طريقة فك ديكور مسجل الباثفندر وتنظيف العدسه .... [الأرشيف]

مشاهدة النسخة كاملة : طريقة فك ديكور مسجل الباثفندر وتنظيف العدسه ....

abo tayyar

03/06/2010, 08:26 PM

السلام عليكم ...
حيالله الشباب كل واحد بإسمه :) ...

جايب لكم اليوم طريقة فك الديكور حق المسجل بالصور :good2:
واللي سألني عنها بعض الشباب لكن للأسف ما قدرت أوصل لهم الفكره بدون صور ..
و طبعاً سبب فك الديكور هو عشن نقدر نفك المسجل وننظف العدسه .. لأنها مع والوقت يجيها غبار ويصير المسجل ما يشغل السيديات ...
ولو رحت لمحل قالك بـ 100 وإلا 90 ريال وأنا سبق نظفتها بـ 70 ريال وهي والله ما تستاهل 30 ريال ..

الطريقه سهل ما يبيلها شي بس أهم شي قبل لا تفكر تفك الديكور اترك عنك العباطه ( الجفاسه ) :D:p

بسم الله نبدأ ..

http://www.mekshat.com/pix/upload04/images168/mk141741_2.jpg

نحط المفك (السكروب ) السالب فوق ديكور المكيف يمين ونحرك المفك لفوق مره ومرتين بشوش إلى أن يبدا الكلبس ينفك أو الديكور يطلع ...

http://www.mekshat.com/pix/upload04/images168/mk141741_3.jpg

بعد كذا نلاحظ أنه بدا يرتخي ...

http://www.mekshat.com/pix/upload04/images168/mk141741_4.jpg

وبالصوره هذي نشوفه بدا ينفك ...

http://www.mekshat.com/pix/upload04/images168/mk141741_5.jpg

ثم ننتقل للوسط ونفس الطريقه ندخل المفك ونرفع على خفيف ونكرر إلى أنه ينفك الكلبس ..

http://www.mekshat.com/pix/upload04/images168/mk141741_6.jpg

ونلاحظ أنه بدا ينفك أكثر ..

http://www.mekshat.com/pix/upload04/images168/mk141741_7.jpg

ثم ننتقل فوق يمين ونفس الطريقة ..

http://www.mekshat.com/pix/upload04/images168/mk141741_8.jpg

وهنا يكون ديكور المكيف شبه خلصنا منه وهو أصعب خطوه تقريبا ..

http://www.mekshat.com/pix/upload04/images168/mk141741_9.jpg

بعد كذا نفك الفيش حق الساعه ..

http://www.mekshat.com/pix/upload04/images168/mk141741_10.jpg

http://www.mekshat.com/pix/upload04/images168/mk141741_11.jpg

افصل الفيش من تحت يعني اقلب الديكور وألا دنق الله لا يهينك :burnout2:

http://www.mekshat.com/pix/upload04/images168/mk141741_12.jpg

بعد كذا فك المسمارين حقت ديكور المسجل والمكيف ..

نكمل بالرد التالي
7
7
7

abo tayyar

03/06/2010, 08:27 PM

http://www.mekshat.com/pix/upload04/images168/mk141741_13.jpg

ثم اسحب الديكور بيديك الثنتين اليمين واليسار مثل طريقة يدي بالجهه اليسرى طبعا اليمين تصور :D
اسحبه إلى ان الكلبس يرتخي أو ( يطلع الديكور شوي ) ..

http://www.mekshat.com/pix/upload04/images168/mk141741_14.jpg

بعد كذا انتقل للجهه الثانيه واسحب ..

http://www.mekshat.com/pix/upload04/images168/mk141741_15.jpg

ثم من تحت

http://www.mekshat.com/pix/upload04/images168/mk141741_16.jpg

ثم يمين شوي ..

http://www.mekshat.com/pix/upload04/images168/mk141741_17.jpg

وبعدها يطلع ..

http://www.mekshat.com/pix/upload04/images168/mk141741_18.jpg

افصل فيش الولاعه ..

http://www.mekshat.com/pix/upload04/images168/mk141741_19.jpg

وبعده فيش الفشر والتسخين ..

http://www.mekshat.com/pix/upload04/images168/mk141741_20.jpg

وبعد كذا نبدا نفك مسامير المسجل وهي أربع يمين اثنين ويسار اثنين ..

