نداء إلى Blazer 93 .. مشكلة بالقير

[راعي الاكاديا]

السلام عليكم ورحمة الله وبركاته


اسعد ربي اوقاتكم بكل خير


الحقيقة يا جماعة الخير ادرج اسم المستخدم


http://www.mekshat.com/vb/images/reputation/reputation_pos.gif




BLAZER 93
لان مشكلتي شبيهه باللي صارت مع اخوي وحبيت يجي ويفيدني من خلال تجربته ومعاشرته للمشكلة


عندي سيارة اكاديا 2008


وانا جاي من القصيم الاربعاء " قبل امس " وقفت عند محطة العتش


وبعد ما خلصت فرضي وشغلت السيارة ولعت لي لمبة الماكينة وتجاهلت الموضوع قلت يمكن ماسكه معها تشتغل ^_^ ..


الشاهد بالموضوع بعد ما عقبت المحطة عشق القير التغيير الاول وبعدين يوم جاء يعشق الثاني نقزت السيارة نقزه كأن به احد صادمن وكذلك التعشيقه للثالث ..


وقفت السيارة على جنب وشيكت على الزيت والامور سليمة ..!


جيت عشقت القير على الـ D وجدت ان قومة السيارة ثقيلة جدا جدا


وكأني قاعد استخدم قير عادي وحاط القير بالثالث وبقوم السيارة بالثالث


والللي لاحظته ان مع حطت القير على الـ D ما يغير ولا نمرة كأن القير معلق على النمرة الثالثة ..


الشي الي حبيت اذكره اني قبل شهر تقريبا صارت لي مشكلة شبيهه ورحت لم اوتوستار فرع بريدة وفحصت كمبيوتر وقالي فيه خلل بالحساس حق القير نسيت الحقيقة اي حساس


المهم سوا لي برمجة وقالي ان المشكلة ممكن ترجع مره ثانية وفعلا رجعت


لكن البارح رحت لم صناعية دويرة الخرج بالرياض وسويت فحص كمبيوتر عند واحد الله العالم انه ما يدري وين الله مودعه ..


قالي ان القير مخبط ويبيله تغيير ..!


المشكلة لو ان القير مخبط ويبيله توضيب او تغيير وفرضنا جدلاً ان كلامه صحيح

كيف القير مره يكون مضبوط كنه طالع من الوكالة ومافيه شي..!


ومره تجيه السكنيه ويزين هالامور ^_^ .. ؟


اتمنى تتجاوبون معي


تحيتي

[أبوحمييد]

اذا كانه ماشي اقل من ستين الف وده للوكاله يصلحونه على الضمان ...
ولا افصل اصابع البطاريه 10 دقايق وشبكها مره ثانيه وان شاء الله تظبط...

[راعي الاكاديا]

هلا وسهلا ابو حميييد

والله للأسف السيارة ماشيه 86 الف تقريبا

سبق ان فصلت الاصبع حوالي ساعه الا ربع

اي نعم تطفي لمبة المكينة

ولكن اذا عشقت القير على D ومشيت لي 100 متر ترجع تولع اللمبة وترجع الطقة والتعليقة ..

[راعي الاكاديا]

^_^

فزعتكم يا جماعة الخير

[راعي الاكاديا]

انقذوني يا جماعة الخير

:(

اليوم الصبح حطيت القير على الـ R والسيارة قامت تعن

يعني بالعربي ما يعشق

[راعي الاكاديا]

ووووووووووووووووووش دعوى لهاالدرجة كارهين الاكاديا ؟؟

[راعي الاكاديا]

:(

اول واحد يفيدني بعطييه ريال يا جماعة الخير ماهوب معقوولة هالسحبه

[راعي الاكاديا]

:(

ماتت السيارة وحيت ولا احد ناوي يعبر براية

ياخي افتحوا الرسايل الخاصة خل نراسل العالم براحتنا

انا لله وانا اليه راجعون

[العابر2222]

هلابك راعي الاكاديا

والله يا غالي سيارتك ما عندي خبرة فيها ولا كان افدتك

هل القير له كتاوت او فيوز تأكد منها ؟
شيك على الزيت حق القير لزوجته او الفلتر قافل متسكر ؟
الحساسات حقت القير + الأفياش الي حول القير؟

[راعي الاكاديا]

هلا بك يالغالي
الزيت حق السيارة قبل ما تظهر المشكلة مره ثانية كان مغير جديد ما كمل 3000 كيلو

بالنسبة للحساسات انا سبق وفحصتها كمبيوتر وظهر لي خطأ بأحد الحساسات

ومن بعدها والقير مره يتعدل ومره يخرف

الشاهد بالموضوع الان السسيارة موقفة

مرره يعشق القير

ومره كأنه بالفاضي ..!

[ابو باااسل]

شيك على الحساسات القير

[العابر2222]

راعي الأكاديا ...

