفعت موتري طبيعية(البلد) ودي ارجع رفعت الجير وخلي السياره شد بلد بس خايف من هالحره هل تهقأ اذا ركبت سبايسر اصلية اقدر ارفع الجير ورجع شغل البلد للسيارة بدون حرة والا مشاكل .....لااني ماجتني هالمشاكل الا بعد الصلبان التجاري وبالنسبة لطق العامود بالشاكوش هل اطقه وهو راكب بالسيارة والا وهو مفكووك

تحياتي

سوبر VTC

07/06/2010, 01:38 AM

الحرة له عدة اسباب

ربما مصادفة و وافقت توسع الانثى حقت عمود الدبل
او
تركيب خاطئ للصليبات

هذي الاثنى بالصورة تحت
حركه بيدك فوق تحت اذا به فضاوة فهي تسبب حرة
و افضل حل تغير العمود بالكامل و تركيب عمود ياباني من التشليح
سواء المطيويع او كرامة الفعيم او الهاشل
والعرموطة الانثى لازم تشحم بالشهر مرة او شهرين عشان ماياكل الحديد بعضه
و من ثم تتوسع و يصير به فضاوة

http://www.mekshat.com/vb/../pix/upload01/prof005/mk53291_pbjpdj.jpg

رابط

الجزء2: طريقة واضحة السطوع للتخلص من حَـرّة الشيروكي المرفوع "مهم" (http://www.mekshat.com/vb/showthread.php?t=56781)

مثال بخصوص الحرة
احد الربع ركب 6 عمدان للدبل و ماراحت الحرة
و صار السبب انه اثناء تغيير العمدان صار فيه ميول بالعمود الخلفي قضاء و قدر وافقت و
ربما بسبب قومة الموتر القوية عند اشارة او ربما جلد و متل الموتر بالنفود
اثر على العمود الخلفي على الرغم من الصليبات ممتازة و اصلية
الشاهد
غير العمود الخلفي من التشليح ب300ريال و راح 60% من الصوت :good:
رجع و غير عمود الدبل من التشليح و اختفت الحرة نهائيا :good2:

من وجهة نظري الافضل
تنزيل القير 1 او 2 سم اريح لعمود الدبل + عمود الكردان

فك العمود الخلفي و حرك الصليب بيدك اذا كان خفيف فهو ممتاز
اذا كان ثقيل فلازم تضرب بالشاكوش على خفيف طبعا
من عند النقطة الحمراء و مع الجهة الاخرى المقابلة ايضا
و تشوف هل خف ام لا ؟
و ايضا تاكد من الصليب من عند جهة القير
وترى عادة يطيح رمانه واحده بوسط طاسة الصليب و تعترض بشكل عرضي
و بالتالي ما يركب الشنبر مضبوط و يكون الصليب ثقيل مايتحرك بيدك بسهولة
و ايضا يسبب حرة و نفضة للموتر

http://www.mekshat.com/pix/upload04/images168/mk53291_ooooooo.jpg

هنا الشنبر التامين اللي يخلي طاسة الصليب ما تطلع من محله
تاكد من وجود هذا الشنبر
لو كان الشنبر طايح فان الطاسة تطلع من محله و تسبب نفضة للموتر
و يمكن يطيح العمود لا قدر الله

http://www.mekshat.com/pix/upload04/images168/mk53291_oioiooi.jpg

و من جهة نظري ان الصوت اللي عندك من رمان العكوس الخلفية من عند الهوب
بدليل ان الصوت يطلع من سرعة 60 الى 80 ثم يختفي
و دايم تصير بالشيروكي
و به مواتر الصوت له سنتين و اكثر و لا ضرهن

فايق ورايق

07/06/2010, 07:12 AM

رحم الله والديك وبيض الله وجهك

طقت الصليب الخلفي بالمطرقة وتقل راح الصوت واللي بسوية اني بركب صلبان اصلية سبايسر واخلي الجير نازل 2 سم على قول اريح للعمدان

جزاك الله خير

سوبر VTC

07/06/2010, 10:10 AM

لاهنت
طبعا تطق العمود بعد ان تفكه
نسيت نقطة
ليش انت غيرت الصليب ؟
لان الصليب البلد يكد اقل شي 7سنين او اكثر

فايق ورايق

07/06/2010, 06:01 PM

لاهنت
طبعا تطق العمود بعد ان تفكه
نسيت نقطة
ليش انت غيرت الصليب ؟
لان الصليب البلد يكد اقل شي 7سنين او اكثر

غيرته بسبب الجلده مشقوقة اللي بالعامود وقلت بالمره اغير الصلبان

بس