قدر الله علي وغيرت زيت الدفرنس<<جيب ربع

[hdm]

السلام عليكم ورحمة الله وبركاته

معي جيب ربع 2003 وقدر الله علي وغيرت زيت الدفرنس من ابويمن حسبي الله عليه وحطيت زيت عيار 140 وبدا يطلع معي صوت طقه اول مااقوم الموتر بس والصوت طبعا من الكارونة مافيها كلام بعدها رحت للوكالة وغيرت زيته مره ثانية وحطيت زيت عيار90 ولازال صوت الطقه مستمر

فهل المشكة لها حل معين مثلا اضافه شي مع الزيت وإلا مالنا إلا ننتظر ان الكارونة تطق ونغير بــ4000 ريال الله لايخسر.........وعذراً على الاطالة

[ابو...فهد]

لا حول ولا قوة الا بالله
من جد مشكلة الله يعينا وإياك
طيب الوكالة ما فحصت الموتر عندهم وشفت وش سبب الطقة هل يمكن معالجتها اما لا؟

[عزوز الحجازي]

احتمال يكون من الصليب

[المسفهل111]

تغيير زيت الدفرنس = نهاية الكارونة والموت البطيء لها

لي تجربة مريرة مع الدفرنس لليوكن والنهاية بيع الموتر

[الـبـريـكـي]

السلام عليكم ورحمة الله وبركاته

معي جيب ربع 2003 وقدر الله علي وغيرت زيت الدفرنس من ابويمن حسبي الله عليه وحطيت زيت عيار 140 وبدا يطلع معي صوت طقه اول مااقوم الموتر بس والصوت طبعا من الكارونة مافيها كلام بعدها رحت للوكالة وغيرت زيته مره ثانية وحطيت زيت عيار90 ولازال صوت الطقه مستمر

فهل المشكة لها حل معين مثلا اضافه شي مع الزيت وإلا مالنا إلا ننتظر ان الكارونة تطق ونغير بــ4000 ريال الله لايخسر.........وعذراً على الاطالة
الله يعينك زيت الدفرنش لايتغيير يزيدونه بس خاصه اذا قديم الموتر وانا قد غيرته وطلعت ونه بالدفرنش

[روضة التنهات]

مشكلة الصوت بعد تغيير زيت الدفرنس شائعه في السنوات الاخيرة
ولهذا GM خصصت له مادة تضاف الى الزيت لتخفيف حدة الصوت!

SAE 75W-90 Mobil 1 Synthetic Gear Lube

يوجد نوع اخر وهو اثقل من الثاني وهو يزيل الصوت تماما ...
Redline 80W140

لا اعتقد انك تحتاج الى تغير اي قطعة حاليا فقط تحتاج علبتان من الزيت المذكور مع علبة differential additive اسال الوكيل عن GM Part #1052358

تحياتي لك وان شاء الله موفق,,,

[ن م ر]

الطقة احتمال كبير انها من الصلبان أو من العمود


لا تبدأ في التغيير أو الإصلاح الا بعد الفحص الدقيق عند أكثر من ورشة

[hdm]

بالنسبة للوكالة لاماشاورتهم بخصوص الموضوع هذا لكن مااتوقع انهم يبي يحصلون لهم حل لهالاشكالية

وبالنسبة للصلبان سليمة اكيد والكارونة هي المشكلة متأكد<<

اخوي روضة النتهات يعني لو اضفت هالمادة تروح هالطقه؟ او يخف الصوت فقط؟ او عندهم زيت معين واغير الموجود عندي
ووين احصله بالزبط بوكالة الجميح يعني

[الجنوبي 911]

الله يعينك المشكلة هذي صارت معي علشان ابو يمن حسبي الله عليه حط زيت 90 في الدبل والدفرنس الامامي السيارة يوكن
وطلعه ونزله وغيرت الزيت وحطيت 140 مع شحم في الدفرنس و140 في الدبل ومشت الامور ولله الحمد
وانصح كل واحد لايغير زيوت الدبل والدفرنس يزودها فقط

[ابن غفيص]

يوجد زيت يجلفن الدفرنس إسأل عنه علبته حمرا يكتم الأصوات ويعبي الفراغات أنا أبحث عنه معي Gx ودفرنس الدبل فيه صوت. . .

[hdm]

الله يعينك المشكلة هذي صارت معي علشان ابو يمن حسبي الله عليه حط زيت 90 في الدبل والدفرنس الامامي السيارة يوكن

وطلعه ونزله وغيرت الزيت وحطيت 140 مع شحم في الدفرنس و140 في الدبل ومشت الامور ولله الحمد

وانصح كل واحد لايغير زيوت الدبل والدفرنس يزودها فقط


يعني افهم من كلامك ان اضافه الشحم مع الزيت للدفرنس شي جيد

[علاوي المكاوي]

وش إلي خلاك تغيره
ممكن تقول السبب.....

