ابي شوركم يا اخواني بخصوص مكيف اليوكن

[سلطان444]

السلام عليكم ورحمة الله وبركاته


عندي طالع عمركم مكيف سيارتي اليوكن اذا شغلته طبعا اذا كانت السيارة ماشية بطريق يكون المكيف بارد ما شاء الله ثلج ،


لكن اذا وقفت مثلا عند اشارة او عند اي محل يعني ما دام السيارة واقف يقلب المكيف حار مايبرد واذا دعست على الابنس وهي واقفه يبرد ،


عاد انا رحت لكذا كهربائي سئلته عن المشكلة واغلبيتهم قال المشكلة عندك بالكمبرسن ضعيف وعندك حلين


1- اما انك تغير الكمبرسن واذا قلت ان الكمبرسن غالي ولا تبي تغيره عندك حل ثاني وهو


2- انك تركب مراوح وبالحاله هذي تساعد على تبريد المكيف وحتى تساعد على حرارة السيارة


وانا الحين ابي مشورتكم يا اخوان هل الحل الثاني يساعدني على التبريد

[راعي VTC]

حبيبي انا ابقولك حاجة ويمكن تقول وش دخلها لكن سوها وتدعيلي
والي هي

غير فلتر المكيف الي تحت رجلين الراكب الأمامي وراح تشوف الفرق

[مهداوي]

من وجهة نظري ان الكمبرسن
لان المراوح وانا اخوك مالها دخل الكمبرسن لازم يتغير ؟
(إعتبرها وجهة نظر)
ويجيك اللي أخبر مني

[الخبوبي]

سؤال هذا الكمبرسر شد بلد ولا مغير !!!

عندي نفس المشكله بعد ما غيرت الكمبرسر .. وهذا دليل على أن الكمبرسرات الموجوده في السوق خرطي تجاريه حتى لو قالك أصليه ...

عندي يوكن 2003 .. تبريده ما شاء الله قوي ماشي الموتر وإلا واقف ولا فيه أي خلاف .. قبل 4أشهر خرب وغيرت الكمبرسر .. بعدها مثل ما تقول إذا كان ماشي خذ تبريد وإذا وقفت يفصل المكيف وما يبرد !! المشكله أن الكمبرسر أصلي على قولتهم وماخذه بسعر 980 ريال .. ويوم رجعت للكهربائي قالي المشكله من البنص ضعيف لازم ترفع عليه فقوق الواحد .. قلت طيب ليش البنص ما سوى نفس المشكله مع الكمبرسر الأول وحاول يتهرب من الإجابه .. وأنا أقول المشكله من الكمبرسر

تكفى إذا لقيت حل علمني

[مهداوي]

سؤال هذا الكمبرسر شد بلد ولا مغير !!!

عندي نفس المشكله بعد ما غيرت الكمبرسر .. وهذا دليل على أن الكمبرسرات الموجوده في السوق خرطي تجاريه حتى لو قالك أصليه ...

عندي يوكن 2003 .. تبريده ما شاء الله قوي ماشي الموتر وإلا واقف ولا فيه أي خلاف .. قبل 4أشهر خرب وغيرت الكمبرسر .. بعدها مثل ما تقول إذا كان ماشي خذ تبريد وإذا وقفت يفصل المكيف وما يبرد !! المشكله أن الكمبرسر أصلي على قولتهم وماخذه بسعر 980 ريال .. ويوم رجعت للكهربائي قالي المشكله من البنص ضعيف لازم ترفع عليه فقوق الواحد .. قلت طيب ليش البنص ما سوى نفس المشكله مع الكمبرسر الأول وحاول يتهرب من الإجابه .. وأنا أقول المشكله من الكمبرسر

تكفى إذا لقيت حل علمني

طيب ليه ماتركب تشليح؟
انا مركب تشليح وماشاء الله تبارك الله اثلج من الثلج :good2:

[ابوعقل]

سلطان 444

اكيد اليوكن اللي عندك 2003 وتحت

الكمبرسر ما فيه شي وهذا طبيعي بالسياره

لانك واقف والهواء ما يجي على رديتر المكيف اللي قدام الرديتر

ولو تلاحظ اليوكن من 2004 او 2005 وفوق

تجي مراوحه كهرب وما يشتكون من المكيف

عندك حل انك تاخذ مراوح كهرب مع الظفيره حقتها من التشاليح

وتكنسل المروحه اللي على السير ((يسمونها مروحه ميكانيكيه))

وتركب بدالها مراوح كهرب

ولا المكيف عندك ما فيه شي ولا تغير كمبرسر ولا تسوي شي

انا معي جمس ونفس اللي يصيرلك بالظبط

وانا ماشي المكيف ممتاز بس اذا وقفت تقل البروده بشكل واتضح

بس وش أسوي اذا وقفت عند اشاره

احط القير بال N

وادعس البانزين شوي وتشوف المكيف بارد

[الخبوبي]

طيب ليه ماتركب تشليح؟
انا مركب تشليح وماشاء الله تبارك الله اثلج من الثلج :good2:

طيب وش أسوي باللي توني مركبه بــ 980 ريال !!!

