لإصحاب الذوق الرفيع الذين يعشقون الاطباق الفاخرة المميزه يتفضلون؟؟

[أمير الصيد]

بسم الله الرحمن الرحيم


ان شاء الله تكونوا بالف خير وبالف صحة وعافيه ،،


اليوم حاب اضيف لهذه الخيمه الرائعه طبخه رائعه وجميله
ولها مذاق خاص وفريد خاصة عند أهل المكشات ؟


واحببت ان تتذوقونها معي ولو من خلال الصور وهي اكله
سهله وبسيطه ومفيده وشهيه جدا للي يحبونها ويعشقونها ويموتون فيها ؟
وانا واحد من هؤلاء العشاق ؟


لن اطيل عليكم واليكم الصور مع الشرح عليها قدر الأمكان :



http://www.mekshat.com/pix/upload04/images168/mk31037_001.jpg


البهارات : ليمون اسود – قرفه (دارسين) - بهارات مطحونه مشكله -هيل –
قرنفل (عويدي أو مسمار؟) - ماجي - معجون طماط - بالاضافه الى ملح وزيت الخ..





http://www.mekshat.com/pix/upload04/images168/mk31037_002.jpg


خضار : خس - طماط - فلفل بارد وحار - بصل - بقدونس - جزر - بطاطس - ليمون-
فجل احمر -
طبعاً الخضار شي مع الطبخة وشي مع السلطه .





http://www.mekshat.com/pix/upload04/images168/mk31037_003.jpg


خضار الطبخة بعد التقطيع مع (بعض ثوم) والبصل تم وضعه في القدر مسبقاً .





http://www.mekshat.com/pix/upload04/images168/mk31037_004.jpg


البصل اثناء التحميص .





http://www.mekshat.com/pix/upload04/images168/mk31037_005.jpg


وضع كامل البهارات مع التقليب





http://www.mekshat.com/pix/upload04/images168/mk31037_006.jpg


الضبان جاهزة والمفروض تكون مقطعه ولكن فضلت هذه المره تكون غير مقطعه للتغيير .





http://www.mekshat.com/pix/upload04/images168/mk31037_007.jpg


الضبان لازالت جاهزة وتنتظر قدر الكاتم ؟؟





http://www.mekshat.com/pix/upload04/images168/mk31037_008.jpg


تم وضع الضبان داخل القدر وننتظر الانطلاق ؟





http://www.mekshat.com/pix/upload04/images168/mk31037_009.jpg


توكلنا على الله وربطنا الاحزمه استعداداً للانطلاق ؟





http://www.mekshat.com/pix/upload04/images168/mk31037_0010.jpg


الطبخه اصبحت جاهزة بعد ساعة تقريباً





http://www.mekshat.com/pix/upload04/images168/mk31037_0011.jpg


وهذي صور اقرب للطبخه .





http://www.mekshat.com/pix/upload04/images168/mk31037_0012.jpg


منظر جوي للطبخة بعد التجهيز على السفره ؟





http://www.mekshat.com/pix/upload04/images168/mk31037_0013.jpg


السفره اصبحت جاهزة مع المشروبات ولكن من زود الحرصه على الاكل نسينا
نضبط السلطه ؟؟ ولكن عوضناها بشوربه الضب صراحه شي خيال ؟





http://www.mekshat.com/pix/upload04/images168/mk31037_0014.jpg


وهذ صوره نهائية وعن قرب للطبخه تفضل حياكم الله ؟؟





http://www.mekshat.com/pix/upload04/images168/mk31037_0015.jpg


الصوره هذي مالها علاقة بالطبخه بس بما أنا نسينا السلطه قلنا نعوض
بطبق من الفواكه مع مشروب البيره لزوم الهضم والمخمخه ؟؟





http://www.mekshat.com/pix/upload04/images168/mk31037_0016.jpg


الطبق هذا هدية لكم وعليكم بالعافيه وتستاهلون اكثر ؟ .






