المساعد الشخصي الرقمي

مشاهدة النسخة كاملة : من اللي يقول ما يحصل زين ورخص ؟؟


راجي الكريم
04/06/2010, 01:18 AM
السلام عليكم ورحمة الله وبركاته ،،

أسعد الله أوقاتكم بكل خير ، تتوالى العروض والفرص ما تتكرر اما غنمتها ولا غنموها الرجال وخلوك ، المره هذي أعرض لكم بكرتين طيبات وأقيامهن مناسبة وصالحة جداً للقناي .

1. حقة صهباء امها ناقة طيبة وقد سبق عرضها في المنتدى وبيعت من أول يوم وابوها غير معروف .
والبكرة قدامكم كبر راس وزين اذن وعرنين ورقبة وتسناد والصور ما خدمتها لأن المحل اللي هي فيه والوقت ايضا أثر على شكلها وقد سيمت وهي حوارة أم شهرين بعشرة وهذا للعلم فقط ولا أقلد على السوم وحالياً ما عليها سوم والبكرة اللي بيصبر عليها بعين من وراها ان اء الله خير .

الموقع : فيضة الخفس .

http://store1.up-00.com/Jun10/cdW03223.jpg (http://www.up-00.com/)


http://store1.up-00.com/Jun10/rhl03223.jpg (http://www.up-00.com/)

http://store1.up-00.com/Jun10/Du403223.jpg (http://www.up-00.com/)
*******************************************


2. خلفة جذعة ملحاء بكر حدرها قعود ابوه ولد مسربلان الخريف اللي شرى من الصخابرة ولا صورته لانه ما يستاهل وهو قعود ان عود على ابوه خير وبركة والا القصاب في انتظاره ، والبكرة قدامكم ما شاء الله زينها ظاهر ولا فيها الا انها شوي هجرة يعني مهيب رفيعة بسبب ان امها ماتت وتوها حوارة ولا ضيرت عليها وكملت الناقص وضربتها لقية وهذا اللي خلاها ما تجي مثل امها والبكرة هدية وحليبها حلو وبالنسبة لسعرها تعتبر فرصة للي يبي الانتاج والتمنح .

الموقع : مخرج (18) مخيمات السلي .


http://store1.up-00.com/Jun10/oLP03426.jpg (http://www.up-00.com/)

http://store1.up-00.com/Jun10/vpe03426.jpg (http://www.up-00.com/)

http://store1.up-00.com/Jun10/LoY03426.jpg (http://www.up-00.com/)


افتحوا الباب الله يفتح لنا ولكم ابواب رزقه





المفاهمة الاتصال على : (0568396530) .
طموحي عالي
04/06/2010, 08:07 PM
بسم الله ماشاء الله

أفتتح السوم

رقم 1 7000 ريال

رقم 2 6000 ريال

والله يرزق الجميع
النـادر
05/06/2010, 09:37 AM
الله يرزقك من واسع فضله

تستاهل الخير انت ومثلك من الرجال
هاوي برR
05/06/2010, 06:33 PM
الله يرزقك من واسع فضله
عميد سامودة
05/06/2010, 10:51 PM
مزايين بس الروس الك عليها
راجي الكريم
06/06/2010, 08:09 AM
الأخ /طموحي عالي....... حياك الله اخوي والله يفتح لك أبواب رزقه , بالنسبة لرقم1 تعدل ونا اخوك شوييي وابشر بها ترى البيع قريب
أما رقم 2 فسيمت خارج المنتدى بتسعة ونطلب من الله الزود والله يرزق الجميع الرزق الحلال

الأخ / النادر........اسم على مسمى بيض الله وجهك على المرور الجميل


الأخ / عميد ساموده..... رأيك على العين والراس لكن ونا اخوك كل عين ولها نظرة وكل سلعة ولها قيمة والكمال لله سبحانه وتعالى
راجي الكريم
08/06/2010, 10:02 AM
الأخ / طموحي عالي...... ان كنت جاد في سومتك لرقم 1 نصيبك الله يبارك لك وياليت ياخوي تحط وسيلة اتصال
راجي الكريم
12/06/2010, 08:57 AM
مدري وش المشكلة بالظبط العالم هنا تسوم ثم تحط رجلها..!!!!!
على العموم الباب انفتح من جديد وسومة الأخ ملغية واللي له شف يسوم الله يحييه , وترى الصور يالربع ما خدمت الموضوع البكار خص الحقة ازين بواجد من الصورة..
صمت اللقاء
12/06/2010, 10:54 PM
اســـــــــــــــوم
الاولي 4000 ريال
والثانية ( الخلفة ) 6000 ريال
هذا رقمي 0506380309
راجي الكريم
13/06/2010, 08:55 AM
بيض الله وجهك اخوي صمت اللقاء , هذا المفروض اللي يسوم يحط وسيلة اتصال حتى يدلل على مصداقيته .
أما السومة طيبة ومن رجال طيب لكن نبي من الله الزود
راجي الكريم
15/06/2010, 10:06 AM
وييين الشرايه.....ضوكم طافيه ياشباب !
مار صدفه
15/06/2010, 12:39 PM
علي الخلفه 6500
راجي الكريم
15/06/2010, 02:57 PM
جزاك الله خير اخوي مار صدفة سومة طيبة من وجه طيب
الحد يالربع 8500 ولا هيب والله قيمتها لكن المثل يقول ان طاعك السوق والا طيعه والرزق عند الكريم
اميرالصمت
15/06/2010, 09:32 PM
الله يرزقك البيعه الطيبه
راجي الكريم
16/06/2010, 08:17 AM
الله يجزاك خير اخوي امير الصمت
والله يرزقنا وياك وجميع المسلمين الرزق الحلال
راجي الكريم
19/06/2010, 08:55 AM
ياجماعة الخير خلفة ( بكر , هدية , حليب واجد , طعم سكر... يعني غذاء ودواء ) ما شاء الله فل اوبشن
ويييييين أهل المنايح ؟؟!