يخوفي الزيت ناقص لأنه لو ناقص تعشق ولا تمشي السيارة تحن وهي واقفه ومراات تمشي

اخوي القير حساس جداً فرلك على كذا ورشة متخصصه في القير

[راعي الاكاديا]

والله الحقيقة اني محتار ومريت على كم شخص

اللي يقول لا تستعجل واللي يقول ترى الدفع فيك فيك بتكلف عليك واجد

واللي يقول يبغى لك توضيب

واللي يقول برمجة كمبيوتر

وكثرة الروايات

ياليت لو فيه ورشة متخصصة سبق وصار لكم موقف شبيه فيها واصحابها ثقة تشيروني فيها

المشكلة السيارة الآن بالجميح ويقولون يبغاله تغيير قير .. مع اني اجزم 100% انه الشي ذا مبالغ فيه

[راعي الاكاديا]

بالنسبة للزيت يالغالي لا ممتاز

وانا تقريبا كل 1000 كيلو اشيك عليه وعلى لزوجته وعلى عيارة

بس سبحان الله :)

انت تريد وانا اريد والله يفعل ما يريد

[باترول2008]

قد لا أفيدك كثيرا

ولكن أبقول اللي عندي أنا قد صارت لي مشكله قريبه من هذي بموتري فتك
وكانت الشغله كتاوت القير محترق ورجع الوضع طبيعي

ما ادري عن موترك لكن قلت ممكن أعطيك لمحه أو أفتح لك نافذة أمل


دمت بود

[stranger]

السلام عليكم
اخوي المشكلة الي صايرة معك صارت معي وانا جاي من الطائف على الرياض وقفت في المحطة اعبي بنزين وصارت المشكلة السيارة تنتفض والقير ما يغير ابد طبعاً سيارتي جمس 91 ولكن نفس مشكلة سيارتك طبعاً ما فيه حل الا اني امشي على الموتر ولكن القير ما يغير ابد وقفت وتفقدت الفيوزات لقيت فيوز للقير شلته من مكانه والسيارة شغاله طفت السيارة رجعت ركبته وشغلت السيارة والحمد لله اشتغل القير تمام وصفة المكينة ووصلتني الرياض وبعد فحص السايارة كمبيوتر طلعت المشكلة حساس قيمتة جديد تقريباً 500 ريال . ولكني بعت السيارة ولا خربت معي مره ثانية . حاول تسوي نفس الطريقة وان شاء الله تستفيد منها ....
تقبل مروري

[راعي الاكاديا]

حياك ربي يالغالي

انا فعلا لما شفته سوا معاي كذا فصلت اصبع البطارية ربع ساعه ورجعت شبكتها واشتغلت السيارة تمام والقير مضبوط

بعد ما مشيت كم كيلو رجعت نفس المشكلة وعلق على النمرة الثالثة فقط ..


طيب ما تنصحني يالغالي بورشة معينه او من هالقبيل ..!

[راعي الاكاديا]

:(

بدت المقاطعة من جديد

[Fmejrad]

يالغالي ان كانك بالرياض رح للتقوى الي بمخرج 9 طريق ابو بكر الصديق فرعهم الجديد قبال ماك .. متخصصين همر ولاندروفر ويشتغلون كل السيارات الامريكية

واحد من الشباب معه همر H2 صارت له نفس مشكلتك بالضبط تقريبا وطلع الخلل حساس القير ..

وانت يالغالي قلتها بنفسك .. تقول يوم انك فحصت كمبيوتر طلع لك الحساس حق القير وقالوا احتمال المشكلة ترجع لك ..

افحص كمبيوتر بـ 100 ريال وبيطلع لك كل شي مع اني اجزم 80% انه حساس القير

موفق يالغالي

[راعي الاكاديا]

هلا ابوي

انا فعلا فحصته كمبيوتر قبل

وقالوا لي الحساس حق القير

لكن من بعدها فحصت عند واحد بالصناعية " فدويرة الخرج "

ب 50 ريال

قالي القير يبغاله توضيب ..!

وانا الحين ما ادري مين امشي معاه

مع الي يقول يبغاله توضيب

والا اللي يقول يبغاله حساس

[YOU1]

والله انا اشوف ان الموتر حديث (2008) ومن الصعب ان الجير يخبط بهالسهولة مهما كان... انا اقول غير الحساس وتوكل علي الله وان شاء الله تضبط معاك... بس انسي موضوع التوضيب حاليا..