انشاء الله اعجبتكم هذه الطبخة المتواضعه وسامحونا على القصور .
.


ملاحظه/ المعذره لان العنوان قد لا يكون مناسب مع الموضوع
ولكن لغاية في نفس يعقوب ؟ وعلشان محد يسئلني ؟؟
لأن لو تطرقت للضبان بالعنون لما دخل إلا محبين الضبان فقط ؟ وأنا
احب أن يدخل الجميع الموضوع لأني كريم؟؟ ودايما ارحب بالجميع
وانتم تستاهلون كلكم لانكم اخواني جميعا ؟؟؟؟_
وياهلا فيكم وحياالله كلن باسمه _
وأن شاء الله
مش حتقدر تغمض عينيك
بعد هذه الطبخه ؛


وتحياتي للجميع _


أخواكم / أمير الصيد

[أبو مشعل]

السلام عليكم ورحمة الله وبركاته

ما شاء الله عليك طبخة ضبان عاااال العاااال

وصور حلوه تسلم اليدين الي سوته الله يحرمها النار قل اميييييييييييييييييين

سؤال انا من مدمنيين الضبان و اشوفك طابخه مع الجلد .زفرة (الريحه) الضب فيه والى لا

تقبل مروري


اخيك في الله

ابو مشعل

[ابورايف]

صايد وفايد
الله يعطيك العافية
طبخة رائعة وصورمميزة
وتقبل مروري

[جوبتير]

ما شاء عليك الله لا يضرك اما من ناحية فاخره فهي فاخرة (vip) ومن ناحية الذوق فهو مره رفيع حتى انه بغى ينقطع من الرفع بصراحه شي شي غير طبيعي احس سعابيلي نشفت :D

مشكور بارك الله فيك
وكل ما يعجبك والبس ما يعجب الناس ،، رغم اني غير مقتنع في المثل

[guns]

مفطحات ضبان هذي تسلم اياديك

بالنسبة لبو مشعل بعد اذن امير الصيد

يستفسر عن الزفرة

لو سلق في ماء حار ونظف اكثر من مره مع تغيير الماء تروح الزفرة

[أمير الصيد]

هلا اخوي ابو مشعل واشكرك على كلماتك الجميله _ يخليك ربي عزيز وغالي
أما بخصوص سؤالك عن طبخه بالجلد ؟
الضب مشكلته بالريحه اللي انت اشرت إليها وسوا بجلد أو بدون جلد بمعني اهم شي عند طبخ الضب من وجهة نظري الشخصيه هو انك تسلقه لوحده لمده 20 دقيقه حسب حجم الضب سوا مسلوخ او بجلده حتى تروح الزفره والريحه اللي تتكلم عنها واذا كان بجلده يحتاج إلى ازاله القشره الخارجيه ومن ثم تنضيفه وطبخه من جديد واعتقد انك تعرف هذه الطريقة مادمت مدمن ضبان _
وانا سلقته ونظفته مسبقا ولكن لاداعي لأضافه الصور لان مالها لزوم _ وحتى الصور بعد الانتهاء من الاكل لا اري داعي لإضافتها _

والف شكر لك على المشاركه وتشرفت بمشاركتك وتحياتي؛

[أمير الصيد]

هلا وغلا اخوي ابو رايف
والف شكر لك على المشاركة وبيض الله وجهك .
وتحياتي لك .

[de7my]

عليكم بالعافيه...ما اتخيل نفسي اكل ضب.

[أمير الصيد]

ما شاء عليك الله لا يضرك اما من ناحية فاخره فهي فاخرة (vip) ومن ناحية الذوق فهو مره رفيع حتى انه بغى ينقطع من الرفع بصراحه شي شي غير طبيعي احس سعابيلي نشفت :D

مشكور بارك الله فيك
وكل ما يعجبك والبس ما يعجب الناس ،، رغم اني غير مقتنع في المثل



هلا بك اخوي جوبتير واسعد الله مساك
ومشكور على المشاركة وعلى الكلمات الرائعه الجميلة
وهذا من ذوقك بارك الله فيك .
تحياتي لك .