http://www.mekshat.com/pix/upload04/images168/mk141741_21.jpg

http://www.mekshat.com/pix/upload04/images168/mk141741_22.jpg

وبعد ما تفك المسجل بتلقى فيشين واريل افصلهم وبكذا يكون المسجل طليق :D
جب منديل وأبرم ( لف ) طرفه وبلله بشوي مويه أو من ريقك العذب :p :p
وشف عدسة المسجل فوق بالوسط تقريبا ناظر يمين ويسار لين تشوفها ,, ترا مكانها شوي صعب ,,
وإذا شفتها دخل المنديل وامسحها برفق :good2: طبعا بطرف المنديل واشبك فيش المسجل وجرب لك سيدي
اذا اشتغل وألا عاود الكره مرة أخرى :D

اتمنى يكون الشرح واضح
وأي أستفسار أنا حاضر

تحياتي للجميع ,,,

أبو سالم 77

04/06/2010, 01:36 AM

الشرح واضح و وافي و مفيد

مشكور و جزاك الله خير

موادع 1

04/06/2010, 01:45 AM

شرح وافي بارك الله فيك

abo tayyar

04/06/2010, 01:23 PM

أبو سالم 77 - موادع 1
حياكم الله ..
شرفني مروركم ..

سوبر مكشات

04/06/2010, 01:42 PM

الفتك وشلون ياشيخ

فارس ملهم

04/06/2010, 01:50 PM

يعطيك العافية يا ابو طيار

لا عدمناك

دائما متألق

قرم العيال

04/06/2010, 02:35 PM

يعطيك العافية

محترف

04/06/2010, 04:04 PM

يعطيك العافيه وسلمت يمينك على الشرح الوافي
طيب وش رايك بالسي دي اللي ينضف هل يفيد ولا لا

abo tayyar

04/06/2010, 07:44 PM

الفتك وشلون ياشيخ

حياك الله يا سوبر ..
الحقيقة ما عندي علم عن الفتك ...

abo tayyar

04/06/2010, 07:45 PM

يعطيك العافية يا ابو طيار

لا عدمناك

دائما متألق

الله يعافيك تسلم والله يا فارس ....

abo tayyar

04/06/2010, 07:46 PM

يعطيك العافية

الله يعافيك يا قرم ...

abo tayyar

04/06/2010, 07:48 PM

يعطيك العافيه وسلمت يمينك على الشرح الوافي
طيب وش رايك بالسي دي اللي ينضف هل يفيد ولا لا

الله يعافيك ويسلمك يا محترف ..
السي دي ما جربته الصراحه ,, لكن جربه واحد من الشباب يقول نفع معه بس ما طول ورجع زي أول

ابومحيميد

04/06/2010, 07:53 PM

ثاااااااااااانكس ابوطيار

abo tayyar

04/06/2010, 08:01 PM

ثاااااااااااانكس ابوطيار

ولكممممم أبو محيميد :good2:

عبدالسميع

04/06/2010, 08:16 PM

الله يجزاك خير

زين الواحد يشتغل ويصلح موترة بيده ....

nono77

05/06/2010, 01:28 PM

abo tayyar

05/06/2010, 06:21 PM

الله يجزاك خير

زين الواحد يشتغل ويصلح موترة بيده ....

وإياك يا عبد السميع ..
إي والله صدقت خصوصا لا اصارت الشغلة بسيطة :good: :good:

يعطيك العافية ..

abo tayyar

05/06/2010, 06:35 PM

بدايه الف شكر على هذه المعلومات الرائعة
سؤوالي ما دامت العدسه تحتاج فقط تنظيف لماذا لا نضع سي دي التنظيف حق 10 ريال ...
وكيف تعرف قبل الفك ان العدسة فقط تحتاج تنظيف وعدم تغير ....
عندي نفس المشكله ومريت على راعي محل قريب على الاستاد بالملز قال لي تغير عدسه وتكلف 280ريال من الاخر قلت لعلها تحتاج تنظيف قال ولا تغلب حالك ما دام اذا وضعت سي دي واعطاء اورور فهي بحاجه الى تغير ...وما يخيفني اكثر موضوع الديكور....لذلك جبت ام بي ثري مع كم يو اس بي ولكن لا يغني عن السي دي

يا هلا بك حياك الله ...

من ناحية العدسه ما ادري صارحة لكن فالغالب تحتاج تنظيف وبعض المحلات يقولك تغيير ...

