استفسار عن مشكلتين بالاند كروزر الغالي

[فكسار الأزرق]

مسهم بالخير والمسرات
عندي ثلاث مشاكل بموتري الاند 2003 , الاولى مدري هي من وكالتها أو لا :
1 ـ المكيف الخلفي عند تشغيله يبدأ بالتدرج من الدرجة الأقل وصاعدا حتى الدرجة الثالثة والأخيرة , ويستقر عندها مما يسبب ازعاج , مما يضطرني لإعادته إلى الوضع المناسب عند كل تشغيله من الزر الخلفي !!

2 ـ المراية الوسطى أصبحت تهز بوضوح والمشكلة ليست بالمسمار المثبت الظاهر بل بالقطعه المثبته في الزجاج الامامي .

3 ـ أصوات صرصره بالركب , هل هناك حل غير التغيير ؟ وهل تباع الركبة بدون مقص ؟ وهل الركب الصينية تغني ؟

فما الحل في كل مشكلة ..

[طير شلوى نجد]

الله يمسيك بالنور بالنسبة للمكيف طبيعي يمشي من اقل درجه الين ياصل اعلى درجة لانه يشتغل رأسيآ على الاتوماتيك وتبيه مايصل اعلى سرعة قلل درجة الحرارة الارقام الموجودة عند ازرار التحكم حطه على 25 وعلى طول يشتغل على المروحة الوسط وبالنسبة على المرايه مر على محلات القزاز ويغيرونه لك بس انتبه لا يحطون لك صمغ الجني خلهم يحطون لك الصمغ خاص بالزجاج وامريته يخلط مع بعض والركب مالك الا المقص كامل والركب مهمه وانصحك ابعدعن شغل الترقيع لبعض الورشات وتراء الركب لازم ترفع السيارة وتحرك الكفر بعتله عشان يبين بهن فضوه ولا لا
ارجو اني افدتك

[الصقار2007]

نيابة عن صاحب الموضوع عز الله انك طير شلوى

[فكسار الأزرق]

جزاك الله خير ياطير شلوى


مر على محلات القزاز ويغيرونه لك

مدري وش يغيرون لي ؟

[ن م ر]

انا عندي نفس مشكلة المراية الوسطى

اول مره طاحت وركبتها وشديت المسمار والحين تهتز ولا انفك المسمار

وترى مسمارها معقد جدا لان بين راس المسمار وسنته مسافه وهذي هي اللي تخلي المرايه تهتز اذا صار فيه فضاوه

للحين ابحث عن حل لعل الاخوان عندهم ما يشفي الصدور

[طير شلوى نجد]

تسلم والله يصقار وراعي الفكس الي فهمت منك ان القطعة الي توصل بين قزازة السياره والمرايه فيها المشكله وهي قطعه تقريبآ مستطيله مثبته بالمرايه وعن طريقه تثبت بقزازة السيارة .

[ابومحمد 1390]

بنسبة للمراية

بدون تلصيق او غرا...فك مسمار المرية .تلاقي مسمارين صغار ماسكين القاعدة تلاقيهم مرتخين شدهم بحذر.وبعدين ركب المرية وشد مسمارها.بتضبط ان شاء الله معك,,,
واذا ماعرف تصلحها,, انا جاهز وبالمجان

[فكسار الأزرق]

طير شلوى يعني أغير القطعه هذي ؟

الحين وش اللي مثبت القاعدة اللي بين المرايه والقزازه بالقزازه يابومحمد ؟

[ابومحمد 1390]

مساء الخير فكسار
القاعدة اللي فيها قواعد المسامبر الصغيرة ,تجي من وكالتها لازقه في المراية,, وماتطلع بسهولة,كود طق من شان تطلع,,,لذالك الفضاوة في المراية دإمن تكون من المسامير الصغيرة...زي ماقلت لك اخوي
اغلب السيارات كذا نضام المرايات فيها,
انا معي جي اكس وكانت عندي نفس المشكلة وصلحتها بنفسي .ولااسهل منه,,,,,,,,,

[فكسار الأزرق]

مساء الخيرات
طيب فك المسمار الاول اللي يربط نفس المراية بالقاعده ما يضر ان شاء الله ؟

[فكسار الأزرق]

ابوحمد لك رساله على الخاص

[الكونترولCONTROL]

مشكلة مرآة الوسط أن العمالة الغير مدربة لا يعرفون التعامل مع القطع الحساسة
لذلك : عند تغيير الزجاج الأمامي للاند كروزر لا تترك العامل يتصرف في فك المرآة
و لا تحاول حل مسمارها و لا أي جزء منها
اكسر الزجاج القديم على حدود القاعدة
و قم بعمل صنفرة للزجاج و الغراء القديم بواسطة مكينة الصنفرة .... خلال دقيقتين تلمع القاعدة كالجديدة !!

http://www.mekshat.com/pix/upload04/images173/mk13430_ffff.jpg (http://www.mekshat.com/pix/upload04/images173/mk13430_ffff.jpg)
( متوفرة عند بعض محلات تركيب الزجاج )
بذلك تعود المرآة و قاعدتها لحالة المصنع .... قم بتثبيتها باستخدام الغراء الثنائي (أسود مع رصاصي ) mix
و استخدم الهواء لتسريع عملية نشوف و التصاق الغراء ..... و بالتوفيق