[داورد]

عزيزي .............
أقول لك وش صار معي :
صار عندي طقة وشحمت الصلبان لأني مبطي عن التشحيم والحمد لله راحت , هذا اولاً
ثانيا ً شاورت ابوعبدالله الصمعاني في تشاليح بريدة ( متخصص في الكرونات والقيور ) وش احسن زيت للدفرنس قال حط (((زيت ايسي دلكو حق القير العادي شرط , مع علبة زيت لمنع الاحتكاك ايضاً من عند ايسي دلكو )) وطبقت كل ماقال والحمد للة موتري مافية خلاف

وعلى فكرة حطيت هذا الزيت مع المانع للدفرنسات الاثنين والقير ايضاَ

هذا ما لدي:good2:

[btb]

يرجال الله يعينك
كل ابو يمن كلا.......... وانتو كرامه
كم مره يتسببون في خراب الاشياء يجيك
يتفلسف عليك
وهوما عنده ماعند جدته
الله يعوضك اخوى ويدلك على الحل السليم

[العابر2222]

أخووي انت يوم تغير الزيت فكيت الصرة من تحت ولا سويت شفط ؟؟

اذا فكيت الصرة من تحت فالله يخلف على الكارونه راح يصير فيها فضاووة لأن اي كارونه يصير فيها برادة واذا فكيت الصررة من تحت تنزل البرادة ... والحل المؤقت حط شوي شحم مقادر ثلاث اصابع وكد الكارونه الين تطق والله يعين

اما اذا شفط حط زيت 140 ومع الوقت راح يسكر الزيت الفضاووة


صارت معاي في باثفندرر وراح الدفرنس بسبب تغيير الزيت

[الباثفندر 3.5]

حسبي الله على اللي غير لك الزيت
معروف انه ما تغير زيت الدفرنس لو بعد 20 سنه
فقط يزيدونه اذا لزم
و الله يعينك و يعوضك

[RJA]

الله يعينك اخوي .... واتوقع العلبة الصغيرة اللي عند اسي دلكو بتنفع معاه ان شاء الله ..
غيرت زيت الدفرنسات 3 مرات كل 50 الف ( بترومين 90 ) ولاهنا خلاف الحمد لله .

[hdm]

وش إلي خلاك تغيره
ممكن تقول السبب.....


والله وانا خوك لأني يوم شيكت عليه لقيته متعدي مرحلة انه مسود وعلى طول غيرته ولكن الشكوى لله

[hdm]

عزيزي .............
أقول لك وش صار معي :
صار عندي طقة وشحمت الصلبان لأني مبطي عن التشحيم والحمد لله راحت , هذا اولاً
ثانيا ً شاورت ابوعبدالله الصمعاني في تشاليح بريدة ( متخصص في الكرونات والقيور ) وش احسن زيت للدفرنس قال حط (((زيت ايسي دلكو حق القير العادي شرط , مع علبة زيت لمنع الاحتكاك ايضاً من عند ايسي دلكو )) وطبقت كل ماقال والحمد للة موتري مافية خلاف

وعلى فكرة حطيت هذا الزيت مع المانع للدفرنسات الاثنين والقير ايضاَ

هذا ما لدي:good2:
سراحه معلومات من ذهب تشكر عليها حقيقة لكي استفيد منها ويستفيد منها الغير ولايهونون باقي الاعضاء

[hdm]

اشكر كل من تفاعل في الموضوع وراح اخبركم وش يصير معي ان وجدت حل لكي تعم الفائدة

[هيف راعي كيف]

مقدر ومكتوب
انا قبل فترة دخلت وايت الغنم عشان اغير زيوته
وقلت للبنشري ابو نسافة( باكستاني):mad: شفت زيت القير يمكن ناقص معلوم ؟ قال معلوم>>امحق

الموهم خليته يفحص يوم خلص حاسبتة
جيت برجع الموتر ورى ماقدرت؟!!
اجي منا مناك القير يعشق رويس بس مايرجع!!

الموهم سحبته يوم طلع من البنشر وديته للورشة قال لازم افك القير
يوم فكة لقاء مسمار التروس منفك يعني (الباكستاني ) بدال مايفك الصرة فك مسمار التروس وبطلت!!
وادفع 1500 ريال:( قيمة فك القير!!