والله شف السي دي يمكن يضبط ويمكن لا أنا ما ضبط معي ونظفت العدسة عند محل بـ70 ريال صاحبي ركب السيدي ومشا الوضع معه بس ما طول وخرب مره ثانيه أن نظفتها عند المحل وقعدت تقريبا فوق 5 شهور ما ادري بالضبط وبعدها خربت ثانية ويجيني نفسك ادخل السي دي ويقعد شوي بعدين يطلع ويقول ارور وفكيته أنا المره الثانية بالبيت ونظفته
والحمد لله عال العال ........

الستانس

06/06/2010, 01:04 AM

الله يعافيك

وصراحة جيت في وقتك يالغالي
بألقالي شغله الهي نفسي فيها هالليله
.
.
.
.
.
.
بطالة مؤقتة

nono77

06/06/2010, 11:18 AM

يا هلا بك حياك الله ...

من ناحية العدسه ما ادري صارحة لكن فالغالب تحتاج تنظيف وبعض المحلات يقولك تغيير ...

والله شف السي دي يمكن يضبط ويمكن لا أنا ما ضبط معي ونظفت العدسة عند محل بـ70 ريال صاحبي ركب السيدي ومشا الوضع معه بس ما طول وخرب مره ثانيه أن نظفتها عند المحل وقعدت تقريبا فوق 5 شهور ما ادري بالضبط وبعدها خربت ثانية ويجيني نفسك ادخل السي دي ويقعد شوي بعدين يطلع ويقول ارور وفكيته أنا المره الثانية بالبيت ونظفته

والحمد لله عال العال ........

امس جبت سي دي تنظيف وعلى الفاضي ما زال يعطي اورور جربت اكثر من مرة اضع عليه قطرات وادخله وبالنهايه لم يصلح واخاف ان افكه ونظف العدسه ووقتها لا يزبط الا تغيرها

ستوك

06/06/2010, 01:57 PM

تسلم والله يابوطيار

على الموضوع الاكثر من رائع

ماهيب غريبه منك

فكيت الديكورر

بس ماعرفت انظف العدسه

نفخت المسجل مع الفتحات <<بس مااشتغل السيدي

عاشق المسراء

07/06/2010, 01:54 PM

الله يعطيك العافيه يابو طيار

سويت كل شي بس في الأخير ما ضبط ورحت لمحل قال احتمل من العدسة او مقويات العدسه غيرت مقويات العدسه عنده وطلعت المشكله منها واخذ عليها 150ريال والحين تمام التمام

الهندي سألني مرتين مين اللي فك المسجل قلت انا واعوذ بالله من كلمة انا قال ديكور الباثفندر اصعب ديكور نفكه عندنا قلت ليش قال سريع الكسر قلت شكلك تفكه بشاكوش انت ضحك قال لا فكه صعب
يقول مره فكيت ديكور باثفندر وانكسر معي بس العميل ما دري عن شي قلت وانت ما قلت له قال لا بعدين ممكن يضربني او يغرمني قيمة القطعه قلت بس رب العالمين يشوفك قال ايش سوي انا ما فيه فلوس قلت المفروض تقوله قال لا خلي ولي قلت لك رب يحاسبك المهم اخذ المسجل وركبته بنفسي لأني ما وثقت فيه بعدين يكسر الديكور ابو هنود ويحوس الدعوى .

ملاحظه : انتبهو للديكور عند فكه بأي محل لأنه معرض للكسر

عاشق المسراء

07/06/2010, 01:58 PM

بدايه الف شكر على هذه المعلومات الرائعة
سؤوالي ما دامت العدسه تحتاج فقط تنظيف لماذا لا نضع سي دي التنظيف حق 10 ريال ...
وكيف تعرف قبل الفك ان العدسة فقط تحتاج تنظيف وعدم تغير ....
عندي نفس المشكله ومريت على راعي محل قريب على الاستاد بالملز قال لي تغير عدسه وتكلف 280ريال من الاخر قلت لعلها تحتاج تنظيف قال ولا تغلب حالك ما دام اذا وضعت سي دي واعطاء اورور فهي بحاجه الى تغير ...وما يخيفني اكثر موضوع الديكور....لذلك جبت ام بي ثري مع كم يو اس بي ولكن لا يغني عن السي دي

اخوي ممكن العطل من مقويات العدسة وسعرها حوالي 130ريال انا واعوذ بالله من كلمة انا كان عندي السي دي يعطيني ايرور وامس رحت لمحل قال احتمال من مقويات العدسة بنغيرها ونشوف فعلاً غيرها ونظف العدسة واشتغل الحين وصار تمام التمام وسعر العدسة عنده 250ريال

nono77

07/06/2010, 03:18 PM

مشكرو وما قصرت . وارغب بالسؤوال عن التلبيسه لمقاعد الباث 2005 الا يوجد تلبيسة جاهزة حصلت للصني والكامري ب 100ريال تقريبا .
او محل تفصيل يوم بعيد عن غرابي وازمتها وزحمتها