[أمير الصيد]

مفطحات ضبان هذي تسلم اياديك

بالنسبة لبو مشعل بعد اذن امير الصيد

يستفسر عن الزفرة

لو سلق في ماء حار ونظف اكثر من مره مع تغيير الماء تروح الزفرة





هلا وغلا اخوي
ومشكور على الاضافه والرد على اخي الكريم ابومشعل وكلنا نكمل بعض

تصدق اني فكرت اكتب بالعنوان مفاطيح ضبان لكن ؟؟ تراجعت وغير العنوان ؟
مشكور على المشاركة وتحياتي لك .

[أمير الصيد]

عليكم بالعافيه...ما اتخيل نفسي اكل ضب.



ياهلا ومسهلا اخوي de7my

نفسي تجرب ومش حتندم حتدعيلي ان شاء الله ؟؟
ولا تستغرب أي شي حالياً فيه همبرقر حاشي ويمكن
مستقبلا تشوف همبرقر ضبان ؟؟؟
خاصة أن فيه الان بعض الشباب المختصين بالضبان يسونه بروستد ؟؟
انا نفسي اعرف وش اكلتك المفضله ؟؟ لا تزعل على اخوي ترى امزح معك ؟؟
حبيت اضيف بعض المرح بهذا الموضوع لا أكثر
الف شكر لك على المشاركة وماقصرت وقلبك ابيض .
تحياتي .

[alabewy]

الحمدلله اني تعشيت قبل لا اشوف موضوعك

لاني من جد ما ادري شلون تاكلونه


المهم بالصحه والعافية وعقبال ماتنقرض الضبان


تقبل تحياتي اخوك العبيوي

[همس الغدير]

مشكور اخوي طبخة سنعه بس الله يكفينا شر الكرسترول

[رعد الصحراء]

ماشاء الله تبارك لله



الأخ الغالي / أمير الصيد



ياهلا ويامرحبا فيك ونورت الخيمه



الله يعطيك العافيه



أعجبني العنوان ودخلت على طول :) وتفاجأت بالضبان



تسلم يمينك وبألف صحه وعافيه على قلبك يابرنس



بانتظار جديدك ولاتطول علينا



تقبل تحيتي

[سلطان العمري]

طبخه محترمه عسى معها العافيه

ودي اجرب الضبان بس ماطاوعتني نفسي !!

[أمير الصيد]

الحمدلله اني تعشيت قبل لا اشوف موضوعك

لاني من جد ما ادري شلون تاكلونه


المهم بالصحه والعافية وعقبال ماتنقرض الضبان


تقبل تحياتي اخوك العبيوي

تصدق اخوي العبيوي يوم قريت السطر الاول تعاطفت معك ؟؟ قلت يمكن الرجال مشتهي ضبيبات ؟؟

بس يوم قريت السطر الثاني فهمت وش كنت تقصد ؟؟

على العموم مشكور اخوي على المشاركة وانشاء الله ماتنقرض الضبان ؟؟

وتحياتي لك .

[أمير الصيد]

مشكور اخوي طبخة سنعه بس الله يكفينا شر الكرسترول

هلا وسهلا اخوي همس الغدير
وزي ماقلت الله يكفينا شر الكلسترول
لكن اللي مهونها أن الاطباق هذي ليست بأستمرار
وقليلة جداً .

مشكور اخوي على المشاركة ويعطيك العافيه .