وغيره مشكلة ثانية خسرتني 1200ريال:( وهلم مجررررة من الخسائر بسبب العمالة وعدم مراقبتنا لهم..:(

[ولد الديره 2]

نصيحه لا لا تحط شحم في الدفرنس اوالقير تفقع عندك الصوف
أسال مجرب انا وضعت شحم وتفقعت الصوف عندي من الشحم

[سوبر VTC]

موتر ماشي فوق ال150 الف
كارونته ما تحارش ابد
لانك لو غيرت الزيت راح تطلع مشاكل
بحكم ان الزيت السابق ثقيل و غليظ
بسبب احتكاك التروس => برداة تروس
و لان احتكاك التروس يؤدي الى فضاوة
الحل و هذي حركه يسونها الشريطية
يحطون 4طقات شحم تقريبا
و يختفي الصوت لان الزيت يثقل
و بعضهم يحط قشر موز و البعض يحط برداة خشب
و احتمال جلد الموتر اثر على الكارونة

[hdm]

غيرت الزيت وحطيت acdelcoمع المعالج ولافيه فايدة لكن الشكوى لله والحمد لله على كل حال:)

للفائدة:هل الزيت الذي وضعته له عمر افتراضي؟

[سوبر VTC]

جرب حط شوية شحم 4 او 5 ضغطات
و ان شاء الله يضبط
و ارى انه من الافضل انك تحط زيت 140 لانه اثقل من ال90 الخفيف
اعانك الله

[BLAZER91]

السلام عليكم ورحمة الله وبركاته

معي جيب ربع 2003 وقدر الله علي وغيرت زيت الدفرنس من ابويمن حسبي الله عليه وحطيت زيت عيار 140 وبدا يطلع معي صوت طقه اول مااقوم الموتر بس والصوت طبعا من الكارونة مافيها كلام بعدها رحت للوكالة وغيرت زيته مره ثانية وحطيت زيت عيار90 ولازال صوت الطقه مستمر

فهل المشكة لها حل معين مثلا اضافه شي مع الزيت وإلا مالنا إلا ننتظر ان الكارونة تطق ونغير بــ4000 ريال الله لايخسر.........وعذراً على الاطالة

السلام عليكم ورحمة الله
اخوي مستحيل تغيير الزيت يسوي طقه في الكرونه ممكن بسوي ونه او صوت وانت ماشي
طقة الكرونه اما انك سحبت شي ثقيل او نتعت الموتر فجأه

بس انا قبل 3 شهور جاني طقه مع القومه او عند الريوس في القومه وكل من سمعه قال الكرونه
وانا موتري كبسوله 2006 ثلث ماشي 33الف ولا عمري طبيت طعس او سحبت احد ورحت الوكاله وطلعت الطقه من السسته الخلفيه الكبيره وطقها بالمطرقه كانت شوي مايله وضبطت ولاعاد سمعت شي ابد والصوت فعلا تحس انه الكرونه وهو من السست تاكد عند مهندس خبير في السست وعطنا خبر

[aborajwa]

اخوي عشان تتبع محل الطقة لاني ارى ان الاخوان تفاوتوا فيها قبل ما تحترش في الموتر روح لورشة فيها حفرة ثم وسط السيارة منها وخله يرفع الكفرات الاربع عن الارض ويخلي السيارة على جحوش معروفة عند الورش اربع حبات حتى تكون السيارة راسية وهي واقفة عليها ثم شغل وعشق وامش وخل الفني تحت السيارة يحط سمعه لمصدر الطقة ويتتبع المصدر زين وقف وعشق وامش لين يقول خلاص الصوت مصدره هنا وخله هو يسوق وانت اسمع الصوت بنفسك اذا تأكدت انه من الدفرنس لا تسوي شيء ابد حط زيت ثقيل ومع مرور الايام تلقى الصوت اختفى تماما ولا يهمك .. الدفرنس ما يخرب بالساهل والا مجرد تغيير زيت يخربه صحيح يطلع صوت لكن ماهو خراب والصوت يروح مع مرور الوقت ..

[سوبر VTC]

الدفرنس ما يخرب بالساهل والا مجرد تغيير زيت يخربه صحيح يطلع صوت لكن ماهو خراب والصوت يروح مع مرور الوقت .. http://www.mekshat.com/vb/images/misc/progress.gif

صدقت اخوي
كان معنا قبل 10سنين شاص م91 و كان به ونه للكارونة الخلفية
و مع الايام اختفت نهائيا
بارك الله فيك

[ابن غفيص]

للأسف ما حصلت الزيت ومازال الصوت موجود. . . ." والفته" ههههههـ

[hdm]

ايه والله.......الله يسمع منكم وتصير سست او فترة وتروح مع اني مااضنها :d

لكن سيتم متابعت الحالة إلى حين وجود حل وسنوافيكم بأخر الاخبار:)