مازااال البحث جاري عن حل إن شاء الله

تحياتي

[الخبوبي]

سلطان 444


احط القير بال N

وادعس البانزين شوي وتشوف المكيف بارد


:D :good: :D نفس الشيء أسويه :D :good: :D

الحااااجه ام الإختراااع

[البرق 2009]

نفس المشكله عندي
بس انا تفصل لمبة المكيف التشغيل ويصير هوا حار بس
واذا اشتغل من احسن مايكون
وقالو لي يمكن من لوحة التشغيل اللي فيها ال اي سي

[سلطان444]

السلام عليكم

الف شكر لكم اخواني

اليوم اتكلت على الله وركبت مراوح زي مانصحوني بعض اخواني

وراح اشوف الوضع ان شاء الله اليوميين هذي واردلكم ان شاء الله اذا فيه تغير من ناحية التبريد

شاكر لكم كل الشكر والتقدير لمساهمتكم وتجاوبكم مع اخوكم الصغيرش

[ابوعقل]

سلطان تبي تكنسل المروحه اللي على السير

ولا تبي تركب صغيره قدام الراديتر ؟؟

ولا تنسانا بالتقرير والصور اذا قدرت تصور

[Fmejrad]

السلام عليكم

الف شكر لكم اخواني

اليوم اتكلت على الله وركبت مراوح زي مانصحوني بعض اخواني

وراح اشوف الوضع ان شاء الله اليوميين هذي واردلكم ان شاء الله اذا فيه تغير من ناحية التبريد

شاكر لكم كل الشكر والتقدير لمساهمتكم وتجاوبكم مع اخوكم الصغيرش

اخوي سلطان ..


ياليت لو تفيدنا اكثر وش نوع المروحه الي ركبتها ووين ركبتها ؟ وهل الغيت مروحه شد البلد ام ركبت مروحه إضافية وكم التكلفة الاجماليه والاهم من ذلك .. عطنا النتائج يالغالي

بانتظااااارك

[سوبر VTC]

انا موتري جمس م2001

غيرت الكمبرسور 3 مرات
مرتين مستعمل و و خربن اشتغلن فترة و جيمن
اخرة مرة و انا طالع من مكة الى المدينة بعز الحر و معي الاهل
الثالث شريته مجدد من المحلات بكرتونه ب750ريال
و الان الحمدلله له اكثر من 3 او 4 سنوات
و خلال هذه ال4 سنوات عبيت الفريون مرة واحدة
طبعا نسم و لا حصلنا مصدر التهريب !!!
اهم نقطة
غسل الاديتر حق المكيف و المواصير و مواصير المكيف بغسيل خاص
لازم يتنظف تمام من الترسبات و رايش الكلتشات
ثم تحط فلتر جديد بطول الاصبع + زيت اصلي + فريون امريكي او فرنسي اصلي
و راح يطلع الوضع تمام باذن الله
و لا تنسى تنظف الفلتر اللي تحت المسجل عشان يكون دفع الهواء قوي
افضل حل للجموس تركيب مرواح كهرب مثل اليوكون م2007 المكيف ثلاجه
لانهم الغوا مروحة المكينة شد البلد

موفق




انا بمكة لما اوقف 5 دقائق المكيف تعبان جدا و هواء عادي
و الحرارة توصل النص
لكن لما ادوس على الابنص على 1.5 يثلج المكيف
مشكلتك احد امرين عندك نقص فريون و بالتالي مايبرد
او من بلف الثلاجة خربان
و تاكد من شداد المكيف لا يكون خربان و بالتالي يكون السير راخي
لاني كدت غيرت السير و الشداد




على سبيل المثال الجمس و اليوكن مثل م2003 و تحت




اذا كان واقف الظهر 10دقائق بعز الحر و المكيف شغال

توصل الحرارة النص بسبب بطئ دوران مروحة السير
و المكيف مايبرد
لازم تدوس عشان يثلج
لكن اللي ركبوا مرواح كهرب للجمس
ثبتت الحرارة على الثلث تحت النص
و صار المكيف ثلاجه :good:
حتى لو وقف ساعتين الظهر
لان المرواح تبرد اديتر المكيف و اديتر الماء مع اشتغال الكمبرسور
و اذا برد اديتر المكيف يبرد المكيف و يثلج
و تثبت الحرارة على الثلث





ايضا الدينالي م2004 و الشفر الغمارة و نص الامريكي

كلهن مرواح كهرب شد بلد و المكيف ثلوج :good:
حتى لو حرارة الجو 50


http://www.mekshat.com/vb/images/misc/progress.gif



عندك عدة حلول
تركيب مراوح كهرب شد بلد مثل اليوكن م2007
سعرهن تقريبا طقم ب1450
او تركيب مروحة امام الشبك



بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)

[همس الغدير]

السلام عليكم ورحمة الله وبركاته مع احترامي لكل الاخوان الا ان المشكلة تختلف من حاله لـ حاله يعني لسى شرط ان تكون نفس الاعراض سببها شي معين كلا حسب النوع والموديل

[سلطان444]

هلا اخواني

بالنسبة للمراوح شد البلد نفس ماكانت ماغيرت شي لاكن اضفنا مراوح تايوتا (يباني) عدد (2) قدام الاديتر بعد الشبك على طول وشابكهن مع المكيف لها كتاوت وفيوز خاص لو سمح الله صار شي بالمراوح يفصل الفيوز على طول

ابشركم تغير الوضع افضل من الاولى ولله الحمد

على فكرة انا قالي الكهربائي اركب لك مراوح سوبارو افضل واقوى لكن انا قلت ابي اجرب اللي موجود عنده بالاولى وبعدين نشوف .