[أمير الصيد]

ماشاء الله تبارك لله




الأخ الغالي / أمير الصيد



ياهلا ويامرحبا فيك ونورت الخيمه



الله يعطيك العافيه



أعجبني العنوان ودخلت على طول :) وتفاجأت بالضبان



تسلم يمينك وبألف صحه وعافيه على قلبك يابرنس



بانتظار جديدك ولاتطول علينا




تقبل تحيتي




هلا وغلا بمشرفنا العزيز
وشرفتني بدخولك الموضوع ومشاركتك فيه

اجل صدتك بالعنوان ؟؟ هذا ما كنت ابحث عنه أن تشرفني بموضوعي بهذه الطريقة ؟؟

كل الشكر والتقدير لك اخي رعد الصحراء ،
والله يعطيك العافيه .

[أمير الصيد]

طبخه محترمه عسى معها العافيه

ودي اجرب الضبان بس ماطاوعتني نفسي !!


هلا والله اخوي سلطان والله يعافيك على المشاركة
اتمنى انك تجربها فعلاً وتحكم بنفسك ستجد لها لذه في طعمها لا تقاوم .
وان اتوقع انها سوف تعجبك ومراح تخسر شي أن جازت لك وإلا الوجه من الوجه ابيض؟؟
الف شكر على المشاركة وتحياتي لك .

[عاشق السيل]

كفو يالذيب عز الله إنك كفيت ووفيت وجعلها بألف صحة وعافية على قلوبكم ،،

بصراحة أنا طارت عيوني على صحن الفاكهة أكثر !!

وكنت متحمس جدا لصحن السلطة بس الله يهديك حرمتنا شوفته ولازم تعوضنا ههههههههه

بانتظار جديدك من الإبداع وتقبل مروي يالغالي .....

[ألأطلسي]

ماشاء الله عليك
ليتك دايم تصيدنا وبالعكس لو حطيت العنوان للغلابا فقط تبي تشوف ردود اكثر
بس بين وبينك ماتخبرمن هالعينه شي
بالعافيه على قلبك وقلب من اكلها معاك

[FA.www.AZ]

زووود على ان الأكلة ظبان .. مع الجلد .. وبالحجم الهائل >>> بدون تقطيع

احييكم على الجرأهـ

[أمير الصيد]

كفو يالذيب عز الله إنك كفيت ووفيت وجعلها بألف صحة وعافية على قلوبكم ،،

بصراحة أنا طارت عيوني على صحن الفاكهة أكثر !!

وكنت متحمس جدا لصحن السلطة بس الله يهديك حرمتنا شوفته ولازم تعوضنا ههههههههه

بانتظار جديدك من الإبداع وتقبل مروي يالغالي .....


هلا اخوي عاشق السيل ومشكور على المشاركة
وبالنسبة لصحن الفاكهه كويس أن مخلي واحد هديه لكم ؟؟
أم السلطة حدث ولا حرج طارت بوهتنا في طبق الضبان وراحت فيها
السلطه ؟؟؟
اسعدتني مشاركتك وتحياتي لك .

[أمير الصيد]

ماشاء الله عليك
ليتك دايم تصيدنا وبالعكس لو حطيت العنوان للغلابا فقط تبي تشوف ردود اكثر
بس بين وبينك ماتخبرمن هالعينه شي
بالعافيه على قلبك وقلب من اكلها معاك


هلا وغلا اخوي الاطلسي والله يعافيك
أما العينات ياكثرها هالايام وفي كل مكان وعندكم منها خير .
واللي بيتعب بيحصل واللي ما يحب التعب بيحصل ايضاً ؟
بمعنى اللي بيضبب وبيتعب بيحصل بس يعرف المكان المناسب
واذا تبي مكان ادلك عليك حاضر وممنون بس بعيد شوي عن الرياض
أما اللي ما يبي يتعب عنده السوق تحصل ناس توها جايبته فرش ولا تاخذ من البايت ومعروف من الشكل.

ومشكور على المشاركة والتواصل .
وتقبل تحياتي .