المغترب979

08/06/2010, 01:26 AM

ابشرك جيت افكه اليوم في سيارة اخوي وجبت العيد كسرت الديكور حق الباث من فوق يسار الساعة مرة الكسر جامد
نبي ندور لها في الوكالة ان لقيناة بس الفرميكة الظاهر انك صعب تلقاها بس الله يعين
بندور في بريمان يمكن نلاقي

الستانس

08/06/2010, 08:28 PM

انا يوم فكيته ولله الحمد كل شي سليم إلا المسمار الأيمن وامره سهل غراء وخلاص

خذته ووديتة لمحل

قالي بنظف لك العدسه واقويها

وسواها مع التركيب بـ 70 ريال

((المهندس لجته حجازية سعودي على ما اعتقد))

وقالي باليوم يمر علينا تقريباً 5 باثفندرات يقول 4 سليمه واحد ينكسر

والسبب على كلامة ان بعض الباثفندرات وقفتها في الشمس كثيرة وهو اللي يتسبب في كسر الدريكور لانه يكون ميبس يقول بعضها وانت توك مدخل السكروب ما بعد سويت شي ينكسر
والبعض يكون فيه ليونه وماينكسر

ويقول ازين انك فكيته في البيت عشان تمخمخ عليه وتروق بالهون

يقول اغلب المحلات يبي يخلص ولاهوب مهتم ينكسر الديكور ولا لا يبي يخلص منك
عشان باقي الزباين

فانا انصح اي واحد تكون يدة خفيفه يفكة بالبيت بمزاجه ويروح ويصلحة باي محل

ويركبونة له

اتوقع كذا حل سليم

موفقين ان شاء الله

alanaziB52

08/06/2010, 08:39 PM

الله يعطيك العافية

المنيعي1

25/09/2010, 11:56 AM

شكراً على المعلومات بس الديبكور عندك كأنه مكسور هل هذا عند فكك في البداية

thanks

25/09/2010, 12:35 PM

اكثر من روعه بارك الله فيك .

هل اذا يلزم فك طبلون السياره كاملا ,
هل يلزم اولا فك ديكور المسجل كا انت شرحت بالصور ؟

ام يوجد طريقه اخرى لفك طبلون السياره ؟

اذا بامكانك التوضيح والشرح بارك الله فيك .

thanks

25/09/2010, 12:44 PM

من اجل ان يبقى بلاستيك طبلون السيّاره ليّن ويحمى من التشقق :

يمكن استخدام مطرّيات خاصه بطبلون السياره ( الداشبورد ) ,
ويمكن شراؤه من محلات بيع اكسسوارات السيارات او محلات بيع
قطع الغيار للسيارات , ايضا يمكن استخدام مظلّه متنقله على الزجاج الامامي
من الداخل فوق طبلون السياره لحماية طبلون السياره من التشقق .

ابوابراهيم22

29/09/2010, 01:45 PM

شرح وافي بارك الله فيك

mgs71

29/09/2010, 06:22 PM

جزاك الله خير abo tayyar الطريقه سليمة 100%
لكن عندي اضافه بعد اذنك طبعا
الافضل استخدام مع المفك قطعه قماش خفيفه عشان لايخدش الديكور

ابونبيل

20/09/2011, 05:06 PM

يالبى الشرح

الباث حقي نفس المشكله يدف السيدي

بس تراي مافهمت وين العدسه الي تقصدها

مشكور يالذيب

A.3.M

20/10/2013, 12:08 AM

ياخي اخاف افكه وينكسر .

ماش جربته قبل 4 شهور تقريبا وكسرته وحرمت افك شيء هههههه ..

الله يستر :(

أصيل حجآ زي

20/10/2013, 12:57 AM

الله يعطيه العآفية .
أول مرة أشوف هالموضوع .

ما أدري وين كآن مندس ؟؟؟
:eek:

يبدوء أنهُ كآن بخيمة
أخرى ونقل لنا سرآ .

يُقيم بثلاث نجوم ذهبية .
ويُضآف للموآضيع المُميزة بالخيمة :

المواضيع المميزة في الخيمة (http://mekshat.com/vb/showthread.php?t=233827)

:good2: