تكفون ياشباب إستفسار عن لاندكروزر vx مديل 2008

[كنتروووول]

ياجماعه معرووض لي هالجيب وش رايكم في النوع هذا
وش الفرق بينه وبين vxr


مواصفاااته فل الفل كم سعره التقريبي
ماشي 70 ألف
إلي عنده خبره ياليت يفيدني في أسرع وقت
وكيف إستخداااامه
0540002358

[عاشق الزيتوني]

السلام عليكم ورحمه الله وبركاته

أخوي نفس المواصفات ولايختلف شي ابداً
والسعر نفسه اعرف واحد شراه ماشي 85000 بــ 185000 الف ريال بخطوط طبعاً

[كنتروووول]

الله يعطيك العاااافيه ياعاشق الزيتون
بس حبيت أسأل هل مواصفااته مثل اللكزس
وش تنصحوووني أخذه ولالا ياليت أحد يفيدني كيف إستخدااامه
لأني والله محتااااار
أخذ 2009 gxr ثمانيه سلندر كامل الموااااصفاات فتحه شاشه خلفيه مراااتب مخمل
بدون جناح وااارد البحرين عليه خطوووط ماشي 75 ألف 165000 اللون ذهبي
أوأخذ 2008 vx ثمانيه سلندر فل الفل مراتب جلد فتحه خلفيه المقود متحرك نفقيشن ماشي 70 ألف
169000 اللون ذهبي
الفزعه ياشبااااااب والله إني محتاااار

[عاشق ونيت]

سلام عليكم من واقع تجربتي له فهو استخدامه لا يعلى عليه سواء خط او بر رساوه وقوه وحراره انساها
انا شاريه على وقته بـ 233000 بالنسبه لسعره الحين والله ماعرف لكن استهلاكه للبنزين لك عليه شوي عشانه 8 سلندر وترا هو فيه ميزه موب فالكزس انه هو يجي الفل كامل مكرة سحب والكزس مافيه والا الباقي نفس الكزس بالضبط المكينه ونظام التعليق وجميع الالكترونيات وحساسات وكاميرا خلفيه و نظام الملاحه على الطريق وعموما الله يبارك لك ان اخذته تقبل تحياتي

[عاشق ونيت]

اي صح مافيه فرق بينه وبين vxr بس العلامه والا نفس المواصفات

[النايف999]

سلام عليكم من واقع تجربتي له فهو استخدامه لا يعلى عليه سواء خط او بر رساوه وقوه وحراره انساها
انا شاريه على وقته بـ 233000 بالنسبه لسعره الحين والله ماعرف لكن استهلاكه للبنزين لك عليه شوي عشانه 8 سلندر وترا هو فيه ميزه موب فالكزس انه هو يجي الفل كامل مكرة سحب والكزس مافيه والا الباقي نفس الكزس بالضبط المكينه ونظام التعليق وجميع الالكترونيات وحساسات وكاميرا خلفيه و نظام الملاحه على الطريق وعموما الله يبارك لك ان اخذته تقبل تحياتي
اخوي مكينة اللكزس 570 تختلف عن الفكسار

وفيه بعض الاختلافات مثل الهيدروليك وغيره

[النايف999]

مافيه فرق يذكر عشان كذا انصحك بالفكسار استخر وتوكل على الله

[قدامي البرواز]

غير ال vxr لا تدور بس المشترى ها اليومين بها الاسعار يخوف من ناحية هل بيتغير شكل ال 2011 او لا لانه من القهر تشتري بسعر عالي وبعد كم شهر بينزل الموديل الجديد
فاذا ما تغير الشكل الله يكتب لك فيه الخير

والله الموفق

[كنتروووول]

أحبااابي المكشاتيه

عاشق الزيتون
عاشق الونيت
النايف 999
قدامي البرواز


أشكر لكم دماااااثة أخلاقكم ويعلم الله أني أدعي لكم في ظهر الغيب

وأبشركم بعد الإستشاااره والإستخاااره توكلت على الله وأخذت vx


تقبلو تقديري وإحتراااامي

[عاشق الزيتوني]

مبروك والله يبارك لك فيه ويعطيك من خيره ويكفيك شره

والحمد لله انك ما شريت الــ جي اكس ار لأن فيه ناس شروه وندموا على شريته خص الشكل الجديد يستهلك البنزين اكثر من الفكس ار بس الــ فكس والـ فكس ار مواصفاته واستخدامه حلوه .
وكلامي من واقع تجربه وناس مجربين اعرفهم

[الفااهم]

ياغالي قيمة الموتر الي ان تقول
ما يوصل 160 الف الا اذا كان
معروض في معرض
اما اذا كان مع احد من برا المعارض
فان قيمة 160 الى 155
وغير السعر هذا لا تاخذه
وشور عليك تاخذ gx
فل كامل 8 سرندل
افضل من vx وvxr
هذا اذا كانت طلعاتك للبر كثيره
اما اذا مره كل شهر كل شهرين
فخذ vxr او vx
كلهن واحد
والله يوفقك
ويباركلك فيه مقدما