[أمير الصيد]

www.AZ;4686129][/url]
زووود على ان الأكلة ظبان .. مع الجلد .. وبالحجم الهائل >>> بدون تقطيع





احييكم على الجرأهـ




الله يحييك اخوي
وين الجرأه الله يخلف ؟؟
في النهاية ضب لا راح ولا جا ؟؟
ومايحتاج جرأه مثله مثل أي صيد بري ، وانا افضل الاكلات البريه ومن عشاقها ولكن لا تجدها في أي وقت ، مادام الصيد حلال واكله حلال فأنا اكل كل شي بري تقريباً ؟؟
الشي اللي فقده منذ فترة طويله ولم آكله هو الجراد ؟؟ واتمنى انه موجود بكثره ؟ المشكلة أذا جا وقته لا تستطيع اكله لإنه كله كيماويات من الرش ؟.
مشكور وتحياتي لك اخي على المشاركة .

[omar salman]

وعليكم السلام ورحمة الله وبركاته
أخوي أمير الصيد
أولاً وقبل التعليق وإبداء المرئيات
حيال هالطبق الكلاسيك
أهنئك على سلامة الإيتكيت
وهذا شيء أمره ملفت من بداية الموضوع
وأقصد بالتحديد طريقتك في ترتيب أوراق
الموضوع كعنوان الموضوع وبيني وبينك
أنا من قريته جاء على بالي حركات
الأفوكادو والريف اللبناني أو شيراز
لكن عليه العوض ومنه العوض :)
خخخخخخخ أكيد أمزح
وكذلك عندك عرض المقادير
والاهتمام بالصور والتعليق على الخطوات
كل هالأمور لم تأتي من فراغ
وأما الطبق بلا شك أقل ما يقال عنه
( أكثر من رائع ) وأتمنى انك ما تقطعنا
من إبداعاتك ولمساتك الغير شكل
ويعطيك العافية .

[راعي المرباع]

ههههههههههه والله ياهو مطب صناعي لبعض الاخوان
الله يعطيك العافية
ايه هذي والله الوجبه ماشاء الله تبارك الله وياجعلها بالعافية ليتني معكم .
اشكر ك ياخوي واللي زين الموضع زيادة تعليقك وكلامك بالنهاية تسلم تسلم
يمييييييييييييييينك يالعزوة .

[بن شمروخ]

يالبيييييييييييييييييييييييييييييييييييييييييه لباااااااااااااااااااااااااااااااااهـــ

يازبن مرقتهاااااااااااا زينااااااااااااااااااه

جعل والديك بالجنة ...

[أمير الصيد]

وعليكم السلام ورحمة الله وبركاته
أخوي أمير الصيد
أولاً وقبل التعليق وإبداء المرئيات
حيال هالطبق الكلاسيك
أهنئك على سلامة الإيتكيت
وهذا شيء أمره ملفت من بداية الموضوع
وأقصد بالتحديد طريقتك في ترتيب أوراق
الموضوع كعنوان الموضوع وبيني وبينك
أنا من قريته جاء على بالي حركات
الأفوكادو والريف اللبناني أو شيراز
لكن عليه العوض ومنه العوض :)
خخخخخخخ أكيد أمزح
وكذلك عندك عرض المقادير
والاهتمام بالصور والتعليق على الخطوات
كل هالأمور لم تأتي من فراغ
وأما الطبق بلا شك أقل ما يقال عنه
( أكثر من رائع ) وأتمنى انك ما تقطعنا
من إبداعاتك ولمساتك الغير شكل

ويعطيك العافية .



الله يعافيك أخي الغالي الصياد 90
والف شكر لك على مشاركتك الجميله
والله يطول عمرك وعمر والديك ويمتعكم بالصحه والعافيه يارب .
والف تحيه وشكر لتشريفك الموضوع .
وتقبل ارق تحياتي .
اخوك أمير الصيد

[أمير الصيد]

ههههههههههه والله ياهو مطب صناعي لبعض الاخوان
الله يعطيك العافية
ايه هذي والله الوجبه ماشاء الله تبارك الله وياجعلها بالعافية ليتني معكم .
اشكر ك ياخوي واللي زين الموضع زيادة تعليقك وكلامك بالنهاية تسلم تسلم
يمييييييييييييييينك يالعزوة .


