شباب سؤال بخصوص الجارمين موديل 520 و 530

[محر999م]

السلام عليكم ورحمة الله وبركاته
:) شباب ممكن أعرف خصائص ووميزات ووظيفة هذا الجهاز لموديل 520 و 530 ولوتكرموا أذكروا لي هذه المميزات والخصائص وطبعاً للي جرب هذه الأجهزة يذكر لي سلبياتها وإجابياتها يعني مثلاً هل يتغير برمجة الجهاز لو حركت البوت من بحر 30 لبحر 200 متر وأخيراً ممكن أجد جهاز معرب واللي عنده شبه جديد يدلني وشكراً لكم :D .

[jeddahauto]

وعليكم السلام والرحمه والاكرام
بالنسبه للفرق بين 520 فهو يخزن اقل مواقع من 530 بحيث ان ال 530 يخزن 3 اضعاف المواقع اكثر من 520 و سرعه استجابته للقمر ابطأ بشي قليل جدا .. و السبب يرجع لتطوير موديل 530

السلبيات الى الان ما شفت احد جربه يشتكي منه باي شي سلبي ما عدا في حاله دمج الجهاز بقطعه الفيش فايندر و تشغيلهم مع بعض .. احيانا تخلي الجهاز يعلق او يبطأ ... و احيانا يوقف عن العمل و يحتاج لفرمته كامله .. فالافضل تخلي الفيش فايندر جهاز لحاله

و اظن ان في ال 530 اتلافو المشكله دي ... لكن ان شاء الله قريب حجربو و اتاكد من باب العلم لانهم في الشركه المصنعه بيأكدو انهم اتلافو المشكله دي

و كمعلومه عامه .. التعريب يثقل كثير على الجاهز و يخليه يعلق و يبطأ ..
وانتا ما حتحتاج في اجهزه سلسله 500 الا اهم ميزه وهيا الخرائط الثلاثيه الابعاد و تحديد الاعماق و تحديد افضل مسار بحري ... و خرائطها ادق بكثير من سلسله 276

و هنا سعر ال 520 ب 2600 ريال ... ولكن غير متوفر في دار موجه
و ما يجيبو ال 530 الى الآن .. لانهم طالبين كميه من الدفعه اللي طلعت بعد ال 520 واللي هيا 525 و اللي هي الان قبل ال 530 .. يعني ورطو بال 525 لانهم حاطين سعره ب 3500 تقريبا .. وما حينزلو ال 530 الا بعد ما ينتهو من كميه ال 525 اللي حتجيهم

وعلى فكره نزل كمان 540 و 545 و 550 نازل قريب في امريكا هههههههههههههه و كلها تطورت فقط في تسريع معالج الجهاز حتى يستقبل من الفمر في اوقات قياسيه

انا طلبت 5 اجهزه 530 لاخوان من جدة و الشرقيه و ان شاء الله حتوصل قريب و راح انزل موضوع عنها بعد تجربتها .. لو كان عطيتنا خبر كان ضميتك معهم .. لكن ان شاء الله كل تأخيره فيها خيره .. و الجهاز من الخارج كلف 2500 ريال


ان شاء الله اكون افدتك ولو بالقليل

سبحان الله و بحمده

[محر999م]

هلا فيك أخوي...ممكن أعرف أسعار ال540 و545 و550 وإذا ممكن مايجي من الشركة جارمن مع فيش فايندر وبعد الله لايهينك سعر الفيش فايندر لوحده وهل بطاريته تنشحن أم أغير البطارية ومشكور أخوي وماقصرت....ويعطيك ألف عافية

[jeddahauto]

ان شاء الله يعافيك و يسعدك بالدارين
ولا شكر على واجب ...