[راعي الاكاديا]

الله يكتب اللي فيه الخير ويا عسى يكون الموضوع مجرد حساسات

[إأسير الروح]

اخوي راعي الاكـآديـآ ..
المشكله شكلهـآ عامه والا ايش السالفه انـآ معاي اكـآديـآ 2008 ونفس المشكله
طلعت امس المهم حميت السيـآره واللي علي بالخير ... ومشيت يمكن 500 متر
الا وصوت طقطقه قويه بالمكينه ... حسيت المكينه تبي تنقز من مكـآنهـآ...
ومعلقه على ترس بس ما اذكر الثالث او الثاني ... وادعس بنزين ولا كـآني ادعس .. ضغط المكينه على 1
واذا دعست يزيد فوق الوآحد بشوي .. ويرجع ...
المهم وقفت الموتر .. وحطيته بالـn وطفيت السيـآره قلت اكيد فيه قطوه بالكبوت
فتحت الكبوت الا ما فيه شئ ... طلع عندي بالشاشه ..طاقة المكينه منخفضه :(
وطلع عندي لمبة الزيت ... المهم انتظرت خمس دقايق وشغلت على طول اشتغلت زي العسل
ومشيت عليهـآ ورحت وخلصت اشغالي ورجعت .. المشكله لمبة الزيت الى الان مشتغله..

كلمني واحد من الزملاء قال مستحيل المكينه يكون فيهـآ شئ .. لان مستحيل المكينه تمشي معاك شوي
وتخرب شوي ...!!!
قال اي واحد يقول لك توضيب قول توكل على الله مستحيل مكينه تصلح شوي وتخرب شوي ..!!!

قال روح افحص كمبيوتر وتأكد من الحساسات ... ومن الكهربـآء بشكل عام
وحلف لي بالله انهـآ صارت معـآه نفس المشكله باليوكن وكـآنت حساس بسيط بس ما اذكر اي حساس اللي قاله
انـآ بكره بفحص كمبيوتر وراح اشوف وباذن الله خير ...

واتمنى اذا انت حصلت حل انك تقول لي وش صار معـآك لاني خلاص شوي واموت قهر على الموتر :(

[إأسير الروح]

اخوي بعد حبيت اسئل ..
انا غيرت زيت الجيربكس .. وقال لي الموظف السعودي ان اذا غيرت الزيت ممكن تصير معاك مشاكل...!!!
قلت له يا اخوي تنكت انت والا تمزح انا الموتر حقي ماشي حدود ة80 الف .. والافضل اغير الزيت
قال طيب شوي واتصل عليك بأسئل الفني .. وارد عليك .. ربع ساعه ورد اتصل علي وقال
الفني يقول راح يكون تمـآم ان شاء الله .. وقال باذن الله ما يصير معاك مشاكل

وانا حاس انهم هم سبب المشكله ..
<< قسم بالله غير اطلع ريحتهم بكرهـ ان شاء الله واولهم المدير ..
وهالموظف غير اخليه يتمنى انه ما توظف عندهم اذا ما زبط المشكله ..
لاني اذا ما صلحت وحافظة على السياره عن طريق الوكاله اروح افحصهـآ وازينهـآ عند ورشه لعيونهم والا ايش ..!!!

بس حبيت اسئل المشكله طلعت معـآك بعد تغيير زيت الجيربكس والا بدون ما تغيرهـ ..!!!

[mojarad]

والله انا اشوف ان الموتر حديث (2008) ومن الصعب ان الجير يخبط بهالسهولة مهما كان... انا اقول غير الحساس وتوكل علي الله وان شاء الله تضبط معاك... بس انسي موضوع التوضيب حاليا..
طيب شصار معاك في النهاية علشان نستفيد لا هنت

[almjrooh_07]

خذ الحل وانا خوك
روح اشتر حساس قير وقله رقم 1 يعني للتعشيقه رقم واحد وخذلك كم علبة زيت وفلتر للتغير واقرب ورشه صاحيه قوله وبدون مايفحص غير الحساس مع الزية والفلتر وادعلىي معك

[almjrooh_07]

هذي نصيحة لجميع الاعضاء اذا كان القير اتوماتيك كهرابئي وهو الموجود بكل السيارات الان وحصل عندك ضعف في عزم السيارة اعرف انه حساس على طول روح لمحل فحص كومبيوتر ليحدد رقم الحساس لكن اذا كان عزم السيارة مفقود مره يعني ماتمشي تاكد من الزيت اذا شفت له ريحه حريق اعرف انه منتهي ويبيله توضيب:director:

[GMC89]

طيب ليه ماتروح لـ اوتو ستار وتفحصه كمبيوتر وتسوي له مثل ما سويت اول واذا قالك حساس القير خربان
قله اي واحد فيهم وغيره وادع لوالديني ^_^

[must302]

القير ادا كان يبغاله توظيب ما يعشق ابد من اول ماتشغل السياره
عندي لانكروزر موديل 93 مره وحده مايعشق ريوس ونمر تتأخر طفيت السياره وشغلتها يوم ثاني النمره كلها مظبوطه رحت ورشه طلع بها قال توظيب قلت له المشكله كهربا مو توظيب قال لي من الميكانيكي هنا طلعت من عنده و ليومك السياره ماسويت فيها شي ماشيا معاي عادي
السالفه حساس او التماس