ومن قال تسلم
عزيز وغالي اخوي راعي المرباع
ابشر بالخير المره الجايه ماراح نقلّط إلا لين تشرفنا ؟؟
بس انتظر لين نسوي ضبان مره ثانيه ؟؟؟ هههههه
بس بصراحه تستاهلون كلكم اكثر من ذلك .
الف شكر لك على المشاركة وتحياتي لك .

[اتركوني لحالي]

مدري شلون تاكلونها هههههههههه





بالعافية عليكم ومشكووووووووور

[الغزال الشارد]

الله يعطيك العافية استاذي أمير
طبخة رائعة وصورمميزة ..تحياتي لك

[de7my]

ياهلا ومسهلا اخوي de7my

نفسي تجرب ومش حتندم حتدعيلي ان شاء الله ؟؟
ولا تستغرب أي شي حالياً فيه همبرقر حاشي ويمكن
مستقبلا تشوف همبرقر ضبان ؟؟؟
خاصة أن فيه الان بعض الشباب المختصين بالضبان يسونه بروستد ؟؟
انا نفسي اعرف وش اكلتك المفضله ؟؟ لا تزعل على اخوي ترى امزح معك ؟؟
حبيت اضيف بعض المرح بهذا الموضوع لا أكثر
الف شكر لك على المشاركة وماقصرت وقلبك ابيض .
تحياتي .

اكلتي المفضله مايتي زينقر من كنتاكي..






بس لايغرك النك...ترا اكل اي اكله ماعدا الضباان.

[أمير الصيد]

اكلتي المفضله مايتي زينقر من كنتاكي..






بس لايغرك النك...ترا اكل اي اكله ماعدا الضباان.


أول مره اسمع هالاكله (مايتي زنيقر) هي صدق أكله وإلا مزحه ؟؟؟
انا اللي اعرف ارنولد شوار زنيقر ؟؟؟؟؟ كنت معجب فيه زمان ؟؟؟
أما الان اصبح حاكم ولاية كلفورنيا على ما اعتقد
وسمعت أنه بيسوي فلم جديد مع سليفيستر ستالون شكل الفلم بيطلع :good2:

الله يعطيك العافيه على التواصل وعزيز وغالي اخوي دحمي
واسعدني ردك واسلوبك .
اخوك أمير الصيد

[طحنون]

والله مشكله فاخر وذوق رفيع واخرتها ضبان انا توقعت الحين استاكوزا وسوشي او سمك اوربيان

لاكن وبحق شكلها طبخه خطيره تسلم ايدك

[الكايف 1]

السلام عليكم ورحمة الله وبركاته
ماشاء الله تبارك الله
ايه هذي الاطباق الفاخر (خمس نجوم) المميزه :good:
الله لايضرك على الشغل السنع والتسحيبات بثنين ولفه والنور طافي :good2: :good2: :good2:
ماعد يمديه يوم ولع النور الا الجدار قدامه ورطههههههه

بارك الله فيك على السفره الرائعه

http://www.mekshat.com/pix/upload04/images168/mk31037_0013.jpg

الله يجعله بالف هنا وعافيه
لاتحرمنا من طلاتك الحلوه وطبخاتك الرائعه
اخوك ابو صالح

[torrjom]

السلام عليكم ورحمة الله وبركاته


مادامك تسلق الضب على شان تروح زفرته


مع احترامي الشديد لك ضيعت طعم
الضب حرام عليك
اه اه بس


لان الطعم في زفرته >>>>>>>>>>>>> واحد صدق مدمن ماهوب زيك



على العموم تسلم يمينك والله ان اللعاب يسيل وانا اتذكر الزفره والمرق واشوف الصوره :D




كل الووووووود مع الشكر

[أمير الصيد]

يالبيييييييييييييييييييييييييييييييييييييييييه لباااااااااااااااااااااااااااااااااهـــ

يازبن مرقتهاااااااااااا زينااااااااااااااااااه

جعل والديك بالجنة ...