اسعار ال 540 و ال 545 من فوق 3 الى الاربعه
اما ال 550 لأنه آخر شي نزل فوق 4 الالاف ريال

ولكن ترا الفرق في سرعه استقبال القمر شي بسيط جدا ...نحنا لو كنا بنجرب الجهازين مع بعض ما راح نعرف الفرق لأنه بمقدار اجزاء من الثانيه و اقل من 2 او 3 ... و هادا الفرق يفرق مع اصحاب قوارب السبيد بوت اللي ما شاء الله تكون مرررررررره سريعه فوق 90 كيلو واللي يحتاجو يكون استقبال القمر سريييع جدا حتى يتفادو بعد الله الاصطدام بالشعب ... لكن نحنا كاصحاب قوارب عاديه ما حتفرق معانا كثير الثانيه او 3 ثواني لأن سرعه قواربنا تحت 70 و غالبا في 50 كيلو / الساعه ((( اتمنى اكون قدرت اشرح الفكره)))

و الى الان الافضل سعرا كمواصفات هو ال 530 ... اما لو حبيت تشتري آخر موديل من جارمن فراح تتعب نفسيا لأنهم كل فتره والثانيه نازلين بموديل اجدد :)

وبعض الاجهزه تنباع مع قطعه الفيش فايندر اللي هي السونار .. وبعض الاجهزه بدون السونار ...
وقطعه الفيش فايندر ال 160 سي تجي ملونه ب 1150 ريال و لكن وقفو دار موجه عن بيعها لأنهم نزلو منها الموديل الاجدد اللي هوا 400 سي ملون و شاشته اكبر كتير عن ال 160 و سعره ب 1400 ريال ..و شاشته شديده الوضوح و قوته الى 900 قدم =270 متر تقريبا
لكن الفيش فايندر الاقوى هوا ال 320 وسعره ب 2800 ريال بدار موجه و وقفو بيعه لأنه يعتبر موديل قديم و شاشته اكبر من باقي الموديلات بالضعف بالحجم لكن عيبها انها ماهي شديده الوضوح زي ال 400 .. يعني تجيك الشاشه ملونه لكن زي مشوشه زي العاب الكمبيوتر و جهاز صخر و العاب العائله على ايامنا وحنا صغار ... وقوته انه يلقط لعمق 1500 قدم = 460متر و دائره البحث في تحديد اماكن الاسماك و الاعماق اقوى بكثير

مع العلم ان كل اجهزه القارمن من سلسله 400 او 500 في الجي بي اس و سلسله الفيش فايندر ما صارت ببطاريات .. تشتغل عن طريق اسلاك تنشبك مع بطاريه القارب

وان شاءالله بعد ما توصل الاجهزه و تجربها امكن حنطلب كميه ثانيه ويصير اضمك معهم لو حبيت

واي استفسار ر يردك الا الكيبورد :)

اخوك ابو هاشم

سبحان الله و بحمده

[محر999م]

الله يعطيك الف عافية:p ...شوف يالحبيب أنا ابغى جهاز واحد يكشف العروق والشعب والعمق والأسماك بأحجامها...والسرعة ربع دعسة أو أقل لماكينة 40 حصان يعني السرعة شوي بطيء وأهم شيء ما تتغير البرمجة لمشيت من بحر 50 لبحر 200 وأيضاً يحفظ المواقع ...وتتوقع أي جهاز وموديل مناسب لي لجل اطلبه منك :f .

[jeddahauto]

الاثنين في جهاز واحد يعني اما 420 او 520 او 430 او 530 من فئه S وهيا اللي تشغل 2 في واحد
و انتا شوف ايش الحجم اللي تبغاه اذا كان موديلات 400 فشاشته 4 انش .. اما اذا كان من موديلات 500 فشاشته 5 انش

وانا ما صادفت ان البرمجه تتغير الا اذا كنت ماشي في اطراف الخريطه المبرمجه و مالها علاقه بالعمق
و كلها من فئه اس تبين العروق و الشعاب و ثلاثيه الابعاد و تحدد المسار و تحفظ مواقع

و لو تبغا رأيي فليش ما تنتظر حتى نجرب ال 530 و ان شاء الله حيوصل الاسبوع هادا ... و بعدها تقدر تختار .. و تحب اشوفلك جديد ولا مستعمل ؟

ولا انتا مستعجل على الجهاز مره ؟؟؟

و انا عن نفسي اخترت ان يكون عندي جهازين منفصلين .. اخدت 320 بسبب قوه مواصفاته و ما تهمني وضوح الشاشه مقارنه بقوه المواصفات ... و مخلي ال 520 او 530 للخرائط فقط

وبالنسبه لسعر الجهاز اللي فيه 2 في واحد قيمته تقريبا مساويه لقيمه الجهازين منفصله

[abady991]

مشكوووور اخوي ابو هاشم وفيت وكفيت يالغالي