[سوبر VTC]

موقعك اخوي ؟

[hdm]

الرياض وانا خوك

[hdm]

والله العالم بعد ان زيت الوكالة اللي حطيته قبل هالزيت الاخير كان اطيب
لأن كان ثقييييل والطقه كانت 1 او 2 لكن الحين كأنه ازود شوي يمكن لأن توه الزيت جديد :)

لكن ماهي صعبة الزيت موجود معي بعلبة قلنا سبحان الله وهو ا جديد اصلا

[hdm]

اشكر جميع من شاركنا في الموضوع واتحفنا برأيه

[ابو محمد ....]

هلا اخوي hdm
ان شاء الله انحلت مشكلتك
والله ياخوي كنت ناوي أغير زيت الدفرنس طبعا موتر اكسبديشن 2005 دبل
لأني غيرت الصوفه وبعدها رحت للبنشري وشيك على زيت الدفرنس قال مو ناقص
لكن يحتاج تغيير لأن لونه تغير وريحته ويحاول يقنعني
المهم كلمت الفني اللي غير الصوفه قال لااااااااا تغير ابدا
زود اذا ناقص ...وخلك من كلام البنشري طبعا ها الكلام اليوم الاثنين .
فأتمنى من الله ان تلاقي حل لمشكلة والله لا يخسر مسلم ....في حفظ الله ورعايته.

[نوماس1]

الطقة دائمة ومتواصله مع حركة السيارة او انها في البدايةعند تحريك السيارة فقط
اذا كانت عند البدايه فهي صلبان وشحم العمود

[الحمر احمر]

عندك هالحل انك ترجع زيت 140 وتضيف عليه نشاره خشب اي خشب ناعم ان شاء الله يضبط والطريقه ماخذها من شايب والسلام ختام

[بواردي تربة]

نفس المشكلة عندي غيرت جميع الزيوت من دفرنسات الي قير الي دبل الي مكينة

وبعد يومين اذا مسرع مافية صوت واذا قربت عند لفة او هديت اسمع صوت طقة متواصلة خفيفة في الخلف

ومن الموضوع هذا يتضح انة لابد ان ازود الدفرنس بثلاث طقات شحم ونشوف هل يختفي الصوت ام لا

موتري مقفص موديل 83 اجرب وارد لكم خبر إن شاءالله

[ayaqaz]

بارك الله فيكم..

ورحم الله والدينا و والديكم..

موضوع مفيد..

وفقكم الله..

[حسين السبيعي]

تغيير زيت القير والدفرنش لا يسبب عطل بداً ممكن صوت فتره ويروح وهذا عن تجربه لكثر من عشرون عام ؟ اتوقع ان الصوت يكون من 1 الصليب 2 الشيال 3 من القير او كرسي القير

[asdali]

اشتر لك علبة زيت جديدة وروح المغسلة وخله يرش السيارة من تحت وخاصة السست اذا اختف الصوت فالحمدلله واذا ما اختفى بعد الحمدلله .

والله ييسر امرك

[HAS5SAN]

الله يكون في عونك
اقرب شي تحط شحم

[ابن غفيص]

أبشركم غيرت الكارونه والصوت انقطع والله يتمم على الموتر و تضبط الكارونه الجديده لي يومين مركبه . . .

كارونه مستعمله . . .

الله يعقله. . .

[سوبر VTC]

ابن غفيص

الله يعقله ان شاء الله
موديل و نوع الموتر ؟ كم سعره بدون و مع التركيب ؟

[_دربيل_999]

اخوي..الطقة من الصليب...الكارونا مافيها غير العافية..

تحيتي

[musting 2002]

مشاكل الدفرنس مشاكل

[ابوسعد931]

والله يااخوان مع احترامي لكم الوكاله تقول غير كل80.000 الف والزيت له مده وينتهي وشلون مااغير الرجاء التاكد من المعلومات لان معلومه خطا قد تخسر مسلم بدون قصد الرجاء التأكد قبل ابداء الرائ فيها سيارات قديمه وفيها سيارات جديده وليست سواء

[ابو ف]

اخوي الله لايهينك كم خذيت الكرونه به وكم كلفت مع التركيب وعليها ضمان اولا

[f 16]

نزل زيتك كامل لكن عند واحد فاهم
تجيب زيت اسي ديلكو اعتقد انه بصعوبة تلقاه العلبة سوداء
بلاستيك مثل علب زيت الماكينة وتجيب عصار صغير 40 ريال
قيمتوه اسموه مانع احتكاك يحط بالدفرنس ونم هم الاصوات