آآآ مين يارب ووالديك بعد وكل المسلمين
ياهلا وسهلا اخوي بن شمروخ
شرفتني بمشاركتك والف شكر لك .

[أمير الصيد]

مدري شلون تاكلونها هههههههههه





بالعافية عليكم ومشكووووووووور


ناكله مثل ماناكل أي شي ؟؟؟؟ اذا استوى اقطع بيدك وحط الاكل في فمك وكله ؟؟؟؟

انا عارف قصدك بس امزح معك ؟؟

لولا اختلاف السلع لبارت الاذواق ؟؟ مع أن هذا المثل ماله علاقة بالموضوع ولكن تخيل أن الناس كلهم ما يأكلون ضبان ؟؟ كان شفت الضبان في المدن والشوارع والبيوت تسرح وتمرح من كثرهم لإن مافيه أحد يأكلهم ؟؟ لكن احنا فااااكين ازمه على اللي مايأكلون الضبان؟ علشان كذا ماتشوف ضبان ابد إلا في البر فقط ؟؟
شفت التحليل والاستنتاج ؟؟؟؟ ولا محلل اقتصادي ؟؟ بس في الضبان ؟؟؟
الف شكر لك على المشاركة .

[أمير الصيد]

الله يعطيك العافية استاذي أمير
طبخة رائعة وصورمميزة ..تحياتي لك

الله يعافيك اخي العزيز الغزال الشارد
انت الاستاذ نحن لا زلنا نتعلم منك
يعطيك العافيه والف شكر على المشاركة
وتحياتي لك .

[أمير الصيد]

والله مشكله فاخر وذوق رفيع واخرتها ضبان انا توقعت الحين استاكوزا وسوشي او سمك اوربيان

لاكن وبحق شكلها طبخه خطيره تسلم ايدك



الله يسلمك يالغالي
هي بالفعل فاخره وذوق بس عند اللي يقّدرون الضبان ؟؟
بس صدتك مثل بعض الاخوان ؟؟ خيرها بغيرها مدري غيرها بخيرها ؟؟
الف شكرا على المشاركة.

[أمير الصيد]

السلام عليكم ورحمة الله وبركاته

ماشاء الله تبارك الله
ايه هذي الاطباق الفاخر (خمس نجوم) المميزه :good:
الله لايضرك على الشغل السنع والتسحيبات بثنين ولفه والنور طافي :good2: :good2: :good2:
ماعد يمديه يوم ولع النور الا الجدار قدامه ورطههههههه
بارك الله فيك على السفره الرائعه


http://www.mekshat.com/pix/upload04/images168/mk31037_0013.jpg


الله يجعله بالف هنا وعافيه
لاتحرمنا من طلاتك الحلوه وطبخاتك الرائعه
اخوك ابو صالح




والله ضحكتني اخوي ابوصالح ذكرتني باللي يقول حابل له في طحين ؟؟
فعلا مطب محبوك اللي بيدخل التحويله اقصد الموضوع الله يعينه يا ابيض اواسود ؟؟
وانشاء الله ابيض على طول .
الف شكر لك على المشاركة ويعطيك العافيه .

[السلسبيل 722]

شغل جميل وضبان على كيفك .
وطبخة روووووووووووعة ...

الله يعطيك العافية وبيض الله وجهك ......