وغيرت فلاتر المكيف اللي تجي تحت الدرج امام كرسي الراكب حوالي 40 او 70 ريال والله ماني فاكر

اما بالنسبة لتكلفة المراوح مع شغل يد الكهربائي كلفتني 400 ريال

وقالي خلني انضف لك مواصير المكيف بس انا رفضت قلت اذا شفت فيه تغير ملحوظ بعدين نفكر بهذا الشي والحمدلله كل شي تمام والحين ناوي ان شاء الله انضف مواصير المكيف واغير الفلتر اللي تقل قلم موجود عند الكمبرسن بالنواصيل

[بدوي جنوبي]

يا اخ سلطان
اولا :
هل الكمبروسر اللى غيرته يظهر منه صوت

ثانيا :
هل فحصت كمية غاز الفريون ؟
الفحص يكون بساعه تعبئة الفريون ويكون الضغط ما بين 35-40 بي اس آي
انظر الصوره :

http://www.allproducts.com/household/trafalgar/Product-20075714459-l.jpg
عند الفحص طبعا يكون المحرك والمكيف يعملان
اثناء الفحص اضغط على دواسة الوقود حتى يصل ضغط الهواء (ضغط المحرك) على رقم 2
تجد ان مستوى ضغط غاز الفريون قد ينخفض حتى يصل الى 35 تقريبا .
لان غاز الفريون فى هذه الحاله يقوم بأخذ دورة كامله على نظام التبريد كاملا .
اذا اصبح الضغط اقل من 30 يحتاج غاز الفريون الى اضافه (تاكد من الكهربائي ) لانى مش متاكد .

ثالثا :
وقت الانتظار تحس ان الكمبروسر مفصول
واذا دعست بنزين يبدأ يشبك ؟





الكمبروسر يوجد به عدد 2 حساس تأكد منها ممكن يكون الخلل فيها .

بالتوفيق

[terke mekshat]

بالنسبة للكمبرسر أغلب اللي بالسوق حتى بالوكالات مجدد أو تجاري ولا ينفع وأنصح الجميع بالتشليح.

[سوبر VTC]

اللي بالتشليح ما تضمنه ابد
سبق خربن علي مرتين كلهن جيمن

اخوي سلطان 444
الحمدلله
و ياليت تنزل كم صورة للمرواح و هي راكبة
لاهنت
طبعا افضل طريقة للمرواح تشبكهن مع الكمبرسور
بحيث اذا شبك اشتغلن مباشرة و اذا فصل يطفن

[Fmejrad]

هلا اخواني

بالنسبة للمراوح شد البلد نفس ماكانت ماغيرت شي لاكن اضفنا مراوح تايوتا (يباني) عدد (2) قدام الاديتر بعد الشبك على طول وشابكهن مع المكيف لها كتاوت وفيوز خاص لو سمح الله صار شي بالمراوح يفصل الفيوز على طول

ابشركم تغير الوضع افضل من الاولى ولله الحمد

على فكرة انا قالي الكهربائي اركب لك مراوح سوبارو افضل واقوى لكن انا قلت ابي اجرب اللي موجود عنده بالاولى وبعدين نشوف .

وغيرت فلاتر المكيف اللي تجي تحت الدرج امام كرسي الراكب حوالي 40 او 70 ريال والله ماني فاكر

اما بالنسبة لتكلفة المراوح مع شغل يد الكهربائي كلفتني 400 ريال

وقالي خلني انضف لك مواصير المكيف بس انا رفضت قلت اذا شفت فيه تغير ملحوظ بعدين نفكر بهذا الشي والحمدلله كل شي تمام والحين ناوي ان شاء الله انضف مواصير المكيف واغير الفلتر اللي تقل قلم موجود عند الكمبرسن بالنواصيل

ماشاءالله تبارك الله ..

الله يعطيك العافيه ويطول بعمرك يالغالي ..

طيب يالغالي ماذكرت لنا كم موديل سيارتك ؟

وبكم سعر المرواح وسعر شغل اليد ولا عليك امر ..

[قصيمي شمالي]

السلام عليكم


انا معي نفس المشكله اذا وقفت يحتر المكيف مع انه كان قبل اذا وقفت بارد وفيه شي ثاني فاقع مخي الي هو شداد المكيف غيرته كم مره وما زال يطقطق اذا دعستله


اتوقع انه
الكمبرسر في بداية خراب ولا ودي استعجل واغيره مع العلم ان المديل 2002 يوكن ومريت كم واحد وقال الكمبرسر خربان ويسوي ضغط زايد على الشداد