[أمير الصيد]

السلام عليكم ورحمة الله وبركاته



مادامك تسلق الضب على شان تروح زفرته


مع احترامي الشديد لك ضيعت طعم
الضب حرام عليك
اه اه بس


لان الطعم في زفرته >>>>>>>>>>>>> واحد صدق مدمن ماهوب زيك



على العموم تسلم يمينك والله ان اللعاب يسيل وانا اتذكر الزفره والمرق واشوف الصوره :D





كل الووووووود مع الشكر



عاد بعض الاعضاء يقولون اشين ما في الضب زفرته !!! اختلفت الاذواق ولا نعرف من نرضي ؟؟
خير الامور الوسط الافضل ان الضب ينسلق بس ما يطول السلق ؟ هذه وجهة نظري
وانتوا تصالحوا ؟؟
والله يعطيك الف عافيه على المشاركة
وتحياتي لك .

[تراثي]

شي حلووووووو

[أمير الصيد]

شغل جميل وضبان على كيفك .
وطبخة روووووووووووعة ...

الله يعطيك العافية وبيض الله وجهك ......

وجهك ابيض والله يعافيك اخوي السلسبيل
واشكر على الدخول للموضوع والمشاركة الرائعه .
تحياتي لك .

[Somebody]

جعل فيه العافيه
والله يديم النعمه

[الفضلي 11]

خير مقول فيه قالها سيد البشر
أجد نفسي تعافه
ولنا في رسول الله أسوة حسنة

بالعافية عليكم وأشوى ماعندي ربع يأكلون ضبان
وإلا طيحونه في مقالب نسمع عنها دائما

[أمير الصيد]

شي حلووووووو

دخولك الموضوع والمشاركة هي الاحلى
مشكور وماقصرت .

[أمير الصيد]

جعل فيه العافيه
والله يديم النعمه

الله يعافيك اخوي
ومشكور على المشاركة .

[أمير الصيد]

خير مقول فيه قالها سيد البشر
أجد نفسي تعافه
ولنا في رسول الله أسوة حسنة

بالعافية عليكم وأشوى ماعندي ربع يأكلون ضبان
وإلا طيحونه في مقالب نسمع عنها دائما


بالضبط لنا في رسول الله (ص) أسوة حسنة
لانه قدوتنا في كل شي .
ولكن لم ينهي الصحابه عن اكله كما ورد بالحديث .

والنفس أّماره بالسوا ؟؟

الله يجزاك خير على المشاركة
والف شكر لك .

[البحر عشقي]

شكرا شكرا.. طبخه لآبأس بهـآ => بدون جلد الضبآن مسوي تقزيز ع المآئده ههههه

[Swordfish]

الله يقطع شيطانك

بداية التقرير الرائعة ونهايته لا تنطبق مع المحتويات

يخوي كنت جوعان ومتحمس ولسا ما اتغديت لكن وبكل صراحة ابشرك انك سديت نفسي

وانا مسامحك وغفر الله لك

[الحربي999]

يعطيك العافيه والله لايهينك

[أمير الصيد]

شكرا شكرا.. طبخه لآبأس بهـآ => بدون جلد الضبآن مسوي تقزيز ع المآئده ههههه


هلا والله اخوي البحر
شرفني دخولك ومشاركتك .
مشكور وتحياتي لك .

[أمير الصيد]

الله يقطع شيطانك

بداية التقرير الرائعة ونهايته لا تنطبق مع المحتويات

يخوي كنت جوعان ومتحمس ولسا ما اتغديت لكن وبكل صراحة ابشرك انك سديت نفسي

وانا مسامحك وغفر الله لك


تصدق كويس اني سديت نفسك ؟؟هذا لمصلحتك علشان تسوي رجيم ؟ امزح معك
مشكور والله يعطيك العافيه على المشاركة الجميلة
وتحياتي لك .

[أمير الصيد]

يعطيك العافيه والله لايهينك



لا هنت _ والله يعافيك اخوي الحربي
شرفتني بمشاركتك واشكر عليها
وتحياتي لك .

[ماكس سالم]

كلك ذوووووووق

[أمير الصيد]

كلك ذوووووووق



الف شكر لك اخي ماكس سالم للدخول بموضوعي والمشاركة فيه .
وتحياتي لك .